Connect with us

សុខភាព

អាជ្ញាធរជាតិប្រយុទ្ធនឹងជំងឺអេដស៍៖ មកដល់ពេលនេះស្ថានភាពការឆ្លងមេរោគអេដស៍ថ្មីមិនមានការផ្ទុះឡើងវិញទេ

បានផុស

នៅ

នៅលើបណ្តាញសង្គមមានការចែករំលែកតៗគ្នាពីការផ្ទុះមេរោគអេដស៍សារជាថ្មី ខណៈអ្នកផ្ទុកមេរោគអេដស៍មួយចំនួនមិនបានមកទទួលសេវាព្យាបាលពីមូលដ្ឋានសុខាភិបាល។

លោកបណ្ឌិត ឈឹម ឃិនដារ៉េត អគ្គលេខាធិការអាជ្ញាធរជាតិប្រយុទ្ធនឹងជំងឺអេដស៍ អះអាង ក្នុងនាមអ្នកបច្ចេកទេសមួយរូបថា មកដល់ពេលនេះស្ថានភាពការឆ្លងមេរោគអេដស៍ថ្មីមិនមានការផ្ទុះឡើងវិញទេក្នុងប្រទេសកម្ពុជា។  ផ្ទុយទៅវិញការឆ្លងថ្មីនៃមេរោគអេដស៍បានធ្លាក់ចុះជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្លាក់ចុះគួរឱ្យកត់សម្គាល់នៃការឆ្លងមេរោគអេដស៍ថ្មីនេះ គឺបន្ទាប់ពីរាជរដ្ឋាភិបាលកម្ពុជា បានដាក់ចេញនូវផែនការយុទ្ធសាស្រ្តទូលំទូលាយ និងពហុវិស័យឆ្លើយតបនឹងមេរោគអេដស៍។ លោក ឈឹម ឃិនដារ៉េត មានប្រសាសន៍ថា៖«យើងមើលនិន្នាការនៃការធ្លាក់ចុះ គិតចាប់ពីឆ្នាំ ១៩៩៧ ចំនួនអ្នកឆ្លងថ្មីនៃមេរោគអេដស៍ចន្លោះពី ១ ៥០០០ ទៅ ២ ៧០០០ នាក់ និងអត្រាប្រេវ៉ាឡង់លើងដល់ ៣ ភាគរយ ដែលជាអត្រាខ្ពស់បំផុត»។

ប៉ុន្តែគិតត្រឹមក្នុងឆ្នាំ ២០២៣ អត្រាឆ្លងថ្មីនៃមេរោគអេដស៍ មានចំនួន ១ ២០០ នាក់ ដែលចំនួននេះមានការថយចុះជាង ២០០ នាក់ បើប្រៀបធៀបទៅនឹងឆ្នាំ ២០២២ ដែលមានអត្រាឆ្លងថ្មី ១ ៤០០ នាក់។

ទន្ទឹមនឹងលទ្ធផលភាពជោគជ័យខាងលើ បច្ចុប្បន្ន អាជ្ញាធរជាតិប្រយុទ្ធនឹងជំងឺអេដស៍ បានសម្តែងការព្រួយបារម្ភចំពោះប្រជាជនគន្លឹះដែលងាយប្រឈមនឹងការឆ្លងមេរោគអេដស៍។ ប្រជាជនគន្លឹះសំដៅដល់ក្រុមអ្នកប្រើប្រាស់គ្រឿងញៀន ក្រុមស្ត្រីបម្រើក្នុងសេវាកម្សាន្ត ក្រុមបំប្លែងភេទ  និង ក្រុមបុរសរួមភេទជាមួយបុរស ជាដើម។


ផ្អែកតាមទិន្នន័យរបស់មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគនៃក្រសួងសុខាភិបាល ករណីឆ្លងថ្មីនៃមេរោគអេដស៍មានការធ្លាក់ចុះពី ១ ៤០០ នៅ ឆ្នាំ ២០២២ មក ១ ២០០ នៅឆ្នាំ២០២៣។ គិតត្រឹមត្រីមាសទី៣ ឆ្នាំ២០២៤នេះ អ្នកផ្ទុកមេរោគអេដស៍ចំនួន ៦៩.៤១៣ នាក់បានមកទទួលសេវាថែទាំ និងព្យាបាលដោយឱសថប្រឆាំងមេរោគអេដស៍ដោយឥតគិតប្រាក់នៅមូលដ្ឋានសុខាភិបាលរបស់រដ្ឋ។

ចំណែកអ្នកផ្ទុកមេរោគអេដស៍ប្រមាណជិត ៧.០០០នាក់ទៀត នៅមិនទាន់បានដឹងពីស្ថានភាពផ្ទុកមេរោគអេដស៍របស់ពួកគាត់ ដែលអាជ្ញាធរជាតិប្រយុទ្ធនឹងជំងឺអេដស៍ កំពុងធ្វើសកម្មភាពដើម្បីអប់រំ និងជូនដំណឹងឱ្យគាត់បានដឹង និងមកទទួលសេវាធ្វើតេស្តរកមេរោគអេដស៍ និងទទួលការព្យាបាលថែទាំឱ្យបានឆាប់។

ក្នុងនាមស្ថាប័នជំនាញ លោកបណ្ឌិត ឈឹម ឃិនដារ៉េត អំពាវនាវដល់បងប្អូន ជាពិសេសប្អូនៗយុវវ័យចូរការពារខ្លួន ការពារគ្រួសារ ការពារមិត្តភក្តិ កុំឱ្យឆ្លងមេរោគអេដស៍ តាមរយៈការសិក្សាស្វែងយល់ពីការអប់រំចំណេះដឹងទាក់ទងនឹងមេរោគអេដស៍ និងជំងឺអេដស៍។

