តើ​ការ​ញ៉ាំ​ទុរេនច្រើន​ មាន​ប្រយោជន៍​ចំពោះ​សុខភាព​ដែរ​ឬ​ទេ?

ផ្លែឈើរួមចំណែកដល់វីតាមីន ជាតិសរសៃ ជាតិស្ករ និងសារធាតុចិញ្ចឹមសំខាន់ៗ ដែលចាំបាច់សម្រាប់រាងកាយរបស់យើង។ ទោះជាយ៉ាងណាក៏ដោយ មិនមែនផ្លែឈើទាំងអស់ផ្តល់អត្ថប្រយោជន៍ដល់សុខភាពរបស់យើងនោះទេ ហើយការទទួលទានរបស់វាគួរត្រូវបានកាត់បន្ថយក្នុងបរិមាណសមរម្យជារៀងរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលទានផ្លែទុរេន ២០០ mg ផ្តល់ ៣០០ កាឡូរី រួមបញ្ចូលជាតិស្ករ ៥០ ក្រាម ខ្លាញ់ ១០ក្រាម ប្រូតេអ៊ីន ៣ ក្រាម និងជាតិសរសៃ ៨ ក្រាម។ ផ្លែឈើនេះក៏ផ្គត់ផ្គង់វីតាមីនក្រុម B ប៉ូតាស្យូម ម៉ាញ៉េស្យូម និងសារធាតុចិញ្ចឹមបន្ថែម។ ដូច្នេះហើយ ធុរេន​លេចធ្លោ​ជា​ផ្លែឈើ​ដែល​មាន​ឥទ្ធិពល​យ៉ាង​ខ្លាំង​ដល់​កម្រិត​ជាតិ​ស្ករ​ក្នុង​ឈាម​។ ដោយសារបរិមាណជាតិស្កររបស់វា ការទទួលទានទុរេនច្រើនពេកអាចបណ្តាលឲ្យមានការកើនឡើងយ៉ាងឆាប់រហ័ស ទាំងកម្រិតជាតិស្ករក្នុងឈាម និងអាំងស៊ុយលីន។

ការកើនឡើងនៃអាំងស៊ុយលីន បង្កឲ្យមានការកើនឡើងនៃផលិតកម្ម androgen ដែលជាហេតុជំរុញឲ្យរាងកាយបញ្ចេញជាតិប្រេងកាន់តែច្រើន ដែលនាំឲ្យរលាក។ លក្ខខណ្ឌទាំងនេះបង្កើតបរិយាកាសអំណោយផលសម្រាប់ការអភិវឌ្ឍមុន។

អាស្រ័យហេតុនេះ វាត្រូវបានណែនាំឲ្យទទួលទានធុរេនតែពីរទៅបីដងក្នុងមួយសប្តាហ៍ ដោយកំណត់ការទទួលទានត្រឹមតែមួយឬពីរដុំប៉ុណ្ណោះ។ នេះជួយក្នុងការចៀសវាងការលើសថាមពល រក្សាកម្រិតជាតិស្ករក្នុងឈាមឲ្យស្ថិតស្ថេរ ហើយដូច្នេះការពារការកើតមុនសម្រាប់អ្នកដែលមានផ្ទៃមុខងាយឡើងមុន៕

អត្ថបទ៖ សាង ស្រីល័ក្ខ

ចុចអាន៖ផ្លែឈើ ៦មុខ ជួយបន្សាបជាតិពុល និងកាត់បន្ថយហើមពោះ