កំពូលមេដឹកនាំមានឥទ្ធិពលលើពិភពលោក​ ជិះរថយន្តអ្វី?

រថយន្ត Cadillac One របស់ប្រធានាធិបតីអាមេរិក ចូ បៃដិន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តម៉ាក Cadillac One ជាស៊េរីថ្មីចុងក្រោយត្រូវបានផលិតឡើងសម្រាប់តែប្រធានាធិបតីអាមេរិកប៉ុណ្ណោះ។ វាជារថយន្តដែលធ្លាប់ប្រើដោយអតីតប្រធានាធិបតី ដូណាល់ត្រាំ និងត្រូវប្រគល់បន្តឱ្យលោក ចូ បៃដិន ដែលជាប្រធានាធិបតីជាប់ឆ្នោតថ្មីរបស់សហរដ្ឋអាមេរិក។

Cadillac One ម៉ូដែល The Beast 2.0 ផលិតដោយក្រុមហ៊ុន General Motors ជារថយន្តសុវត្ថិភាពគ្មានពីរលើលោក ដោយអាចការពាគ្រាប់កាំភ្លើង ឧស្ម័នបំពុល ការបំផ្ទុះ និងមានឧបករណ៍សង្រ្គោះក្នុងរថយន្តផងដែរ។

ទោះយ៉ាងណាព័ត៌មានលម្អិតផ្សេងទៀតមិនត្រូវបង្ហាញជាសាធារណៈទេ លើកតែអ្នកផលិតផ្ទាល់ និងក្រុមការពាសម្ងាត់ប៉ុណ្ណោះទើបដឹង។

រថយន្ត HongQi N501 របស់ប្រធានាធិបតីចិន ស៊ី ជីនពីង

HongQi N501​ ជារថយន្តដែលផលិតឡើងសម្រាប់ប្រធានាធិបតី និងមិនមានលក់នៅលើទីផ្សារពិភពលោកទេ។ វាជារថយន្តត្រូវបានពាសដែកយ៉ាងមាំជាមួយនឹងម៉ាស៊ីនថាមពលដ៏ខ្លាំង។

រថយន្ត Cortege Limousine របស់ប្រធានាធិបតីរុស្ស៊ី វ្លាឌីមៀ ពូទីន

លោក វ្លាឌីមៀ ពូទីន ថ្មីៗនេះឡើងស៊េរីឡានថ្មីរបស់ខ្លួនដោយប្ដូរពីម៉ាក Mercedez-Benz W211 S-Class Pullman មកប្រើម៉ាក Cortege Limousine ដែលផលិតនៅក្នុងស្រុក។ លក្ខណៈពិសេសនៃរថយន្តនេះនៅមិនទាន់ទម្លាយនៅឡើយទេ។

រថយន្ត BMW 760Li របស់នាយករដ្ឋមន្ត្រីឥណ្ឌា ណារិនដ្រា ម៉ូឌី

លោក ណារិនដ្រា ម៉ូឌី ម្ដងម្កាលត្រូវបានគេប្រទះឃើញជិះឡាន Land Rover Range Rover តែរថយន្តផ្លូវការរបស់លោកគឺ BMW 760 Li Security Security ។ វាជាម៉ូដែល បង្កើតឡើងដោយ BMW ហើយទទួលបានចំណាត់ថ្នាក់ការពារ VR10 ដែលមានតួពាសដោយដែក។ BMW 760 Li Security Security ភ្ជាប់ជាមួយសំបកកង់សុវត្ថិភាព run0flat និងបណ្តាញទំនាក់ទំនងនៅខាងក្នុងរថយន្តរាល់ពេលធ្វើដំណើរ។

រថយន្ត Bentley State Limousine របស់រាជវង្សអង់គ្លេស

ម្ចាស់ក្សត្រីអង់គ្លេសរួមជាមួយខ្សែរាជវង្ស ត្រូវបានគេមើលឃើញថា តែងតែធ្វើដំណើរជាមួយរថយន្ត Bentley Limousine  ដែលផលិតដោយក្រុមហ៊ុនផលិតក្នុងស្រុក។

រថយន្ត Audi A8 L Security របស់អធិការបតីអាល្លឺម៉ង់ អេនជេឡា មឺកែល

អធិការបតីអាល្លឺម៉ង់លោកស្រី អេនជេឡា មីកែល ប្រើរថយន្តម៉ាក Audi A8 L Security ជាឡានផ្លូវការ។ Audi A8 L Security ត្រូវបានបំពាក់ពាសដែកយ៉ាងមាំ អាចសង្គ្រោះអ្នកដំណើរនៅក្នុងឡានពីការបាញ់ ឬគ្រាប់បែកដៃណាមួយ។ វាទទួលបានចំណាត់ថ្នាក់ការពារ VR7 និង VR9 ដែលមានសុវត្ថិភាពបំផុត។

រថយន្ត Popemobile based on Mercedes-Benz M-Class របស់សម្ដេចសង្ឃ ប៉ាហ្រ្វង់ស៊ីស

រថយន្តនេះ ត្រូវបានបង្កើតឡើងយ៉ាងពិសេសសម្រាប់ឱ្យមហាជនអាចមើលឃើញសម្តេចប៉ាបតាមកញ្ចក់ ខណៈហែរក្បួន។ ក្នុងកាប៊ីនកញ្ចក់ត្រូវបានពាសដែក និងអាចការពារគ្រាប់កាំភ្លើង ព្រមទាំងអាចផ្គត់ផ្គង់អុកស៊ីសែនបានផងដែរ៕

ប្រែសម្រួល៖ សន្យា

ប្រភព៖ Cartoq

ចុចអាន៖ ចំណុចពិសេស ១០ យ៉ាងអំពីរថយន្តសុវត្ថិភាពបំផុតលើលោកដែលប្រធានាធិបតី បៃដិន​ កំពុងប្រើប្រាស់

ចុចអាន៖ រឿង ៧ យ៉ាង​ដែល​គ្រប់គ្នា​មិន​ធ្លាប់​បាន​ដឹង​ ពី​កម្មវិធី MASTERCHEF