KPT+
វិធីបិទគណនីកាតឥណទានបានត្រឹមត្រូវ ដើម្បីកាត់បន្ថយការចំណាយខ្ជះខ្ជាយ
ពេលមានសម្ពាធហិរញ្ញវត្ថុមកចោមរុំពេញខ្លួន អ្នកគួរតែចាប់ផ្ដើមគិតពីការលុបចោលគណនីកាតឥណទានមួយចំនួនដែលឥតបានការ ដើម្បីការពារការចំណាយផ្សេងៗដែលជាយាន្តនាំទៅរកការខ្ជះខ្ជាយ ហើយខាងក្រោមនេះគឺជាគន្លឹះខ្លះៗ អំពីវិធីដែលយើងគួរបិទគណនីកាតឥណទានរបស់យើងបានទាន់ពេល។
១. មុនពេលបិទគណនី
មុនពេលបិទគណនី ត្រូវវាយតម្លៃពីផលវិបាកអវិជ្ជមានដែលអាចមានលើពិន្ទុឥណទានរបស់យើង។ មានកត្តាជាច្រើនដែលបង្កើតពិន្ទុឥណទាន។ កត្តាសំខាន់ គឺការប្រើប្រាស់បំណុល។ អ្នកជំនាញនិយាយថា វាគួរតែជាអតិបរមា ៣០% តែបើភាគរយខ្ពស់ជាងនេះ អាចបំផ្លាញពិន្ទុឥណទានរបស់យើង។
ការលុបបំបាត់កាតឥណទាន ទោះបីជាមិនត្រូវបានប្រើក៏ដោយ អាចមានផលប៉ះពាល់គួរឲ្យកត់សម្គាល់លើការប្រើប្រាស់បំណុលរបស់យើងដែរ។
២. ពេលណាត្រូវបិទគណនីឥណទាន
មានមូលហេតុសំខាន់ពីរយ៉ាង ដើម្បីបិទគណនីកាតឥណទាន។ ទីមួយគឺនៅពេលដែលយើងមិនអាចគ្រប់គ្រងការចំណាយរបស់យើងលើកាត។ ទីពីរប្រសិនបើមានថ្លៃខ្ពស់លើកាតដែលយើងមិនសូវប្រើ អាចសមហេតុផលក្នុងការលុបចោល។
ប័ណ្ណឥណទានភាគច្រើនមិនមានថ្លៃសេវាប្រចាំឆ្នាំ ដូច្នេះមានជម្រើសមិនសូវថ្លៃសម្រាប់មនុស្សភាគច្រើន។
៣. ពិនិត្យព័ត៌មានលម្អិតទាំងនេះ
ពិនិត្យដើម្បីមើលថាយើងបានទូទាត់សមតុល្យកាតទាំងស្រុង រាប់បញ្ចូលរាល់ការគិតថ្លៃ ដែលអាចលេចឡើងចាប់តាំងពីការទូទាត់ចុងក្រោយរបស់យើង។
បើកាតរង្វាន់សូមប្រើពិន្ទុឬទឹកប្រាក់ត្រឡប់មកវិញ មុនពេលយើងលុបចោល។ ប៉ុន្តែពេលខ្លះរឿងនេះក៏ត្រូវការពេលពីរបីថ្ងៃសម្រាប់រង្វាន់ ដើម្បីដំណើរការ ដូច្នេះត្រូវប្រាកដថាយើងបានសម្អាតមុនពេលបិទគណនី។
រឿងមួយទៀតគឺអាចទាក់ទងជាមួយអ្នកចេញកាតឲ្យយើង ដើម្បីកំណត់ថាតើមានកាតផ្សេងទៀតនៅក្នុងផលប័ត្ររបស់ពួកគេដែរឬទេ ដែលអាចយើងមានសិទ្ធិទទួលបានដោយមិនចាំបាច់លុបចោលកាតឥណទានបច្ចុប្បន្នរបស់យើងចោល។ ប្រសិនបើពួកគេអាចប្ដូរយើងទៅកាតផ្សេងទៀត ប្រហែលជាមិនចាំបាច់លុបបំបាត់ខ្សែក្រេឌីតនេះ ដែលនាំឲ្យខូចពិន្ទុក្នុងកាត។
៤. វិធីលុបចោលគណនីកាតឥណទាន
សូមទាក់ទងក្រុមហ៊ុនកាតឥណទានតាមទូរស័ព្ទ ដើម្បីលុបចោលប័ណ្ណនេះ។ នៅពេលយើងទូរស័ព្ទជាមួយអ្នកតំណាង ពួកគេអាចនឹងព្យាយាមបញ្ចុះបញ្ចូលយើងឲ្យរក្សាទុកគណនីមិនខាន។ ដោយការផ្ដល់ជូនប្រាក់រង្វាន់ឬការលើកទឹកចិត្តដើម្បីរក្សាគណនី។ ប៉ុន្តែបើគិតថាលុបហើយ កុំបាច់ចាញ់ក្នុងការល្បួងនោះ។
នៅពេលយើងបញ្ចប់ដំណើរការលុបចោល សូមរង់ចាំពីរបីថ្ងៃ ហើយទូរស័ព្ទទៅក្រុមហ៊ុនកាតឥណទានម្ដងទៀត។ ផ្ទៀងផ្ទាត់ថាគណនីរបស់យើងត្រូវបានលុបចោល ហើយស្នើសុំការផ្ទៀងផ្ទាត់ការលុបចោលត្រូវបានផ្ញើទៅយើងតាមរយៈអ៊ីមែលឬលិខិត៕
ប្រែសម្រួល៖ សាង ស្រីល័ក្ខ
ប្រភព៖.forbes
ចុចអាន៖វិធីសងបំណុលបានរហ័ស និងចាប់ផ្ដើមជីវិតភ្លឺស្វាងសាជាថ្មី
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៧ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