ក្នុងករណីសង្ស័យថា បានប្រព្រឹត្តិនឹងការឆ្លងមេរោគអេដស៍ សូមក្លាហានប្រញាប់ ធ្វើតេស្តរកមេរោគអេដស៍ដើម្បីឆាប់ទទួលបានការថែទាំព្យាបាល រក្សាសុខភាពបានល្អ។ ការធ្វើតេស្តរកមេរោគអេដស៍ និងព្យាបាលដោយឱសថប្រឆាំងមេរោកអេដស៍នៅមូលដ្ឋានសុខាភិបាលមិនត្រូវឱ្យបង់ប្រាក់ឡើយ។

ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ ធ្នូ ឆ្នាំ២០២៤ ក្រោមប្រធានបទ “សិទ្ធិ ជាមាគ៌ា ឆ្ពោះទៅបញ្ចប់អេដស៍” នាយករដ្ឋមន្រ្តីកម្ពុជា សម្តេចធិបតី ហ៊ុន ម៉ាណែត អំពាវនាវដល់គ្រប់ក្រសួង ស្ថាប័ន ត្រូវធ្វើការរួមគ្នាជាពហុវិស័យ ដើម្បីលុបបំបាត់ការចម្លងមេរោគអេដស៍ និងជំងឺអេដស៍។

ទិវានេះត្រូវបានប្រារព្ធឡើង ដើម្បីឆ្លុះបញ្ចាំងនូវការប្តេជ្ញាចិត្តជារួមរបស់ពិភពលោក ក៏ដូចជារាជរដ្ឋាភិបាល និង ប្រជាជនកម្ពុជា ក្នុងការចូលរួមចែករំលែកនូវចំណេះដឹង ជំនាញ និងបទពិសោធក្នុងការប្រយុទ្ធទប់ស្កាត់ការរាលដាល នៃមេរោគអេដស៍ ឱ្យកាន់តែមានប្រសិទ្ធភាពខ្ពស់ និងបង្ហាញពីការគាំទ្រដល់អ្នកផ្ទុកមេរោគអេដស៍ និងអ្នករងផលប៉ះពាល់ដោយ​សារមេរោគអេដស៍ និងជំងឺអេដស៍ឱ្យទទួលបានសេវាថែទាំ ព្យាបាល និងសេវាគាំពារសង្គម ឆ្ពោះទៅបញ្ចប់អេដស៍ឱ្យបានឆាប់បំផុត៕

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ១៤ នាទីutes មុន

លោក ត្រាំ ប្រាប់​ថា​នឹងពិចារណាទម្លាក់គ្រាប់បែកលើអ៊ីរ៉ង់ម្តងទៀត

ព័ត៌មានជាតិ៤២ នាទីutes មុន

ចំណតផែពហុបំណង TS១១ ទីតាំងយុទ្ធសាស្ត្រដឹកទំនិញ​​ចូលក្នុងទីក្រុងនៅតាមដងទន្លេសាប

ព័ត៌មានអន្ដរជាតិ៥៥ នាទីutes មុន

អ៊ីស្រាអែល​បន្ត​សម្លាប់​​មិន​បន្ធូរ​ដៃ បាត់បង់​ជីវិត​​៥១នាក់ទៀត​ហើយ​នៅ​ហ្គាហ្សា

ព័ត៌មានជាតិ២ ម៉ោង មុន

ស្រុកសំឡូត តំបន់កសិកម្មដ៏ល្បី​មានច្រក​ទ្វារព្រំដែន​ ៤ កន្លែង​សម្រាប់ទំនាក់ទំនង​ជាមួយ​ថៃ

ព័ត៌មានអន្ដរជាតិ២ ម៉ោង មុន

ប្រធាន​ IAEA៖ អ៊ីរ៉ង់​អាច​ចាប់ផ្ដើម​ចម្រាញ់​អ៊ុយរ៉ាញូម​ឡើង​វិញនៅ​«ប៉ុន្មាន​ខែខាងមុខ»

ព័ត៌មានជាតិ២៤ ម៉ោង មុន

លោកស្រី បាន ស្រីមុំ៖ ​អភិបាល​ខេត្ត​ស្រះកែវ​ អត់ដឹងប្រវត្តិស្ពានព្រំ-បានប៉ាក់កាដ

ព័ត៌មានជាតិ២ ម៉ោង មុន

ស្រុកសំឡូត តំបន់កសិកម្មដ៏ល្បី​មានច្រក​ទ្វារព្រំដែន​ ៤ កន្លែង​សម្រាប់ទំនាក់ទំនង​ជាមួយ​ថៃ

សន្តិសុខសង្គម២៤ ម៉ោង មុន

រកឃើញសពម្ចាស់ទូកដ ២ នាក់ ប្ដីប្រពន្ធ បាត់ខ្លួនក្នុងហេតុការណ៍លិចទូក ម្សិលមិញ

ព័ត៌មានអន្ដរជាតិ២៤ ម៉ោង មុន

បង្ហាញខ្លួនលើកនេះ ភរិយា និងកូនស្រីលោក គីម ស្ពាយកាបូប ពាក់នាឡិកាខ្ទង់ម៉ឺនដុល្លារ

ព័ត៌មានជាតិ២០ ម៉ោង មុន

ពលករខ្មែរម្នាក់ដែលពេទ្យថៃទុកចោល ត្រូវបានអភិបាលខេត្តប៉ៃលិនអន្តរាគមសង្គ្រោះ ផ្តល់ទាំងថ្លៃព្យាបាល និងធ្វើដំណើរ 

Sokha Hotels

ព័ត៌មានពេញនិយម