KPT+

តិចនិកជួលអគារធ្វើអាជីវកម្ម និងសុវត្ថិភាពសម្រាប់ចំណតដល់បុគ្គលិក និងភ្ញៀវ

បានផុស

៤ years មុន

នៅ

ថ្ងៃអង្គារ ២៣ វិច្ឆិកា ២០២១

ដោយ

អគារដែលយើងជួលសម្រាប់ធ្វើអាជីវកម្ម មិនមែនមានន័យថា ចេះតែជួលឲ្យបាននោះទេ។ បុគ្គលិកខ្លះអាចជិះម៉ូតូ ឬរថយន្តទៅធ្វើការ។ ដូច្នេះ ប្រសិនបើអ្នកបានជួលអគារត្រូវតែមានកន្លែងចត ដើម្បីធ្វើឲ្យការធ្វើដំណើររបស់ពួកគេទៅធ្វើការមានភាពងាយស្រួល តាមដែលអាចធ្វើទៅបាន។

នេះជាវិធីសាមញ្ញមួយចំនួន ដែលម្ចាស់អាជីវកម្មគ្រប់គ្នាអាចគ្រប់គ្រងកន្លែងចតរថយន្តឲ្យបុគ្គលិកខ្លួនឯង និងភ្ញៀវដែលមកទស្សនកិច្ច។

១ ចំណតរថយន្តដែលបានបែងចែក

ប្រសិនបើការិយាល័យរបស់យើង មានអាជីវកម្មឬក្រុមហ៊ុនលាយឡំគ្នាច្រើន កន្លែងចតរថយន្តជាក់លាក់គួរតែត្រូវបានបែងចែក។ គិតពីទំហំអាជីវកម្ម និងចំនួនបុគ្គលិកធ្វើការពីការិយាល័យប្រចាំថ្ងៃ។ ការធ្វើបែបនេះធានាថា អាជីវកម្មនីមួយៗមានចំណតរថយន្តត្រឹមត្រូវ និងដកហានិភ័យនៃបុគ្គលិកដែលមិនសប្បាយចិត្ត ជាមួយនឹងចំណតរថយន្តឬម៉ូតូរបស់ពួកគេ។

២ ចំណតរថយន្តរបស់ភ្ញៀវដែលចូលមកត្រូវតែមាន

ជាញឹកញយ អាជីវកម្មដែលមានមូលដ្ឋានជាការិយាល័យ នឹងមានអតិថិជន និងភ្ញៀវមកដល់កន្លែង។ ការថែទាំអតិថិជន និងភ្ញៀវ គឺមានសារៈសំខាន់បំផុត។ ដូច្នេះ ត្រូវប្រាកដថា អ្នកបែងចែកកន្លែងចតរថយន្តនៅជិតច្រកចូលការិយាល័យ ហើយភ្ញៀវមិនចាំបាច់ដើរចេញពីចំណតយូរទេ។

៣ សុវត្ថិភាព

ការធានាសុវត្ថិភាពរបស់បុគ្គលិក អតិថិជន និងភ្ញៀវរបស់អ្នកគឺមានសារៈសំខាន់បំផុត។ ត្រូវប្រាកដថាកន្លែងចតរថយន្តមានសុវត្ថិភាព ដោយអនុវត្តផ្លាកសញ្ញាកំណត់ល្បឿន និងការប៉ះទង្គិចល្បឿនក្នុងករណីចាំបាច់ ឬមានកាំំម៉េរាសុវត្ថិភាពគ្រប់ជ្រុង។

៤ ងាយស្រួលចូល

រក្សាហានិភ័យនៃគ្រោះថ្នាក់ដល់កម្រិតអប្បបរមា ដោយធានាថា កន្លែងចតរថយន្តអាជីវកម្មរបស់យើង អាចចូលទៅដល់បានយ៉ាងងាយស្រួល។ ដើម្បីប្រាកដថា មានភាពងាយស្រួលក្នុងការចូលចតរថយន្ត អ្នកគួរតែមានច្រកចេញ និងចូលចំនួន ២។ នេះនឹងជួយចៀសវាងការកកស្ទះចរាចរណ៍ ក្នុងពេលមមាញឹកដូចមុន និងក្រោយពេលធ្វើការ។ ប្រសិនបើបញ្ហានេះមិនត្រូវបានដោះស្រាយត្រឹមត្រូវ ការកកស្ទះ និងគ្រោះថ្នាក់អាចនឹងកើតឡើង ដែលបណ្ដាលឲ្យក្រុមហ៊ុនរបស់យើងមានការលំបាកទាំងបុគ្គលិកបំបេញការងារនិងភ្ញៀវ៕

ប្រែសម្រួល៖ សាង ស្រីល័ក្ខ

ចុចអាន៖ខណៈជោគជ័យក្នុងបច្ចុប្បន្ន តែក្រុមហ៊ុនល្បីៗទាំងនេះ ធ្លាប់ជួបបញ្ហាធំក្នុងអំឡុងឆ្នាំ ២០១៧

ចុចអាន៖មុនឆ្នាំ ២០៥០ រឿងដ៏អស្ចារ្យទាំងនេះ នឹងកើតឡើងលើពិភពលោក

Related Topics:អាជីវកម្ម