KPT+

៤ ចំណុចនេះ គួបផ្សំអាហារូបត្ថម្ភល្អ ជួយខួរក្បាលកូនគិតរហ័សរហួន

បានផុស

៥ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

Sonya

ខួរក្បាលកូនអភិវឌ្ឍបានលឿន និងឆាប់ចាប់បានពេលយើងបង្រៀនអ្វីមួយជាងមនុស្សធំ ហើយពីមួយថ្ងៃៗ ម៉ាក់ប៉ាខ្លះខំប្រឹងបង្រៀនកូនពីនេះពីនោះ និងផ្ដល់អាហារសម្បូរសារធាតុចិញ្ចឹមឲ្យកូនញ៉ាំ ព្រោះចង់ឲ្យកូនឆ្លាត។ បន្ថែមពីការផ្ដល់អាហារូបត្ថម្ភល្អៗដើម្បីឲ្យកូនឆ្លាត ម៉ាក់ប៉ាអាចអនុវត្តតិចនិកប៉ុន្មានខាងក្រោមនេះ បង្ហាត់ខួរក្បាលកូនឲ្យគិតបានរហ័សរហួន។

១. បង្វឹកខួរក្បាល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលនៅតូច ខួរក្បាលកូនប្រៀបបានដូចជាអេប៉ុងមួយត្រៀមខ្លួនក្រេបជញ្ជក់យកអ្វីៗគ្រប់យ៉ាងដែលអាអូនបានដឹង បានឃើញ។ ល្បែងមួយចំនួនដូចជាផ្គុំរូប អាចភ្ញោចភាពងឿងឆ្ងល់ និងជំរុញការគិតរបស់ក្មេង។ អនុញ្ញាតឲ្យកូនលេងល្បែងដែលសមស្របទៅតាមអាយុ ដើម្បីជំរុញដល់ស្មារតី និងការអភិវឌ្ឍខួរក្បាលកូន។

២. គេងគ្រប់គ្រាន់

ការសម្រាកបានគ្រប់គ្រាន់សំខាន់ណាស់សម្រាប់ក្មេង យ៉ាងហោចណាស់ឲ្យកូនគេង ៨ម៉ោង/យប់។ ការគេងបានគ្រប់គ្រាន់មិនត្រឹមតែជួយឲ្យកូនមានស្មារតីនឹង និងផ្ចង់អារម្មណ៍បានល្អនោះទេ វាក៏ជួយឲ្យអាអូនពោរពេញទៅដោយភាពស្រស់ស្រាយបានពេញមួយថ្ងៃផងដែរ។

៣. សកម្មភាពរាងកាយ

Two Happy Asian Kids Playing In The Park by Bo Bo

មិនថាជាកីឡា ឬគ្រាន់តែជាការរត់លេងមុខផ្ទះទេ ក្មេងៗត្រូវការសកម្មភាពរាងកាយ ដើម្បីរំញោចអារម្មណ៍របស់ពួកគេ។ ការសិក្សាមួយដោយសាកលវិទ្យាល័យ Illinois សហរដ្ឋអាមេរិក បានអះអាងថា ក្មេងដែលមានសកម្មភាពរាងកាយច្រើន ជាទូទៅទទួលបានលទ្ធផលការសិក្សាល្អ។ ក្រៅពីនេះ ពួកគេក៏មានកម្រិតនៃការជឿជាក់ និងទំនុកចិត្តលើខ្លួនឯងខ្ពស់ជាងក្មេងដទៃ។

៤. អានសៀវភៅ

តិចនិកមិនដែលបរាជ័យក្នុងការបង្កើនសមត្ថភាពគិត និងចំណេះដឹងរបស់កូនៗនោះគឺការលើកទឹកចិត្តឲ្យកូនអានសៀវភៅឲ្យបានច្រើន។ ក្នុងផ្ទះ គួរតែមានសៀវភៅរឿងកុមារ ឬសៀវភៅចំណេះដឹងទូទៅផ្សេងៗច្រើន ទុកសម្រាប់កូនអានពេលទំនេរៗ។ ម៉្យាងវិញទៀត ម៉ាក់ប៉ាក៏ត្រូវក្លាយជាគំរូល្អសម្រាប់កូនដែរ មិនមែនមាត់ថាឲ្យកូនអានសៀវភៅ ហើយខ្លួនឯងអង្គុយចុចទូរស័ព្ទទេ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ប្រយ័ត្ន! បើកូនមានសញ្ញាទាំងនេះ ឪពុកម្ដាយត្រូវពិនិត្យអាហារភ្លាម

ចុចអាន៖ WHO ព្រមានឪពុកម្ដាយដែលចូលចិត្តឲ្យកូនមើលទូរសព្ទ