KPT+

មូលហេតុមួយចំនួននេះ អាចធ្វើឲ្យកូន លូតលាស់យឺត

បានផុស

៥ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

ក្មេងលូតលាស់យឺតសំដៅលើក្មេងដែលមានល្បឿនលូតលាស់យឺតជាងក្មេងដែលមានអាយុ ភេទ និងជាតិសាសន៍ដូចគ្នា។ ហេតុអ្វីបានជាក្មេងខ្លះលូតលាស់យឺត?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងលូតលាស់យឺតអាចបណ្តាលមកពីមូលហេតុជាច្រើន៖

១. កត្តាតំណពូជ

ប៉ាម៉ាក់ ឬតាយាយរបស់អូនតូចមានមាឌតូច ឬកម្ពស់ទាប។

២. កង្វះអាហារូបត្ថម្ភ

កង្វះអាហារូបត្ថម្ភ និងវិបត្តិចំណង់អាហារ គឺជាមូលហេតុទូទៅនៃការលូតលាស់យឺត។

៣. ការប្រើថ្នាំមួយចំនួន

ថ្នាំព្យាបាលជំងឺពិបាកផ្ចង់អារម្មណ៍ និងស្រៃ្ពស្តេរ៉ូអ៊ីតសម្រាប់ជំងឺហឺតក៏ធ្វើឱ្យប៉ះពាល់ដល់ការលូតលាស់របស់កុមារដែរ។

៤. ភាពតានតឹងផ្លូវចិត្ត

វេជ្ជបណ្ឌិត Patel បានលើកឡើងថា “កុមារដែលឆ្លងកាត់សង្គ្រាម គ្រោះទុរ្ភិក្ស ជួបអំពើហិង្សា ឬរស់នៅក្នុងបរិយាកាសដែលមិនមានការបីបាច់ថែរក្សាត្រឹមត្រូវអាចជួបប្រទះភាពតានតឹងផ្លូវចិត្តដែលរារាំងពួកគេមិនឱ្យលូតលាស់បានល្អ”។

៥. ជំងឺប្រព័ន្ធអង់ដូគ្រីន

កង្វះអ័រម៉ូនលូតលាស់ ខ្សោយក្រពេញទីរ៉ូអ៊ីត និងភាពក្រពេញវ័យក៏ប៉ះពាល់ដល់ការលូតលាស់កុមារដែរ។

៦. ជំងឺរុំារ៉ៃ

ជំងឺរ៉ាំរ៉ៃដូចជា ជំងឺខ្វះគ្រាប់ឈាមក្រហម ជំងឺហឺត ជំងឺឆ្អឹង ជំងឺ Celiac (ជាជំងឺប្រតិកម្មនឹងការញុំាជាតិ gluten ដែលជាប្រូតេអ៊ីននៅក្នុងពពួកស្រូវសាលី) ជំងឺបេះដូង ជំងឺរលាកពោះវៀនធំ និងជំងឺតម្រងនោមជាដើម សុទ្ធតែអាចប៉ះពាល់ដល់ការលូតលាស់របស់ក្មេង។

៧. ជំងឺទាក់ទងនឹងហ្សែន

ជំងឺ Achondroplasia៖ បណ្តាលឱ្យមានការលូតលាស់ឆ្អឹងខ្ចីមិនធម្មតាដែលបណ្តាលឱ្យតឿ
ជំងឺខ្យោយបញ្ញាពីកំណើត
ជំងឺ Noonan៖ ជាជំងឺដែលរារាំងការលូតលាស់ផ្នែកខ្លះនៃរាងកាយ
ជំងឺ Russell-Silver៖ ជំងឺដែលបណ្តាលឱ្យកើតមិនគ្រប់គីឡូ និងមិនអាចលូតលាស់បានល្អ
ជំងឺ Turner៖ បញ្ហាក្រូម៉ូសូមដែលប៉ះពាល់តែលើក្មេងស្រី

កុមារដែលមានការលូតលាស់យឺតអាចត្រូវធ្វើរោគវិនិច្ឆ័យដោយ៖

ការពិនិត្យរាងកាយ៖ ការថ្លឹងទម្ងន់ និងវាស់កម្ពស់របស់កូនធៀបនឹងតារាងកំណើនកុមារ។ ប្រសិនបើអូនតូចមានទម្ងន់តិចជាង និងមានកម្ពស់ទាបជាងតារាងកំណើនកុមារ អូនតូចត្រូវបានគេធ្វើរោគវិនិច្ឆ័យថាមានការលូតលាស់យឺត។
ការធ្វើតេស្តឆ្អឹង៖ គ្រូពេទ្យអាចធ្វើតេស្តឆ្អឹងដោយថតកាំរស្មី X លើដៃ និងកដៃឆ្វេងអូនតូច។ ការធ្វើតេស្តនេះអាចបង្ហាញពីភាពលូតលាស់ឆ្អឹងរបស់អូនតូច។
ការធ្វើតេស្តឈាម៖ គ្រូពេទ្យអាចធ្វើតេស្ដឈាមដើម្បីរកមើលជំងឺដែលអាចធ្វើឱ្យកុមារលូតលាស់យឺត។

ក្មេងលូតលាស់យឺតអាចត្រូវព្យាបាលតាមមូលហេតុបង្ក។ ប្រសិនបើអូនតូចមានការលូតលាស់យឺត ដោយសារជំងឺកង្វះអាហារូបត្ថម្ភ ប៉ាម៉ាក់អាចកែប្រែរបបអាហាររបស់អូនតូច៕

អត្ថបទផ្ដល់ដោយ៖ Hello Krupet

ចុចអាន៖៤ ចំណុចនេះ គួបផ្សំអាហារូបត្ថម្ភល្អ ជួយខួរក្បាលកូនគិតរហ័សរហួន

ចុចអាន៖គន្លឹះ ៥ យ៉ាង ជួយឲ្យមានកូនតាមចិត្តចង់បាន