សុខភាព

តើចេកប្រភេទនីមួយៗ មានអត្ថប្រយោជន៍ និងគ្រោះថ្នាក់អ្វីខ្លះ?

បានផុស

១ ខែ មុន

នៅ

ថ្ងៃពុធ ២០ កញ្ញា ២០២៣

ដោយ

ចេកណាំវ៉ា ចេកពងមាន់ ចេកអំបូង និងចេកប្រភេទផ្សេងទៀត សុទ្ធតែមានសារធាតុចិញ្ចឹមសំខាន់ៗដូចគ្នា ប៉ុន្តែរបស់ខ្លះខុសគ្នា ស្ថានភាពសុខភាពរបស់មនុស្សមួយចំនួនអាចមានភាពល្អប្រសើរ សម្រាប់ប្រភេទចេកមួយចំនួនផងដែរ។

ក្នុងនាមជាអ្នកទទួលទាន យើងទាំងអស់គ្នាដឹងហើយថា ចេកមានអត្ថប្រយោជន៍ជាច្រើន ក្នុងនោះវាក៏មានរសជាតិស្រដៀងគ្នា ។ បន្ថែមពីលើរសជាតិ និងរូបរាង វាក៏ផ្តល់សារធាតុចិញ្ចឹមផ្សេងៗគ្នាមួយចំនួនផងដែរ។ ហើយអាចសក្តិសមនឹងសុខភាពរបស់មនុស្សម្នាក់ៗខុសៗគ្នា។

តើចេកប្រភេទនីមួយៗមានអត្ថប្រយោជន៍ និងគ្រោះថ្នាក់អ្វីខ្លះ?

១ ចេកអំបូង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចេកអំបូងផ្តល់បរិមាណខ្ពស់បំផុតក្នុងមួយផ្លែ ដូច្នេះមនុស្សជាច្រើនជ្រើសរើសទទួលទានវាជាអាហារពេលព្រឹកគឺល្អសម្រាប់សុខភាព។ លើសពីនេះ ចេកក៏ផ្តល់ថាមពលខ្ពស់ផងដែរ។ ជាពិសេសអ្នករត់ ឬអត្តពលិកញ៉ាំចេកមុន ឬអំឡុងពេលប្រកួត ដើម្បីផ្តល់ថាមពលភ្លាមៗ។ ចេកអំបូងក៏ជួយឲ្យមនុស្សឈប់ជក់បារីកាន់តែងាយ ព្រោះចេកមានវីតាមីន B6 B12 និងប៉ូតាស្យូម ដែលឲ្យរាងកាយងើបឡើងវិញ និងកាត់បន្ថយយ៉ាងខ្លាំងនូវរោគសញ្ញានៃការកន្ត្រាក់ពីការខ្វះជាតិនីកូទីនពីបារី។

២ ចេកណាំវ៉ា

ប្រសិនបើវាជាចេកណាំវ៉ាដែលមិនទុំខ្លាំងឬល្មម វានឹងមានជាតិដែកខ្ពស់ ជួយបង្កើតកោសិកាឈាម ការពារភាពស្លេកស្លាំង។ លើសពីនេះ ចេកណាំវ៉ាក៏មានផ្ទុកនូវជាតិកាល់ស្យូម ផូស្វ័រ វីតាមីន C ការ៉ូទីន នីយ៉ាស៊ីន និងជាតិសរសៃអាហារសមស្រប ដែលជួយដល់ដំណើរការនៃប្រព័ន្ធរំលាយអាហារ។ ការបន្ទោរបង់ក៏កាន់តែងាយស្រួលផងដែរ។

៣ ចេកពងមាន់

ចេកពងមាន់មានលក្ខណៈសម្បត្តិជួយពន្យាភាពចាស់។ ដោយសារតែវាមានផ្ទុកនូវវីតាមីន B1, B2, B6, B12 និងសារធាតុប្រឆាំងអុកស៊ីតកម្មហៅថា beta-carotene ដែលជួយពន្យឺតការវិវត្តនៃកោសិកាបានយ៉ាងល្អ។

៤ ចេកស្នាប់មុខ

ចេកស្នាប់មុខ មានផ្លែធំ ដើមវែង ស្រួច ចុងគ្មានខ្លាញ់ រាងជ្រុង និងសំបកក្រាស់ជាងចេកប្រភេទផ្សេងទៀត ។ ផ្លែចេកមានផ្ទុកសារធាតុម្យ៉ាងហៅថា cytoindoside ជួយបំបាត់ការហើមពោះ ដែលបណ្តាលមកពីដំបៅក្រពះ។

ទោះយ៉ាងណាក៏ដោយ មុនពេលទទួលទាន អ្នកក៏ត្រូវមានការប្រុងប្រយ័ត្នចំពោះការញ៉ាំចេកដែរ។ ថ្វីត្បិតតែផ្លែចេកមានអត្ថប្រយោជន៍ច្រើនចំពោះរាងកាយនិងខុសគ្នាតាមប្រភេទនីមួយៗ ប៉ុន្តែសម្រាប់អ្នកដែលចូលចិត្តញ៉ាំផ្លែចេកជាប្រចាំ អ្នកប្រហែលជាចង់ដឹង។ ចេកជាផ្លែឈើដែលផ្តល់ថាមពលខ្ពស់ពីបរិមាណជាតិស្ករក្នុងផ្លែចេក។ ឧទាហរណ៍ ចេក ២ផ្លែផ្តល់ថាមពល ៥៦ គីឡូកាឡូរី ឬប្រហែល ២.២ ស្លាបព្រានៃជាតិស្ករ ដូច្នេះអ្នកគួរតែកំណត់បរិមាណចេកដែលអ្នកញ៉ាំក្នុងមួយថ្ងៃ។ កុំញ៉ាំច្រើនពេក! ហើយផ្លែចេកគឺល្អសម្រាប់ផ្តល់ថាមពលដល់អ្នកមុនពេលហាត់ប្រាណ។

បន្ថែមពីនេះ អ្នកគួរជ្រើសរើសញ៉ាំតែចេកទុំ។ នេះក៏ព្រោះតែចេកឆៅមានផ្ទុកនូវម្សៅច្រើន ដែលពិបាករំលាយ ធ្វើឲ្យហើមពោះ និងទល់លាមក ដោយសារតែជាតិសរសៃអាហារ (pectin) នៅក្នុងផ្លែចេកអាចស្រូបយកទឹកក្នុងពោះវៀនបាន។ នៅពេលដែលពោះវៀនមិនមានទឹកដើម្បីចិញ្ចឹមកាកសំណល់អាហារ លាមកប្រែជារឹង បណ្ដាលឲ្យទល់លាមក៕

ប្រែសម្រួល៖ សាង ស្រីល័ក្ខ

ចុចអាន៖សាឡាត់ក្នុងថង់ លាក់កំបាំងនៃមេរោគ ដែលអ្នកប្រហែលជាមិនដឹង