KPT+
មិនចេះតែធ្វើទេ! មុនចូលរួមការងារស្ម័គ្រចិត្ត គប្បីពិនិត្យលើ ៤ ចំណុចនេះសិន
ការងារស្ម័គ្រចិត្តមានគុណសម្បត្តិច្រើនយ៉ាងណាស់។ ប៉ុន្តែតើគ្រប់ការងារស្ម័គ្រចិត្ត អ្នកគួរតែចូលរួមមែនទេ? ចម្លើយគឺទេ! អ្នកគប្បីពិនិត្យលើ ៤ ចំណុចនេះ៖
១. ស្ថាប័ន
មុននឹងអ្នកចូលរួម អ្នកគួរតែពិនិត្យលើចំណុចនេះជាមុនសិន។ ថាតើស្ថាប័ននោះមានការទទួលស្គាល់ទេ? ឬមានលក្ខណ:ត្រឹមត្រូវគួរឱ្យទុកចិត្ត គួរឱ្យចូលរួមជាមួយទេ?
២. ម្ចាស់គម្រោង
អ្នកអាចសង្គេតមើលថា តើគាត់ជាបុគ្គលបែបណា? ជាមនុស្សដែលមានសមត្ថភាព និងរបៀបការងារមួយដែលអ្នកអាចរៀនសូត្រ និងគួរឱ្យចំណាយពេលជាមួយទេ? អ្នកគួរតែឆ្លាតវៃនៅត្រង់ចំណុចនេះ។
៣. ផលប្រយោជន៍
មេដឹកនាំដែលពូកែ គេនឹងធ្វើបទបង្ហាញណែនាំអំពីស្ថាប័នគេ មានរូបភាពបែបណា? គោលបំណងបែបណា? គម្រោងគេបែបណាៗ នៅក្នុងលក្ខខណ្ឌនៃកម្រិតការបង្ហាញ។ អ្នកអាចស្វែងយល់បាន ថាតើវាមានភាពរឹងមាំ ល្អប្រសើរ និងផ្ដល់ផលប្រយោជន៍ចំពោះកិច្ចការសង្គម ច្រើនជាងផលប្រយោជន៍បុគ្គលទេ? អ្នកអាចពិចារណា ហើយថ្លឹងថ្លែង និងប្រៀបធៀបបានពីកម្រិតផលប្រយោជន៍ និងលទ្ធផលចំពោះសង្គម ថាវាក្នុងកម្រិតណាដែរ តាមរយ:ការមើលលើលទ្ធផលជាក់ស្ដែង និងសកម្មភាពការងារ មកធ្វើជាបង្អែកបន្ថែមក្នុងការពិចារណា។
៤. ការពិគ្រោះយោបល់
យ៉ាងណាក៏ដោយ ការជ្រើសរើសចូលរួមបានល្អប៉ុនណា ត្រឹមត្រូវប៉ុនណា វាក៏អាស្រ័យទៅលើចំណេះដឹង បទពិសោធន៍នៅក្នុងការចូលរួមការងារកន្លងមក ពិសេសគឺភាពវៃឆ្លាតដែលមាន។ បើអ្នកមិនច្បាស់ទេ អាចពិភាក្សាជាមួយអ្នកមានបទពិសោធក្នុងរឿងនេះ នៅមុនពេលសម្រេចចិត្ត។ ហេតុអ្វីបានត្រូវច្បាស់លាស់? ព្រោះពេលវេលាមានតម្លៃណាស់ ហើយមនុស្សយើងក៏ចាំបាច់រក្សាឱ្យបាននូវកិត្តិយស និងភាពត្រឹមត្រូវ។ សូមកុំធ្វើជាឈ្នាន់នៃមហិច្ឆតាទុច្ចរិតបុគ្គលណាម្នាក់ ឬបម្រើផលប្រយោជន៍ឱ្យបុគ្គលសួនតួណាមួយ ព្រោះការងារសង្គមពិត មានប្រយោជន៍ច្រើនណាស់ ដែលត្រូវការឱ្យយើងជួយ និងកំពុងត្រូវការអ្នក៕
អត្ថបទ៖ ស្នង នេត្រា
ចុចអាន៖ តើយុវជនអាចឆក់ចាប់ឱកាសល្អអ្វីខ្លះក្នុងវិបត្តិកូវីដ-១៩?
ចុចអាន៖ សកម្មភាព៥ យ៉ាងនេះអាចធ្វើភ្លាមក្រោយពីប្រឡងកុំឲ្យចំណាយពេលឥតប្រយោជន៍
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