KPT+

ការពន្យល់៤យ៉ាង អំពីមូលហេតុដែលមនុស្សយើងងាយភ្លេច

បានផុស

៦ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

ពិចារណាឡើងវិញពីមូលហេតុ ដែលជាញឹកញាប់យើងបានភ្លេចអ្វីដែលសំខាន់មួយបាន។ ភ្លេចឈ្មោះនរណាម្នាក់ពីអតីតកាល ភ្លេចពាក្យដែលចង់ប្រើ ឬភ្លេចការណាត់ ភ្លេចថ្ងៃកំណើតរបស់មិត្តល្អ ។ល។

ការភ្លេចភ្លាំងគឺជាបញ្ហាទូទៅមួយ ដែលអាចមានទាំងផលវិបាកបន្ទាប់បន្សំនិងរហូតដល់ធ្ងន់ធ្ងរ។

ហេតុអ្វីយើងភ្លេច?

អ្នកស្រាវជ្រាវ អំពីប្រព័ន្ធការចងចាំដ៏ល្បីម្នាក់ វេជ្ជ. អេលីសាបិតឡប៊ូស Elizabeth Loftus បានរកឃើញមូលហេតុធំ ៗ ចំនួន ៤ ដែលធ្វើឲ្យមនុស្សភ្លេចភ្លាំង៖

១ ការបរាជ័យក្នុងការចងចាំ

ប្រហែលជាជួនយើងដឹងថា មានរឿងអ្វីមួយដែលគួរចាំ តែរកនឹកមិនឃើញ។ អសមត្ថភាពក្នុងការទាញយកការចងចាំ គឺជាមូលហេតុមួយក្នុងចំណោមមូលហេតុទូទៅបំផុតនៃជំងឺភ្លេច។

ការពន្យល់មួយ គឺបរាជ័យក្នុងការទៅយកមកវិញនូវព័ត៌មានផ្ទុក មកតែពីដាននៃការចងចាំមនុស្សនោះឆាប់រសាត់បាត់ពិបាកប្រមូលមកវិញ ដែលការស្រាវជ្រាវបានបង្ហាញថា សម្រាប់អ្នកដែលផ្នែកនេះមានសមត្ថភាពល្អ សូម្បីតែការចងចាំដែលមិនបានហាត់សម ទន្ទេញ ក៏ដោយក៏មានស្ថេរភាពនៅបានយូរគួរឲ្យកត់សម្គាល់។

២ ការជ្រៀតជ្រែក

ទ្រឹស្ដីមួយទៀតដែលគេហៅថាភ្លេចព្រោះមានព័ត៌មានជ្រៀតជ្រែកបង្ហាញថា ការចងចាំខ្លះប្រកួតប្រជែងជាមួយនឹងការចងចាំផ្សេងទៀត។ នៅពេលព័ត៌មានស្រដៀងនឹងព័ត៌មានផ្សេងទៀតដែលត្រូវបានរក្សាទុកក្នុងសតិពេលវេលាជាមួយគ្នា ការជ្រៀតជ្រែកទំនងជានឹងកើតឡើង។

ការជ្រៀតជ្រែកមានពីរមូលដ្ឋាន៖

ការជ្រៀតជ្រែកសកម្ម គឺនៅពេលដែលការចងចាំចាស់ធ្ងន់ពេក ពិបាកក្នុងការចងចាំការចងចាំរឿងថ្មី។
ការជ្រៀតជ្រែកសកម្មកើតឡើងនៅពេលព័ត៌មានថ្មីរំខានដល់សមត្ថភាពក្នុងការផ្ទុកការចងចាំពីមុន។
យើងអាចធ្វើការកាត់បន្ថយផលប៉ះពាល់នេះដោយហាត់សមទទួលព័ត៌មានថ្មីៗជារឿយៗគឺជាវិធីសាស្ត្រដែលមានប្រសិទ្ធភាពដោយមិនព្រមចោលព័ត៌មានចាស់ផងដែរ ដែលជួយមិនឲ្យមានការប្រកួតប្រជែងរវាងការចងចាំចាស់ជាមួយព័ត៌មានថ្មីៗទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ បរាជ័យក្នុងការផ្ទុក

ពេលខ្លះការបាត់បង់ព័ត៌មានមិនសូវទាក់ទងនឹងការភ្លេចភ្លាំងទេ ព្រោះព័ត៌មានមិនដែលអាចផ្ទុកចូលបានតាំងពីដំបូង។ ការបរាជ័យក្នុងការដាក់ព័ត៌មានថ្មី (ស្ដាប់មិនចូល)ពេលខ្លះរារាំងព័ត៌មានទាំងស្រុងឬភាគរយច្រើន។ មធ្យោបាយដោះស្រាយគឺការសមាធិ និងបង្វឹក វិធីផ្ដោតអារម្មណ៍ឡើងវិញ ព្រោះមនុស្សខ្លះបណ្ដោយបញ្ហានេះឲ្យទៅជាបញ្ហាធំនៃការផ្ដោត រហូតដល់មានទម្លាប់មិនចង់ដឹង មិនចង់ឮ ។

៤ ជំរុញឲ្យបំភ្លេច

ពេលខ្លះយើងអាចធ្វើការយ៉ាងសកម្មដើម្បីបំភ្លេចអនុស្សាវរីយ៍នានា ជាពិសេសព្រឹត្តិការណ៍រំជើបរំជួលឬការរំខាននិងការឈឺចាប់ដែលយើងគិតថា អាចធ្វើឲ្យតូចចិត្តនិងថប់បារម្ភ។ ដូច្នេះមានពេលខ្លះយើងចង់លុបបំបាត់ការចងចាំទាំងប៉ុន្មាននោះ។

ទម្រង់មូលដ្ឋានគ្រឹះនេះគឺការជំរុញឲ្យខួរក្បាលបំភ្លេចចោល បង្ក្រាបនិងបង្ខំឲ្យលុបចោលពុំមែនភ្លេចទេ។ ទោះជាយ៉ាងណាក៏ដោយគំនិតនៃការចងចាំដែលត្រូវបានបង្ក្រាប មិនត្រូវបានទទួលយកជាសកលដោយចិត្តវិទូឡើយ បញ្ហាមួយក្នុងចំណោមការចងចាំដែលត្រូវបានសង្កត់ឲ្យលុប គឺពិបាកធ្វើទៅបានហើយបង្កបញ្ហាដល់ផ្លូវចិត្តផង។

ខណៈពេលដែលការភ្លេច មិនមែនជាអ្វីដែលគ្រប់គ្នាអាចជៀសវាងបាន ឬគ្រប់គ្រងបាន១០០ភាគរយ ការស្វែងយល់ពីហេតុផលវា អាចមានប្រយោជន៍ច្រើន ដែលជះឥទ្ធិពលដល់យុទ្ធសាស្ត្របង្កើនការចងចាំរបស់យើង ដោយការសមាធិនិងតាំងចិត្តឲ្យបាននឹងនរ។

ប្រែសម្រួល៖សុភា

ប្រភព៖ Lifehake

ចុចអាន៖មនុស្សស្រីចរិតបែបនេះហើយ ដែលសក្ដិសមជាមួយការនៅម្នាក់ឯងជាងមានសង្សារ

ចុចអាន៖អ្នកនិពន្ធវ័យក្មេងមានស្នាដៃប្រមូលផ្ដុំគ្នានៅ “ទសប៉ាកកា”

Related Topics:ចំណេះដឹង