ទម្លាយប្រាក់ខែខ្ពស់កប់ពពករបស់បុគ្គលិក Facebook

ធ្លាប់ឆ្ងល់អត់! បុគ្គលិកក្រុមហ៊ុនបច្ចេកវិទ្យា មេតា (Meta) ឬហ្វេសប៊ុក ទទួលបានប្រាក់ចំណូលប៉ុន្មាន ក្នុងមួយខែ?

មកអាន កម្ពុជាថ្មី នឹងប្រាប់!

យោងតាមទិន្នន័យពី Glassdoor ក្រុមហ៊ុន Facebook ផ្ដល់ប្រាក់ចំណូលឱ្យអ្នកហាត់ការនៅក្នុងក្រុមហ៊ុនរបស់ខ្លួនប្រមាណ ៨ពាន់ដុល្លារអាមេរិក ក្នុងមួយខែ។ ចំណែកបុគ្គលិកពេញសិទ្ធិទូទៅ នៅសហរដ្ឋអាមេរិក ធ្វើការពេញម៉ោង ទទួលបានប្រាក់ខែគោលជាមធ្យម ៥១,៣៥០ ដុល្លារក្នុងមួយឆ្នាំ ឬ ៤,២៨០ ដុល្លារក្នុងមួយខែ។

ដោយឡែក តួនាទី​មួយចំនួនដែល​ទទួល​បាន​ប្រាក់​ចំណូល​ខ្ពស់​ជាង​គេ​​​នៅក្នុងក្រុមហ៊ុន Facebook មានដូចជា៖

អ្នកគ្រប់គ្រងវិស្វកម្មសូហ្វវែរ -Software engineering manager៖  ២១០,៧៨៣ ដុល្លារអាមេរិក

វិស្វករកម្មសូហ្វវែរជាន់ខ្ពស់ -Senior software engineer៖ ១៧៥,៩៩០ ដុល្លារអាមេរិក

អ្នកគ្រប់គ្រងប្រតិបត្តិការអាជីវកម្ម -Business operations manager៖ ១៦០,៨៥៧ ដុល្លារអាមេរិក

វិស្វករសន្តិសុខ -Security engineer៖ ១៥៣,៦៤៣ ដុល្លារអាមេរិក

អ្នកស្រាវជ្រាវ -Research scientist៖ ១៤៧,៥៣០ ដុល្លារអាមេរិក

វិស្វករសូហ្វវែរ៖ Software engineer៖ ១៤៧,១៤៣ ដុល្លារអាមេរិក

អ្នករចនាផលិតផល -Product designer៖ ១៤៦,០៣៤ ដុល្លារអាមេរិក

អ្នកវិទ្យាសាស្ត្រទិន្នន័យ -Data scientist៖១៤៥,១៣០ ដុល្លារអាមេរិក

អ្នកស្រាវជ្រាវបទពិសោធន៍អ្នកប្រើប្រាស់ -User experience researcher៖ ១៣៩,៦៦៩ ដុល្លារអាមេរិក

វិស្វករទិន្នន័យ -Data engineer៖ ១៣៦,០៤២ ដុល្លារអាមេរិក

អ្នកគ្រប់គ្រងដំណោះស្រាយអតិថិជន -Client Solutions Manager៖ ៧៦,០០០-១៣១,០០០ ដុល្លារអាមេរិក

ជំនួយការប្រតិបត្តិ ភាពជាដៃគូប្រព័ន្ធផ្សព្វផ្សាយ – Executive Assistant, Media Partnerships ៖ ៨៤,០០០-១២៨,០០០ ដុល្លារអាមេរិក

អ្នកវិភាគទិន្នន័យ ប្រតិបត្តិការសហគមន៍ -Data Analyst, Community Operations ៖ ៩២,០០-១៤៧,០០០ ដុល្លារអាមេរិក។

ចំពោះ មេធំរបស់ក្រុមហ៊ុនគឺលោក Mark Zuckerberg មានប្រាក់ខែគោលតែ ១ដុល្លារប៉ុណ្ណោះក្នុងមួយខែ ប៉ុន្តែតាមរយៈប្រាក់សំណងផ្សេងៗពីក្រុមហ៊ុន CEO រូបនេះ ទទួលបានចំណូលយ៉ាងហោច ២៥.៣លានដុល្លារអាមេរិកក្នុងមួយឆ្នាំ។ ទោះបីជាទទួលបានប្រាក់ខែតិចក្ដីក៏ដោយ បើគិតតាមប្រាក់ចំណូលប្រចាំឆ្នាំរបស់ Zuckerberg គឺខ្ពស់ជាងបុគ្គលិកធម្មតារហូតដល់ ៩៤ ដងឯណោះ។ នេះតាមការចុះផ្សាយដោយទស្សនា Forbes កាលពីដើមឆ្នាំ​២០២១។

សព្វថ្ងៃ Mark Zuckerberg មានទ្រព្យសម្បត្តិសុទ្ធប្រមាណ ១០១.២ ប៊ីលានដុល្លារអាមេរិក៕

ប្រែសម្រួល៖ សន្យា

ចុចអាន៖ លាតត្រដាងប្រាក់ខែមេដឹកនាំពិភពលោក ១១រូប អ្នកបានច្រើនជាងគេគឺនៅ អាស៊ីអាគ្នេយ៍

ចុចអាន៖ ចង់ធ្វើការឱ្យក្រុមហ៊ុន Facebook ត្រូវឆ្លងកាត់ដំណាក់កាលទាំង ៤នេះសិន