KPT+
អាថ៌កំបាំង ៦ យ៉ាងបង្កើនអារម្មណ៍ជឿជាក់ជាងមុនទ្វេដង
ទំនុកចិត្តគឺជាជំនាញចាំបាច់ទាំងក្នុងជីវិតនិងក្នុងអាជីវកម្ម ប្រសិនបើយើងចង់ទទួលបានជោគជ័យ។ ក្រៅពីជួយឱ្យយើងមានអារម្មណ៍ថាមានសមត្ថភាពក្នុងការសម្រេចគោលដៅផ្ទាល់ខ្លួន វាក៏អាចជំរុញឱ្យអ្នកដទៃដើរតាមគោលដៅរបស់ពួកគេផងដែរ។
ចុះធ្វើយ៉ាងណា ដើម្បីបង្កើនទំនុកចិត្តដល់ខ្លួនឯងជាងមុន?
១. ផ្ដាច់ខ្លួន
ការអនុវត្តនៃការផ្ដាច់ខ្លួន គឺពិតមានសារៈសំខាន់ចំពោះទំនុកចិត្តរបស់មនុស្សម្នាក់ៗ ដើម្បីធ្វើដំណើរ ទៅរកស្ថានភាពនីមួយៗដោយមិនភ្ជាប់ជាមួយនឹងលទ្ធផល។ គិតពីចំនួនដងដែលត្រូវពិចារណាលើលទ្ធផល តើមានអ្វីកើតឡើងប្រសិនបើយើងបរាជ័យ?
ធ្វើសកម្មភាពដោយមិនបារម្ភពីលទ្ធផលដែលឥតខ្ចោះ ហើយយើងនឹងមានអារម្មណ៍ថាយើងមានទំនុកចិត្តលើគ្រប់ជំហានទៅមុខ។
២. រៀនពីបទពិសោធន៍និងចំណេះដឹង
Shakespeare បាននិយាយថា « មនុស្សល្ងីល្ងើគិតថាខ្លួនឯងឆ្លាត ប៉ុន្តែមនុស្សមានប្រាជ្ញាដឹងថា ខ្លួនជាមនុស្សល្ងីល្ងើ »។ ការបើកចំហដើម្បីរៀនអ្វីថ្មីៗ និងយល់ដឹង តែងតែមានវិធីដើម្បីទទួលបានភាពប្រសើរជាងមុន ដែលបានបង្កើតទំនុកចិត្តពិតប្រាកដដល់យើង។ នេះក៏ព្រោះតែយើងចូលទៅរកស្ថានភាពថ្មីនីមួយៗ ជាបទពិសោធន៍នៃការរៀនសូត្រ។
៣. និយាយពាក្យវិជ្ជមានទៅខ្លួនឯង
អាថ៌កំបាំងនៃទំនុកចិត្ត គឺត្រូវចាប់យកខ្លួនឯងនៅពេលដែលយើងមានគំនិតអវិជ្ជមាន ហើយគិតផ្ទុយពីសកម្មភាព។
នៅពេលដែលគំនិតរបស់យើងគិតថា យើងមិនអាចធ្វើអ្វីបាន ត្រូវនិយាយប្រាប់ខ្លួនឯងដោយភាពជឿជាក់និងថាមពល ដើម្បីបំពេញភារកិច្ចនេះដោយជោគជ័យ។
៤. ភាសារាងកាយវិជ្ជមាន
មានអ្នកវិទ្យាសាស្ត្រជាច្រើនដែលបាននិយាយដូចៗគ្នាថា របៀបឈរនិងដាក់ដៃនៅលើត្រគាក ធ្វើឱ្យយើងមានអារម្មណ៍ល្អ និងបញ្ចេញទំនុកចិត្តកាន់តែខ្លាំង។
ភាសារាងកាយដែលយើងគួរធ្វើ គឺត្រូវប្រកាន់ជំហរវិជ្ជមាន និងមានទំនុកចិត្តពីរបីនាទីសិន ចាំទៅដោះស្រាយស្ថានការណ៍ណាមួយ ដែលបានធ្វើឱ្យយើងខកចិត្តឬតឹងទ្រូង។
៥. ផ្តោតលើអ្នកដទៃ
អសន្តិសុខកើតចេញពីការផ្ដោតលើខ្លួនឯងជ្រុលនិយម បើចង់មានសន្តិសុខផ្លូវចិត្ត សូមបង្វែរអារម្មណ៍មកផ្ដោតលើអ្នកដទៃម្ដង។ ការដែលយើងចាប់អារម្មណ៍ពិតប្រាកដ និងសរសើរដោយស្មោះត្រង់ ធ្វើឱ្យយើងកាន់តែចូលចិត្តអ្នកជុំវិញខ្លួន ចំណែកទំនាក់ទំនងក៏កាន់តែប្រសើរឡើង ដែលទាំងនេះសុទ្ធតែជាជំនួយបង្កើតទំនុកចិត្តលើខ្លួនឯងផងដែរ។
៦. ទទួលស្គាល់អ្វីដែលធ្វើឱ្យយើងប្លែក
គ្មាននរណាម្នាក់ធ្វើអ្វីៗតាមវិធីដែលយើងធ្វើឡើយ។ គិតពីរឿងទាំងអស់ដែលគ្មាននៅក្នុងពិភពលោក បើយើងមិនដែលមាន ចូរសាកល្បងដាក់រឿងប្លែកៗទាំងនោះនៅទីនោះ ហើយវាយតម្លៃគុណសម្បត្តិនិងភាពខ្លាំងនៅក្នុងខ្លួនយើង ព្រមទាំងអាជីវកម្មរបស់យើងដែរ៕
ប្រែសម្រួល ៖ សាង ស្រីល័ក្ខ
ចុចអាន៖លក្ខណៈពិសេស ៧ យ៉ាងគួរឲ្យភ្ញាក់ផ្អើលរបស់អ្នកប្រើដៃឆ្វេង
ចុចអាន៖រឿងអាស្រូវនយោបាយនៃប្រធានាធិបតីស្ត្រីដំបូងកូរ៉េខាងត្បូង PARK GEUN HYE
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង