KPT+
ត្រឹមចេះអភ័យទោសឲ្យអ្នកដទៃ ផ្ដល់ប្រយោជន៍សុខភាពផ្លូវចិត្តខ្លួនឯងយ៉ាងលើសលុប
តាមពិតទៅ ការអត់ឱនទោសឲ្យនរណាម្នាក់ មិនមែនជារឿងងាយស្រួលប៉ុន្មានទេ ជាពិសេស ចំពោះមនុស្សដែលធ្វើឲ្យយើងឈឺចាប់ខ្លាំង។ នៅពេលដែលយើងខឹង អារម្មណ៍ពេលនោះគឺខ្លាំងក្លាបំផុត ហើយយើងថែមទាំងប្ដេជ្ញានៅក្នុងចិត្តថា នឹងគ្មានថ្ងៃលើកទោសឲ្យបុគ្គលម្នាក់នោះជាដាច់ខាត។
លើសពីនេះ យើងក៏ជឿថា «អ្នកធ្វើអាក្រក់ រមែងគង់តែទទួលនូវកម្មពៀររបស់ខ្លួន»។ ដោយសារតែស្លាកស្នាមផ្លូវចិត្តនេះហើយ ទើបធ្វើឲ្យយើងរក្សាគម្លាតពីអ្នកទាំងនោះ ឬភ័យខ្លាចចំពោះការត្រលប់មកវិញនូវការចងចាំដ៏ឈឺចាប់សារជាថ្មីម្ដងទៀត។ នេះមានន័យថា យើងកំពុងតែការពារខ្លួនពីហេតុការណ៍អាក្រក់ ឬការឈឺចាប់ដែលយើងធ្លាប់បានជួបប្រទះ ដែលទង្វើនេះនឹងធ្វើឲ្យយើងពុំមានផ្លូវអត់ឱនទោសឲ្យអ្នកណាម្នាក់បាននោះឡើយ។
យ៉ាងណាមិញ តាមការសិក្សាបានបង្ហាញឲ្យឃើញថា ការអត់ឱនទោសដល់នរណាម្នាក់ ផ្ដល់នូវអត្ថប្រយោជន៍ដ៏ច្រើនលើសលប់ដល់សុខភាពទាំងផ្លូវកាយ និងផ្លូវចិត្តរបស់យើង។ ដោយហេតុថា ការអត់ឱនអាចជួយកាត់បន្ថយនូវការបាក់ទឹកចិត្ត និងថប់បារម្ភជាដើម។
លើសពីនេះ វាក៏បង្កើននូវការគោរពចំពោះខ្លួនឯង ក៏ដូចជាធ្វើឲ្យយើងមានសន្តិភាពផ្លូវចិត្តថែមទៀតផង។ ផ្ទុយទៅវិញ ការខឹងអាចបណ្ដាលឲ្យយើងកើតមាននូវបញ្ហាសុខភាពដូចជា ជំងឺបេះដូង និងគ្រោះថ្នាក់សរសៃឈាមខួរក្បាល ជាដើម។
ដូចនេះ ដើម្បីទទួលបានថាមពលពីការអត់ឱនទោស និងចាកឆ្ងាយពីការឈឺចាប់ទាំងឡាយ យើងអាចរៀនអត់ឱនទោសឲ្យអ្នកណាម្នាក់ ដោយអនុវត្តវិធីសាស្ត្រខាងក្រោមនេះ។
១.ការរំឭកដល់រឿងរ៉ាវឡើងវិញ
ជំហានដំបូង ចូររំឭកអំពីរឿងរ៉ាវនោះម្ដងទៀតក្នុងផ្លូវវិជ្ជមាន។ យើងត្រូវច្រានចោលនូវអារម្មណ៍អាណិតដល់ខ្លួនឯងដែលជួបប្រទះរឿងនោះជាមុនសិន ហើយចូរចាំថា រឿងហ្នឹងវាបានកន្លងហួសទៅហើយ។ បន្ថែមពីនេះទៀត យើងក៏ត្រូវស្វែងយល់ឲ្យបានច្បាស់ពីស្ថានភាពនៅពេលនោះ ក៏ដូចជាអារម្មណ៍ផ្សេងៗដែលលាយឡំមកជាមួយ។
២.ក្តីអាណិតអាសូរ
បន្ទាប់មក យើងត្រូវស្វែងយល់អំពីការគិតរបស់បុគ្គលម្នាក់នោះ និងហេតុផលដែលអ្នកនោះធ្វើឲ្យយើងឈឺចាប់។ ពេលខ្លះ កំហុសឆ្គងនោះមិនមែនមកពីកត្តាបុគ្គលផ្ទាល់នោះទេ ប៉ុន្តែវាអាចជាអ្វីដែលពួកគេកំពុងតែជួបប្រទះក៏ថាបាន។ នៅពេលដែលអ្នកទាំងនោះស្ថិតក្នុងស្ថានភាពភ័យខ្លាច បារម្ភ និងឈឺចាប់ ក៏អាចវាយប្រហារអ្នកដទៃបានដោយមិនដឹងខ្លួន។
