Connect with us

KPT+

៣​អាហារូបករណ៍ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតទៅសិក្សានៅបរទេសរបស់ក្រសួងអប់រំ

បានផុស

នៅ

អាហារូបករណ៍បន្តការសិក្សាថ្នាក់បរិញ្ញាបត្រជាន់ខ្ពស់ របស់ក្រសួងអប់រំ យុវជន និងកីឡាកម្ពុជា សហការជាមួយប្រទេសដៃគូចំនួន០៣ បានផ្តល់ជូននិស្សិតកម្ពុជាដើម្បីឱ្យពួកគេមានឱកាសបន្តការសិក្សាទៅតាមមុខជំនាញ ផ្សេងៗដែលខ្លួនប៉ង។ អត្ថប្រយោជន៍ពីការទទួលបាននេះ មានដូចជា ផ្តល់ជាកន្លែងស្នាក់នៅ និងប្រាក់ឧបត្ថម្ភទៅតាមតំបន់ និងប្រទេសនីមួយៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.អាហារូបករណ៍ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសជប៉ុន

អាហារូបករណ៍ទៅសិក្សានៅប្រទេសជប៉ុននេះ ស្ថិតក្រោមគម្រោងអាហារូបករណ៍របស់ប្រទេសជប៉ុនសម្រាប់ការអភិវឌ្ឍធនធានមនុស្សនៅកម្ពុជា (JDS) ដែលផ្តល់ជូនមន្ត្រីរាជការ។ អាហារូបករណ៍នេះ នឹងទទួលបណ្តុះបណ្តាលនិស្សិត ថ្នាក់បរិញ្ញាបត្រជាន់ខ្ពស់ (Master Degree) រយៈពេល២ឆ្នាំ ចំនួន២៤នាក់ និងនិស្សិតថ្នាក់បណ្ឌិត (Ph.D Degree) រយៈពេល៣ឆ្នាំ ចំនួន០២នាក់ ក្នុងឆ្នាំ២០២៣។ ចំពោះមធ្យោបាយទៅមក កម្ពុជា-ជប៉ុន និងប្រាក់អាហារូបករណ៍គឺជាបន្ទុករបស់រដ្ឋាភិបាលជប៉ុន។ 

+ល័ក្ខខណ្ឌអាហារូបករណ៍ថ្នាក់បរិញ្ញាបត្រជាន់ខ្ពស់ (Master Degree) មានដូចជា៖

-បេក្ខជនទាំងពីរភេទត្រូវមានសញ្ជាតិខ្មែរ

-មានសញ្ញាបត្របរិញ្ញាបត្រ 

-អាយុចន្លោះពី ២២-៣៩ឆ្នាំ (គិតដល់ថ្ងៃ ទី០១ ខែមេសា ឆ្នាំ២០២៣) 

-ត្រូវពូកែភាសាអង់គ្លេស 

-មានបទពិសោធការងារយ៉ាងតិច ២ឆ្នាំ ជាបុគ្គលិករដ្ឋធ្វើការក្នុងក្រសួងពាក់ព័ន្ធ (មិនអនុញ្ញាត ចំពោះបុគ្គលិកជាប់កិច្ចសន្យា)

-ត្រូវមានសុខភាពល្អ។ 

+ល័ក្ខខណ្ឌអាហារូបករណ៍ថ្នាក់បណ្ឌិត 

-បេក្ខជនទាំងពីរភេទត្រូវមានសញ្ជាតិខ្មែរ

-បញ្ចប់ថ្នាក់បរិញ្ញាបត្រជាន់ខ្ពស់ (Master) ក្រោមអាហារូបករណ៍ JDS 

-មានអាយុ ៤៥ឆ្នាំ (គិតដល់ថ្ងៃទី០១ ខែមេសា ឆ្នាំ២០២៣) 

-មានបទពិសោធការងារយ៉ាងតិច ០២ឆ្នាំ បន្ទាប់ពីចប់ថ្នាក់ Master ក្រោមអាហារូបករណ៍ JDS  -ត្រូវមានអត្ថបទត្រួតពិនិត្យរួមគ្នាយ៉ាងហោចណាស់ មួយអត្ថបទ ដែលត្រូវបានចុះផ្សាយក្នុង ទស្សនាវដ្តីវិទ្យាសាស្ត្រទទួលស្គាល់ជាអន្តរជាតិ 

