KPT+

អត្ថប្រយោជន៍ទឹកឆ្អិន ប្រើសម្រាប់ដោះស្រាយបញ្ហាការងារក្នុងផ្ទះ

បានផុស

៤ years មុន

នៅ

ថ្ងៃសុក្រ ២២ កក្កដា ២០២២

ដោយ

សាង ស្រីល័ក្ខ

ទឹកឆ្អិនមិនត្រឹមតែល្អសម្រាប់ធ្វើភេសជ្ជៈ ឬចម្អិនអាហារប៉ុណ្ណោះទេ ប៉ុន្តែអ្នកក៏អាចប្រើវាតាមវិធីផ្សេងទៀតក្នុងផ្ទះបានដែរ។

ខាងក្រោមនេះ យើងខ្ញុំនឹងណែនាំមិត្តអ្នកអានមកដឹងពីអត្ថប្រយោជន៍នៃទឹកឆ្អិន ដែលអាចប្រើជាដំណោះស្រាយក្នុងផ្ទះបានយ៉ាងងាយ ៖

១ សម្លាប់ស្មៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទឹកពុះអាចប្រើដើម្បីសម្លាប់ស្មៅ ហើយត្រូវបានគេចាត់ទុកថាជាវិធីសាស្ត្រដ៏ល្អ ដែលមិនប៉ះពាល់ដល់បរិស្ថាន។ ជាពិសេស ស្មៅដែលដុះនៅតាមខឿនមុខផ្ទះពិបាកសម្អាត គ្រាន់តែដាំទឹកឲ្យពុះភ្លាម ហើយចាក់ពីលើស្មៅ។ អ្នកអាចដកស្មៅទាំងនោះចេញ នៅពេលដែលទឹកពុះបានចុះត្រជាក់។ ប្រសិនបើវាមិនដំណើរការជាលើកដំបូង សូមសាកល្បងធ្វើម្ដងហើយម្ដងទៀត។

២ ធ្វើឲ្យគ្រឿងប្រាក់ភ្លឺ

នរណាដឹងថាទឹកពុះអាចធ្វើឲ្យគ្រឿងប្រាក់ដែលសឹករិលភ្លឺឡើងវិញបានដែរ។ គ្រាន់តែយកបន្ទះអាលុយមីញ៉ូម ឬគ្របដណ្ដប់ថាសជាមួយ foil ។ បន្ទាប់មកបន្ថែម baking soda អំបិល និងទឹកខ្មេះ ហើយចាក់ទឹកឆ្អិនមុននឹងដាក់គ្រឿងប្រាក់ចូល។ មិនយូរប៉ុន្មាន គ្រឿងប្រាក់នឹងត្រលប់មកសភាពដូចថ្មីមិនខាន។

៣ បំបាត់ក្លិនមិនល្អ

ក្លិនដែលបានមកពីការចម្អិនអាហារនឹងកាន់ក្អែល ដែលយូរៗទៅនឹងកាន់តែអាក្រក់លើសមុន នៅពេលដែលផ្សំជាមួយក្លិនសំរាម ឬចានកខ្វក់។ សាកល្បងព្យាបាលផ្ទះបាយដែលមានក្លិនស្អុយ ដោយដាំទឹកលើចង្ក្រាន ហើយបន្ថែមសំបកក្រូចឆ្មារ។ អ្នកក៏អាចបន្ថែមគ្រឿងទេសផ្អែមដូចជា cinnamon, cloves និង star anise ។

៤ សម្អាតមីក្រូវ៉េវ

ទឹកឆ្អិនអាចជួយបំបាត់ភាពរញ៉េរញ៉ៃនៅក្នុងមីក្រូវ៉េវ។ ដើម្បីធ្វើឲ្យវាកាន់តែងាយស្រួលក្នុងការជូតចេញ គ្រាន់តែដាំទឹកប្រហែល ១ចានក្នុងមីក្រូវ៉េវ ដើម្បីឲ្យចំហាយទឹកបានចេញច្រើនតាមដែលអាចធ្វើទៅបាន។ អ្នកក៏អាចសាកល្បងបន្ថែមទឹកក្រូចឆ្មារពីរបីស្លាបព្រាចូលទៅក្នុងទឹក ព្រោះអាស៊ីដនឹងជួយកម្ចាត់ជាតិខ្លាញ់ និងភាពមិនស្អាតបានដែរ។

៥ ជម្រះបំពង់បង្ហូរ

ថ្វីត្បិតតែសារធាតុគីមីដ៏អាក្រក់ គឺជាមធ្យោបាយដ៏មានប្រសិទ្ធភាពមួយ ក្នុងការសម្អាតបំពង់បង្ហូរដែលស្ទះ ប៉ុន្តែមានហានិភ័យនៃការបំផ្លាញបំពង់របស់អ្នក។ មធ្យោបាយដ៏ល្អបំផុតដើម្បីលុបការស្ទះ ជាជាងប្រើឧបករណ៍សម្អាតដែលទិញពីហាង គឺព្យាយាមចាក់ទឹកដែលពុះចូលក្នុងបំពង់បង្ហូរជំនួសវិញ។ ការប្រុងប្រយ័ត្នគឺថា ប្រសិនបើវាជាបំពង់ដែកទឹកពុះក្ដៅៗអាចប្រើបាន។ ប៉ុន្តែប្រសិនបើវាជាបំពង់ជ័រ ប្រើទឹកក្តៅអ៊ុនៗជំនួសវិញ។

៦ លុបស្នាមប្រឡាក់

ទឹកក្តៅក៏ត្រូវបានគេនិយមប្រើដើម្បីលុបពំបាត់រាល់ស្នាមប្រលាក់ ដូចជាឈាម ឬសារធាតុរាវផ្សេងៗពីអាហារ។ ដើម្បីប្រើទឹកក្ដៅលើសម្លៀកបំពាក់ដែលមានមេរោគ ឬប្រលាក់ដោយសារតែកាកសំណល់ផ្លែឈើផ្សេងទៀត សូមជ្រលក់ផ្នែកដែលកខ្វក់នៅក្នុងឆ្នាំងក្តៅ រហូតដល់ស្នាមប្រឡាក់អស់គ្មានសល់។ ចំណែកនៅលើខ្នើយឬកំរាលព្រំ សូមចាក់ទឹកដែលពុះខ្លាំងលើតំបន់ដែលរងផលប៉ះពាល់ ហើយប្រើអេប៉ុង ដើម្បីស្រូបយកទឹកនោះចេញជាការស្រាច៕

ប្រែសម្រួល៖ សាង ស្រីល័ក្ខ

ចុចអាន៖រឿងពិតទាំង ១០ ធ្វើឲ្យអ្នកចម្លែកអារម្មណ៍ខ្លាំង

ចុចអាន៖គន្លឹះ ៤ យ៉ាង ជួយដោះស្រាយបញ្ហាងងុយគេង ពេលបើកបរផ្លូវឆ្ងាយ