KPT+

យាយតា ចំណាយពេលមើលថែចៅៗ ត្បិតហត់ បន្តិច តែល្អចំពោះសុខភាពខ្លាំង

បានផុស

៥ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

លោកយាយ លោកតា ដែលចំណាយពេលនៅជាមួយចៅៗ មើលថែពួកគេ នឹងទទួលគុណប្រយោជន៍មួយចំនួនដល់សុខភាព ដោយបានបង្កើននូវទំនាក់ទំនងក្នុងសង្គម និងបាត់ភាពឯកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកវិទ្យាសាស្រ្តបានអះអាងដូចខាងលើនេះ បន្ទាប់ពីបានសិក្សាទៅលើមនុស្សចាស់ ប្រមាណ ៤ ពាន់នាក់ តាមរយៈការស្ទង់មតិលើក្រដាសសំណួរ។ នៅក្នុងចម្លើយស្ទង់មតិ ភាគច្រើនបានបង្ហាញថា ចាស់ៗដែលសកម្ម នឹងចំណាយពេលមើលចៅៗរបស់ខ្លួន មានកម្រិតភាពឯកាតិចជាង បើប្រៀបធៀបនឹងលោកតាលោកយាយដែលចំណាយពេលជាមួយក្មេងៗបានតិចតួច។

លោកសាស្រ្តាចារ្យជនជាតិអាល្លឺម៉ង់ Eleanor Quirke ដែលដឹកនាំការស្រាវជ្រាវបានពន្យល់ថា៖ “ការមើលថែក្មេងៗមិនត្រឹមតែបានជួយសម្រាលកិច្ចការក្នុងគ្រួសារនោះទេ តែវាបានជួយឲ្យមនុស្សចាស់បង្កើនទំនុកចិត្តលើខ្លួនឯង ជាមួយនឹងកិច្ចការនោះ ជាហេតុនាំឲ្យពួកគាត់ចាកឆ្ងាយពីអារម្មណ៍ឯកា និងអារម្មណ៍ធ្លាក់ទឹកចិត្តទៀតផង។ បន្ថែមពីនេះលោកទាំងពីរ (យាយ និងតា) មើលថែចៅៗ អាចនឹងបង្កើនទំនាក់ទំនងនៅក្នុងសង្គមបន្ថែម តាមការរយៈការចែករំលែកបទពិសោធន៍មើលថែក្មេងៗ”។

តាមរយៈលទ្ធផលនេះ ធ្វើឲ្យអ្នកវិទ្យាសាស្រ្តអះអាងថា ការមើលថែក្មេងៗ បានផ្តល់ឥទ្ធិពលល្អវិជ្ជមានដល់សុខភាពមនុស្សចាស់។ ការស្រាវជ្រាវខាងលើបានធ្វើឡើងដោយ ក្រុមអ្នកស្រាវជ្រាវនៃសាកលវិទ្យាល័យ Hamburg-Eppendorf ប្រទេសអាល្លឺម៉ង់ និងបានចុះផ្សាយក្នុងព្រឹត្តិបត្រវេជ្ជសាស្រ្ត British Medical Journal នៅប្រទេសអង់គ្លេសផងដែរ៕

អត្ថបទផ្ដល់ដោយ៖ Hello Krupet

ចុចអាន៖បើក្មេងក្ដៅខ្លួនដល់កម្រិតនេះហើយ ត្រូវនាំកូនទៅជួបពេទ្យឲ្យលឿន

ចុចអាន៖មូលហេតុមួយចំនួននេះ អាចធ្វើឲ្យកូន លូតលាស់យឺត