KPT+
បាក់ទឹកចិត្តមិនទទួលការព្យាបាល អាចនាំឱ្យអ្នកជំងឺឈានដល់ការសម្លាប់ខ្លួន
មនុស្សដែលតែងតែមានអារម្មណ៍សោកសៅលើសពី២សប្ដាហ៍ឡើង ដោយធ្វើឲ្យរំខានដល់ការងារនិងការប្រាស្រ័យទាក់ទងប្រចាំថ្ងៃត្រូវបានចាត់ថ្នាក់ចូលជាអ្នកជំងឺបាក់ទឹកចិត្ត។ ជំងឺបាក់ទឹកចិត្តគេឧស្សាហ៍ជួបប្រទះណាស់ ជាពិសេសយុវវ័យ ហើយវាក៏អាចជាឃាតកលាក់មុខ ដែលអាចឆក់យកជីវិតមនុស្សជាច្រើន ប្រសិនមិនស្វែងរកជំនួយឬការព្យាបាលនោះទេ។
យោងតាមស្ថិតិរបស់អង្គការសុខភាពពិភពលោក ក្នុងមួយឆ្នាំៗ មានមនុស្សយ៉ាងតិចណាស់ ៣៥០ លាននាក់បានកើតជំងឺធ្លាក់ទឹកចិត្ត។
ដោយឡែកអ្នកជំងឺនេះច្រើនតែមានរោគសញ្ញាសំខាន់ៗរួមមាន អារម្មណ៍សោកសៅ បាត់បង់ចំណង់ដែលធ្លាប់ចូលចិត្ត អស់កម្លាំងជាប់ជាប្រចាំ រសេះរសោះឬអាចទៅជានិយាយស្ដី ឬធ្វើសកម្មភាពយឺតៗ ពិបាកផ្ចង់អារម្មណ៍ ភ្លេចភ្លាំងច្រើន គេងឆាប់ភ្ញាក់ឬចង់តែគេង មិនឃ្លានអាហារ ឬអាចទៅជាញ៉ាំច្រើនខុសពីធម្មតា លែងមានជំនឿជាក់លើខ្លួនឯង តែងតែបន្ទោសខ្លួនឯង ស្អប់ខ្លួនឯង គិតថាជីវិតគ្មានន័យ ឬគិតដល់ការសម្លាប់ខ្លួនក៏មាន។
អ្នកជំងឺបាក់ទឹកចិត្តដែលមិនបានទទួលការព្យាបាលត្រឹមត្រូវ នឹងបណ្ដាលឱ្យសមត្ថភាពការងារ ការសិក្សា ក៏ដូចជាការប្រាស្រ័យទាក់ទងរបស់ពួកគេធ្លាក់ចុះ។
ផលវិបាកធ្ងន់ធ្ងរបំផុតនៃជំងឺបាក់ទឹកចិត្ត នាំឱ្យអ្នកជំងឺអស់សង្ឃឹមដោយអាចឈានដល់ការធ្វើអត្តឃាត។ ក្នុងនោះ WHO បញ្ជាក់ថា មូលហេតុធំជាងគេនៃការសម្លាប់ខ្លួនគឺដោយសារជនរងគ្រោះមានជំងឺបាក់ទឹកចិត្តដោយមិនបានទទួលការព្យាបាលត្រឹមត្រូវហ្នឹងឯង។
ចំពោះការព្យាបាលប្រកបដោយប្រសិទ្ធភាពសម្រាប់ជំងឺបាក់ទឹកចិត្តភាគច្រើនត្រូវរួមផ្សំនឹងការព្យាបាលបែបវេជ្ជសាស្ត្រផង និងបែបចិត្តសាស្ត្រផង។ ការព្យាបាលបែបវេជ្ជសាស្ត្រសំដៅលើការប្រើថ្នាំប្រឆាំងការបាក់ទឹកចិត្ត រីឯការព្យាបាលបែបចិត្តសាស្ត្រមានដូចជា ការលើកទឹកចិត្តពីអ្នកជុំវិញខ្លួន ធ្វើសមាធិ និងរៀនពីរបៀបដោះស្រាយជាមួយភាពតានតឹងចិត្តជាដើម៕
ប្រែសម្រួល៖ សន្យា
ប្រភព៖ Healthline
ចុចអាន៖ បើដឹងខ្លួនថាស្រ្តេសខ្លាំង ហើយមិនរកពេលលំហែខ្លះ អាចឈានដល់ដំណាក់កាលកាន់តែយ៉ាប់
ចុចអាន៖ ផឹកស្រាមិនអាចជួយបំបាត់ទុក្ខទេ តែធ្វើឲ្យមានវិបត្តិផ្លូវចិត្តកាន់តែធ្ងន់ធ្ងរ
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៧ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម១ សប្តាហ៍ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ២ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
ព័ត៌មានជាតិ១ សប្តាហ៍ agoអគ្គនាយករងគយ ឆ្លើយតបភាពយឺតយ៉ាវក្នុងការរត់ឯកសារបែបបទ នាំទំនិញចេញចូលប្រទេសកម្ពុជា
-
ព័ត៌មានជាតិ៤ ថ្ងៃ agoអភិបាលរង៖ជម្រកបណ្ដោះអាសន្ននៅភូមិរងចាំសរុប៣៣១៣ខ្នង នឹងសាងសង់រួចទាំងអស់ត្រឹមដំណាច់ខែកក្កដានេះ