KPT+

កំពូលសត្វល្អិតបង្កគ្រោះថ្នាក់ដល់ជីវិតមនុស្សទាំង ១០ គួរប្រុងប្រយ័ត្ន

បានផុស

១ year មុន

នៅ

ថ្ងៃសៅរ៍ ២៣ កក្កដា ២០២២

ដោយ

មនុស្សលោកតែងតែខ្លាចរបស់កាចសាហាវ មានមាឌធំកម្លាំងខ្លាំងជាងខ្លួន ហើយមិនសូវយកចិត្តទុកដាក់ ខ្លាចសត្វល្អិតតូចៗប៉ុន្មានទេ។ ប៉ុន្តែតាមពិតទៅសត្វតូចៗនេះបង្កគ្រោះថ្នាក់សាហាវជាងសត្វធំទៅទៀតព្រោះវាតូចងាយស្រួលវាយប្រហារមនុស្សនិងពិបាករត់គេចពីវាណាស់។ សត្វល្អិតសាហាវៗខាងក្រោមនេះពិតជាគួរឲ្យខ្លាច និងកត់ចំណាំដើម្បីជៀសវាងគ្រោះថ្នាក់នៅថ្ងៃក្រោយ៖

១. ស្រមោចបើកបរ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាមិនចេះបើកឡានទេ ឈ្មោះនេះបានមកពីការធ្វើដំណើរស្វែងរកអាហារមិនឈប់ឈររបស់វា។ ថ្គាមស្រមោចនេះរឹងមាំណាស់ ជនរងគ្រោះរបស់វាទូទៅជាសត្វជាប់ទ្រុងដូចជាសត្វមាន់ ទា ជ្រូក ព្រោះមិនអាចគេចវេះពីការលុកលុយស្រមោចបើកបរបាន។

២. ស្រមោចគ្រាប់កាំភ្លើង

វាមានប្រវែងមួយពីអ៊ីញទេ ចំណែកឯការឈឺចាប់ពេលវាខាំវិញប្រៀបដូចគេបាញ់មួយគ្រាប់ដែរ។ ជួនកាលអ្នកត្រូវវាខាំអាចទៅជាមិនអាចកម្រើកបាន អ្នកជំនាញមានប្រសាសន៍ថា “ការខាំរបស់វាឈឺដូចដើរលើភ្លើងទាំងមានដែកគោលច្រែះចាក់ចូលកែងជើងចឹង”។

៣. ស្រមោចភ្លើង

ស្រមោចប្រភេទនេះមានសំបុកនៅលើដី និងនៅក្នុងខ្សាច់ បើយើងដើរមិនប្រយ័ត្នទៅជាន់សំបុកវាស៊យធំមិនខាន។

៤. សត្វល្អិតថើប

ឈ្មោះសុទ្ធតែថើប ការពិតជាប៉ារ៉ាស៊ីតជញ្ជក់ឈាមសោះ ដូច្នេះអ្នកមានសំណាងត្រូវវាថើបនោះត្រូវតែព្យាបាលជាបន្ទាន់ព្រោះវាជាអ្នកចម្លងមេរោគឆាហ្គាស។

៥. ចៃ

មួយឆាកជីវិតរបស់ចៃគឺដំណើរស្វែងរកផ្ទះដ៏កក់ក្ដៅពោរពេញដោយឈាម សត្វប៉ារ៉ាស៊ីតតូចនេះមាននៅលើភាវរស់សឹងតែគ្រប់ប្រភេទសូម្បីតែមនុស្សក៏មានចៃដែរហើយវាបង្កជំងឺប៉េស្តខ្មៅ និងជំងឺគ្រុនពោះវៀន។

៦. មូស

នរណាមិនស្គាល់ភ្នាក់ងារចម្លងជំងឺគ្រុនចាញ់ គ្រុនឈាម គ្រុនឈីកនោះ។

៧. ឃ្មុំ

សត្វឃ្មុំការពារទឹកដីនិងការពារស្ដេចស្រីរបស់ពួកគេណាស់ វាប្រាកដជាព្រួតគ្នាមកទិចយើងទាំងអស់បើហ៊ានទៅប៉ះពាល់ពួកគេ ដូច្នេះការយកឃ្មុំទាមទារអ្នកជំនាញនិងសម្ភារៈការពារត្រឹមត្រូវទើបមានសុវត្ថិភាព។

៨. ឪម៉ាល់យក្សជប៉ុន

ឪម៉ាល់ប្រភេទនេះមានទំហំ២ទៅ៣អ៊ីញមិនតូចទេ ពិសរបស់វាអាចធ្វើឲ្យមនុស្សស្ពឹកខ្លួន ខូចក្រលៀន ដល់ថ្នាក់ស្លាប់ទៀតផង។ ឪម៉ាល់យក្សជប៉ុនអាចទិចមនុស្សបែកដែលញើស មនុស្សផឹកស្រា ធុំក្លិនផ្អែម ឬមនុស្សកំពុងរត់។

៩. រុយពង

វាមិនខាំមិនទិចមែន ប៉ុន្តែវាពងដាក់ក្រោមស្បែកមនុស្សតែម្ដងគួរឲ្យខ្ពើមមែនទែន។ នៅពេលដែលវាពងចូលខ្លួនមនុស្សហើយកូនដង្កូវនោះនឹងចោះស្បែកយើងរកផ្លូវចេញមកដោយខ្លួនឯង។

១០. កណ្ដូប

កាលពីសម័យមុនធ្លាប់មានគ្រោះអត់ឃ្លានដោយសារកណ្ដូបមិនតិចទេ ទោះបីវាមិនសម្លាប់មនុស្សដោយផ្ទាល់ ប៉ុន្តែវាចូលចិត្តកាត់ដំណាំដែលជាអាហាររបស់មនុស្ស។

ជាក់ស្ដែងបច្ចេកទេសមនុស្សកាន់តែអភិវឌ្ឍន៍ងាយស្រួលការពារជីវិតពីសត្វសាហាវៗទាំងនេះ ថែមទាំងមានថ្នាំកម្ចាត់ច្រើនប្រភេទដែរ។ យ៉ាងណាមិញសត្វគ្រប់ប្រភេទរួមទាំងមនុស្សសុទ្ធតែមានអំពើលើគ្នាទៅវិញទៅមកជាប្រយោជន៍សំខាន់សម្រាប់ពិភពលោកទាំងអស់៕

ប្រែសម្រួល៖ វារី

ចុចអាន៖រឿងរ៉ាវប្លែកៗ ៦ យ៉ាង ពីសត្វកង់ហ្គូរូ

ចុចអាន៖ពូជសុនខ ១០ ប្រភេទ មានរូបរាងស្រស់ស្អាត និងវ៉ៃឆ្លាតខ្លាំង