-មានសុខភាពល្អ

ចំពោះមុខជំនាញទាំងពីរថ្នាក់នេះមាន ០៩មុខជំនាញ។ អាហាររូបករណ៍នេះចាប់បើកពី ថ្ងៃទី២២ ខែសីហា ឆ្នាំ២០២២ ដល់ថ្ងៃទី២៥ ខែតុលា ឆ្នាំ២០២២។​

២.អាហារូបករណ៍ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាធារណរដ្ឋឆែក

អាហារូបករណ៍នេះនឹងផ្តល់ជូនសាធារណជនទាំងពីរភេទ១៤កន្លែងដល់និស្សិតកម្ពុជា ដើម្បីបន្តការសិក្សានៅតាមសាកលវិទ្យាល័យនានាក្នុងសាធារណរដ្ឋឆែក ក្នុងឆ្នាំ ២០២៣-២០២៤ ។​ ចំពោះល័ក្ខខណ្ឌផ្សេងៗត្រូវបានអនុវត្តក្នុងព័ត៌មានបំពេញពាក្យ។ អាហារូបករណ៍នេះ ចាប់បើកទទួលពាក្យនៅថ្ងៃទី ២១ ខែកក្កដា ឆ្នាំ២០២២ ដល់ថ្ងៃទី ៣០ ខែកញ្ញា ឆ្នាំ២០២៣។ ក្នុងនោះ ក៏មានការធ្វើតេស្តជារួមតាមរយៈប្រព័ន្ធអនឡាញ នៅថ្ងៃទី ៣០ ខែកញ្ញា ឆ្នាំ២០២២ ផងដែរ។ 

ចំណែកកម្មវិធីសិក្សាសម្រាប់ ថ្នាក់បរិញ្ញាបត្រជាន់ខ្ពស់ (Master)  មានរយៈពេល ១ទៅ៣ឆ្នាំ។ កម្មវិធីសិក្សាសម្រាប់ ថ្នាក់បណ្ឌិត មានរយៈពេល៣ទៅ៤ឆ្នាំ។ មុខជំនាញត្រូវសិក្សាមាន ដូចជា សេដ្ឋកិច្ច និងហរិញ្ញវត្ថុ កសិកម្ម វិស្វកម្ម គណិតវិទ្យា និងស្ថិតិ ចុងក្រោយគឺ វិទ្យាសាស្ត្រ កុំព្យូទ័រ និងសន្តិសុខអុីនធឺណេត។

៣.អាហារូបករណ៍ ថ្នាក់បរិញ្ញាបត្រជាន់ខ្ពស់ ឯកទេសគ្រប់គ្រងបណ្ណាល័យ

អាហារូបករណ៍នេះ ជាអាហារូបករណ៍បន្តការសិក្សានៅក្រៅប្រទេស ក្រោមគម្រោង USESDP-II ឆ្នាំសិក្សា២០២២-២០២៣។ ក្រសួងអប់រំ យុវជន និងកីឡា បានប្រកាសជ្រើសរើស បុគ្គលិកអប់រំចំនួន០១រូប ដើម្បីផ្តល់អាហារូបករណ៍ទៅបន្តការសិក្សាថ្នាក់បរិញ្ញាបត្រជាន់ខ្ពស់ ឯកទេសគ្រប់គ្រងបណ្ណាល័យនៅបរទេស។ 

អាហារូបករណ៍នេះ គាំទ្រដោយគម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ សម្រាប់មកបម្រើការនៅបណ្ណាល័យនៃវិទ្យាស្ថានជាតិអប់រំ។ 

សម្រាប់បេក្ខជនដែលមានចំណាប់អារម្មណ៍ អាចទៅយកពាក្យស្នើសុំនៅ វិទ្យាស្ថានជាតិ អប់រំ។ ផុតកំណត់ទទួលពាក្យ ថ្ងៃទី៣០ ខែសីហា ឆ្នាំ២០២២ វេលាម៉ោង ១៦:០០នាទី៕ 

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ៣៣ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤៩ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា៣ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម