KPT+
រឿងអស្ចារ្យ ៦ យ៉ាង ដែលមនុស្សគ្រប់គ្នាមិនធ្លាប់ដឹង ពីស្ត្រីជំនាន់មុន
ស្ត្រីបានបង្ហាញពីភាពអស្ចារ្យក្នុងការបង្កើតឧបករណ៍ពហុមុខងារប្រកបដោយភាពច្នៃប្រឌិត ដែលធ្វើឲ្យប្រសើរឡើងនូវជីវិតរស់នៅប្រចាំថ្ងៃរបស់មនុស្សគ្រប់គ្នា។
នេះជារឿង ៦ យ៉ាងដែលមនុស្សគ្រប់គ្នាប្រហែលជាមិនធ្លាប់ដឹងពីស្ត្រី ៖
១. ម៉ាស៊ីនលាងចាន
ម៉ាស៊ីនលាងចានដែលមិនធ្លាប់មានពីមុនមក ត្រូវបានចុះបញ្ជីកម្មសិទ្ធិនៅឆ្នាំ ១៨៨៦ ដោយលោកស្រី Josephine Cochrane។ ម៉ាស៊ីនរបស់ Josephine រួមបញ្ចូលគ្នានូវសម្ពាធទឹកខ្ពស់ ខ្សែភ្លើង និងចំហាយទឹកសម្រាប់សម្ងួតចាន។ ទោះបីជាគាត់ប្រើវាដោយខ្លួនឯងក៏ដោយ តែគាត់បានបង្កើតអ្វីមួយដែលធ្វើឲ្យជីវិតកាន់តែងាយស្រួលដល់មនុស្សទូទៅ។
២. កុំព្យូទ័រ
ដោយបានរួមគ្នាជាមួយលោក Howard Aiken ក្នុងឆ្នាំ ១៩៤៤ លោកស្រី Grace Hopper បានរចនាកុំព្យូទ័រ របស់ Harvard ដែលជាម៉ាស៊ីនទំហំបន្ទប់ ៥ តោន។ គាត់បានបង្កើតការចងក្រងដែលបកប្រែភាសាសរសេរទៅជាកូដកុំព្យូទ័រ និងថែមទាំងបង្កើតលក្ខខណ្ឌ “ កំហុស” និង“ បំបាត់កំហុស” នៅក្នុងអក្សរដែរ។
លើសពីនេះទៅទៀតនៅឆ្នាំ ១៩៥៩ លោកស្រីគឺជាផ្នែកមួយនៃក្រុមដែលបានបង្កើត COBOL ដែលជាភាសាសរសេរកម្មវិធីទំនើបដំបូងគេមួយ។
៣. ធុងសំរាមដែលមានជើងទម្រ
អ្នកចិត្តសាស្ត្រនិងជាវិស្វករអាមេរិកលោកស្រី Lillian Gilbreth ត្រូវបានគេស្គាល់ថា បានកែលំអភាពច្នៃប្រឌិតដែលមានស្រាប់ ជាមួយនឹងការកែសម្រួលបន្តិចបន្តួច នៅដើមទសវត្សឆ្នាំ ១៩០០ ។ Gilbreth បានរចនាធ្នើរនៅខាងក្រោមធុងសំរាម ធ្វើឱ្យងាយស្រួលប្រើ និងអាចយកជើងជាន់ដោយមិនចាំបាច់យកដៃទៅបើក។
៤. ល្បែងក្ដារ
ល្បែងក្ដារដែលល្បីល្បាញបំផុតលើពិភពលោកត្រូវបានបង្កើតឡើងដោយស្ត្រី Elizabeth Magie ដែលមានឈ្មោះថា The Landlord’s Game ដើម្បីផ្សព្វផ្សាយទ្រឹស្ដីសេដ្ឋកិច្ចរបស់ Georgism(ភូមិសាស្ត្រ) ដោយបានបង្រៀនអ្នកលេងអំពីភាពអយុត្តិធម៌នៃការរំលោភយកដីធ្លី គុណវិបត្តិនៃការជួល និងតម្រូវការបង់ពន្ធដីតែមួយលើម្ចាស់។ ហ្គេមនេះបានបោះពុម្ពផ្សាយដោយខ្លួនឯងនៅឆ្នាំ ១៩០៦។
៥. ម៉ាស៊ីនអារ
Tabitha Babbitt គឺជាមនុស្សដំបូងគេដែលណែនាំកម្មករធ្វើអុសឲ្យបង្កើតម៉ាស៊ីនអារឈើ ជំនួសឲ្យការប្រើកម្លាំងរបស់មនុស្ស។ Babbitt ថែមទាំងបានបង្កើតគំរូម៉ាស៊ីន ហើយភ្ជាប់វាទៅនឹងកង់វិលរបស់នាងក្នុងឆ្នាំ ១៨១៣។
៦. កែវពង្រីកនាវាមុជទឹកនិងអំពូលភ្លើង
អ្នកច្នៃប្រឌិតដំបូងឈ្មោះ Sarah Mather បានបង្កើតការរួមបញ្ចូលគ្នាដែលមានប្រយោជន៍មិនគួរឲ្យជឿរវាងកែវយឹតនិងអំពូលភ្លើង សម្រាប់នាវាមុជទឹក។ ការច្នៃប្រឌិតរបស់គាត់ត្រូវបានគេទទួលស្គាល់នៅឆ្នាំ ១៨៤៥ ៕
ប្រែសម្រួល៖ សាង ស្រីល័ក្ខ
ចុចអាន៖អាហារ ៥ ប្រភេទអាចជួយដោះស្រាយវិបត្តិកង្វះអាហារូបត្ថម្ភទូទាំងពិភពលោក
ចុចអាន៖ទម្លាប់ប្រចាំថ្ងៃ ៤ សំខាន់ៗ ធ្វើឲ្យជីវិតនិងអាជីវកម្មជោគជ័យ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត