KPT+

គន្លឹះងាយៗ ៦ យ៉ាងដើម្បីសម្រេចបាននូវផ្នត់គំនិតវិជ្ជមាន

បានផុស

៣ years មុន

នៅ

ថ្ងៃចន្ទ ៣ ឧសភា ២០២១

ដោយ

អំណាចនៃការគិតវិជ្ជមានគឺជាគំនិតដ៏អស្ចារ្យមួយ ហើយអត្ថប្រយោជន៍ខាងរាងកាយនិងផ្លូវចិត្តនៃការគិតវិជ្ជមាន ត្រូវបានបង្ហាញដោយការសិក្សាវិទ្យាសាស្ត្រជាច្រើន។

ប្រសិនបើចង់បានប្រសិទ្ធភាពក្នុងការគិតវិជ្ជមាន គ្នាយើងត្រូវមានគន្លឹះដើម្បីជួយក្នុងដំណើរការនេះ៖

១ . ចាប់ផ្ដើមថ្ងៃនីមួយៗដោយមានការបញ្ជាក់វិជ្ជមាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងធ្លាប់ភ្ញាក់ពីគេងយឺតភ័យស្លន់ស្លោឬយល់សប្ដិអាក្រក់ដែរទេ? បន្ទាប់មកមានអារម្មណ៍ថា មានអ្វីមិនល្អកើតឡើងពេញមួយថ្ងៃ? នេះដោយសារតែយើងចាប់ផ្ដើមថ្ងៃដោយអារម្មណ៍អវិជ្ជមាននិងទស្សនៈទុទ្ទិដ្ឋិនិយម ដែលបានកើតឡើងនៅក្នុងព្រឹត្តិការណ៍ផ្សេងទៀត ដែលយើងបានជួបប្រទះកន្លងមក។

ជំនួសឲ្យរឿងនេះគ្របសង្កត់លើយើង សូមចាប់ផ្ដើមថ្ងៃរបស់យើងដោយមានការបញ្ជាក់វិជ្ជមានពីផ្លូវចិត្ត។ និយាយជាមួយខ្លួនឯងនៅមុខកញ្ចក់ ទោះបីមានអារម្មណ៍ដូចជាឆ្គងៗដោយមានឃ្លាដូចជា“ ថ្ងៃនេះនឹងជាថ្ងៃល្អ” ឬ “ ខ្ញុំនឹងក្លាយជាថ្ងៃដ៏អស្ចារ្យ” នោះយើងនឹងភ្ញាក់ផ្អើលថា តើថ្ងៃរបស់យើងល្អប្រសើរប៉ុណ្ណា។

២. ផ្ដោតលើរឿងល្អទោះតូចក្ដី

នៅពេលដែលយើងជួបប្រទះនូវបញ្ហាប្រឈម សូមផ្ដោតលើផលប្រយោជន៍ មិនថាតិចឬមិនសូវសំខាន់ក៏ដោយ។ ឧទាហរណ៍ថាបើយើងជាប់នៅក្នុងចរាចរណ៍ សូមស្ដាប់ចម្រៀងដែលចូលចិត្តឬពាក្យអប់រំល្អៗពីបុគ្គលណាមួយ។ ទោះបីជួបឧបសគ្គពេញមួយថ្ងៃ តែបើយើងព្យាយាមផ្ដោតតែរឿងល្អៗ នោះបញ្ហាក៏ធូរស្រាលតាមហ្នឹង។

៣. ស្វែងរកការលេងសើចក្នុងស្ថានភាពមិនល្អ

ពេលជួបរឿងមិនល្អណាមួយ សូមឲ្យខ្លួនឯងជួបប្រទះនូវភាពកំប្លុកកំប្លែងខ្លះ ទោះបីតែស្ថិតនៅក្នុងស្ថានភាពដែលងងឹតឬពិបាកបំផុតក៏ដោយ។ រំលឹកខ្លួនឯងថាស្ថានភាពនេះនឹងបង្កើតឲ្យមានរឿងល្អនៅពេលក្រោយ ហើយព្យាយាមបំបែករឿងកំប្លែងច្រើនៗ ដើម្បីបន្លប់អារម្មណ៍អវិជ្ជមានដែលតោងជាប់រាងកាយនិងផ្លូវចិត្តរបស់យើង។

៤. បង្វែរការបរាជ័យទៅជាមេរៀន

គ្រប់គ្នាមិនល្អឥតខ្ចោះទេ ហើយនឹងមានកំហុសដោយការជួបប្រទះការបរាជ័យក្នុងបរិបទជាច្រើននៅកន្លែងធ្វើការ ជាមួយមនុស្សជាច្រើន។ ជំនួសឲ្យការផ្ដោតរឿងបរាជ័យ សូមគិតអំពីអ្វីដែលយើងនឹងធ្វើនៅពេលក្រោយ ដោយបង្វែរការបរាជ័យទៅជាមេរៀន។

៥. ផ្លាស់ប្ដូរការនិយាយអវិជ្ជមានទៅជាការនិយាយវិជ្ជមាន

ការនិយាយអវិជ្ជមានចេញពីខ្លួនឯង អាចលាន់ឡើងងាយបំផុត ហើយជារឿយៗពិបាកកត់សម្គាល់ថាជារឿងអ្វីណាស់។ គ្នាយើងខ្លះធ្លាប់គិតថាខ្លួនឯងមិនល្អបែបនេះ ឬមិនគួរសាកល្បងធ្វើវាឡើយ។

គំនិតទាំងនេះគឺជាអារម្មណ៍ខាងក្នុង ហើយអាចចាប់ទាញការយល់ឃើញរបស់យើងចំពោះខ្លួនឯងឲ្យធ្លាក់ចុះបាន។ ដូចនេះបញ្ឈប់សារអវិជ្ជមានទាំងនោះ ដោយជំនួយនូវសារវិជ្ជមានមកខ្លួនឯងវិញ។

៦. ស្វែងរកមិត្តវិជ្ជមាន អ្នកណែនាំនិងមិត្តរួមការងារ

នៅពេលយើងព័ទ្ធជុំវិញខ្លួនជាមួយមនុស្សវិជ្ជមាន យើងនឹងបានលឺទស្សនវិស័យវិជ្ជមាន រឿងវិជ្ជមាន និងការអះអាងវិជ្ជមានមិនខាន។ ពាក្យវិជ្ជមានរបស់ពួកគេនឹងលិចចូល ហើយជះឥទ្ធិពលលើបន្ទាត់នៃការគិតរបស់យើងផ្ទាល់។

ការស្វែងរកមនុស្សវិជ្ជមានដើម្បីបំពេញជីវិត អាចជាការពិបាក ប៉ុន្តែចាំបាច់ត្រូវលុបបំបាត់ភាពអវិជ្ជមាននៅក្នុងជីវិតរបស់យើងជាមុនដែរ។ ដូចដែលយើងបានគិត ការគិតវិជ្ជមានផ្ដល់នូវលទ្ធផលត្រឡប់មកវិញ ដូច្នេះអនុវត្តវាកាន់តែញឹកញាប់ គុណប្រយោជន៍កាន់តែច្រើន៕

ប្រែសម្រួល៖ សាង ស្រីល័ក្ខ

ប្រភព៖success

ចុចអាន៖មេរៀនជីវិតមានតម្លៃពីភាពយន្ត Avatar: The Last Airbender

ចុចអាន៖សាកវិធីធ្វើសមាធិប៉ុន្មាននេះ បើមានអារម្មណ៍តានតឹងពិបាកគ្រប់គ្រង