៣.ការគិតដល់អ្នកដទៃ
ជាមួយគ្នានេះដែរ ចូរគិតដល់ពេលដែលយើងធ្វើរឿងមិនគប្បីទៅកាន់នរណាម្នាក់ ហើយបានទទួលនូវការអភ័យទោសពីគេ។ តើយើងមានអារម្មណ៍បែបណា? នៅពេលដែលយើងយល់ឃើញថា ការអភ័យទោសគឺជាអំណោយអស្ចារ្យដែលយើងអាចផ្ដល់ឲ្យអ្នកដទៃបាននោះ យើងនឹងកាន់តែរីករាយក្នុងការធ្វើបែបនោះ។
៤.ការប្ដេជ្ញាចិត្ត
ជាចុងក្រោយ អ្វីដែលសំខាន់បំផុតគឺជាការប្ដេជ្ញាចិត្តក្នុងការអភ័យទោស។ វាដល់ពេលហើយ ដែលយើងគួរតែទម្លាក់ចោលនូវគំនុំគុំគួនកន្លងមក ដែលធ្វើឲ្យចិត្តរបស់យើងនៅមិនស្ងប់។ ការអត់ឱនគឺជាការផ្ដល់នូវក្តីសង្ឃឹម និងសេរីភាពដល់អ្នកទទួល និងអ្នកដែលផ្ដល់ឲ្យដូចគ្នា ពីព្រោះថាយើងបានសម្រេចចិត្តបន្តដំណើរទៅមុខ និងរស់នៅក្នុងបច្ចុប្បន្នជាមួយនឹងភាពរីករាយ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ដើម្បីអភ័យទោសដល់នរណាម្នាក់ ដែលធ្លាប់ធ្វើឲ្យយើងឈឺចាប់ខ្លាំង
ចុចអាន៖ ដោះស្រាយដោយសន្តិវិធី ជាមួយមិត្តរួមការងារមានចរិតយ៉ាប់ ឬពូកែចាប់កំហុសរករឿងយើង
លោក ត្រាំ ប្រាប់ថានឹងពិចារណាទម្លាក់គ្រាប់បែកលើអ៊ីរ៉ង់ម្តងទៀត
ចំណតផែពហុបំណង TS១១ ទីតាំងយុទ្ធសាស្ត្រដឹកទំនិញចូលក្នុងទីក្រុងនៅតាមដងទន្លេសាប
អ៊ីស្រាអែលបន្តសម្លាប់មិនបន្ធូរដៃ បាត់បង់ជីវិត៥១នាក់ទៀតហើយនៅហ្គាហ្សា
ស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
ប្រធាន IAEA៖ អ៊ីរ៉ង់អាចចាប់ផ្ដើមចម្រាញ់អ៊ុយរ៉ាញូមឡើងវិញនៅ«ប៉ុន្មានខែខាងមុខ»
លោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ
ស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
បង្ហាញខ្លួនលើកនេះ ភរិយា និងកូនស្រីលោក គីម ស្ពាយកាបូប ពាក់នាឡិកាខ្ទង់ម៉ឺនដុល្លារ
ពលករខ្មែរម្នាក់ដែលពេទ្យថៃទុកចោល ត្រូវបានអភិបាលខេត្តប៉ៃលិនអន្តរាគមសង្គ្រោះ ផ្តល់ទាំងថ្លៃព្យាបាល និងធ្វើដំណើរ
ចិនដកតំណែងយោធាជាន់ខ្ពស់ក្រោយរកឃើញបំពានវិន័យធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម២ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៦ ថ្ងៃ agoក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ agoPTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