តោះ! មកស្គាល់ពីកំពូលមហាសេដ្ឋីទាំង ១០ លើពិភពលោកទាំងអស់គ្នា

បច្ចុប្បន្នមានមហាសេដ្ឋីជាច្រើន មកពីប្រទេសផ្សេងៗគ្នា ខណៈមហាសេដ្ឋីខ្លះ កំពុងសាងកេរ្តិ៍ឈ្មោះតាមរយៈស្នាដៃ ដែលបង្កើតថ្មីៗបង្ហាញពិភពលោក ។

កម្ពុជាថ្មី សូមបង្ហាញកំពូលមហាសេដ្ឋីទាំង ១០ ដែលមានទ្រព្យសម្បតិ្តច្រើនជាងគេក្នុងឆ្នាំ ២០២២ នេះ ។

១. Elon Musk ៖ រហ័សនាមមហាសេដ្ឋីគ្រាប់រ៉ុកកែត ចិត្តធំ ចង់នាំមនុស្សទៅរស់នៅភពអង្គាររបស់អាមេរិករូបនេះ មានជំនួញបច្ចេកវិទ្យាជាច្រើននៅក្នុងដៃ  និងជាមហាសេដ្ឋីមានទ្រព្យ ១៨៩ ពាន់លានដុល្លារ ច្រើនជាងគេរបស់ពិភពលោក ។

២. Bernard Arnault ៖ មហាសេដ្ឋីវ័យ ៧៣ ​ឆ្នាំបារាំងរូបនេះ ជាប់ឈ្មោះជាមហាសេដ្ឋីលំដាប់លេខ ២ ដែលមានទ្រព្យសម្បត្តិជាង ១៥៩ ពាន់លានដុល្លារ ។

៣. Gautam Adani ៖ ជាមហាសេដ្ឋីមានជាងគេក្នុងប្រទេសឥណ្ឌា ដែលរកស៊ីលើវិស័យឧស្សាហកម្ម មានទ្រព្យសម្បត្តិជាង ១៣៨ ពាន់លានដុល្លារ ។

៤. Jeff Bezos ៖ ជាមហាសេដ្ឋីបច្ចេកវិទ្យាដែលគេស្គាល់ច្បាស់ថា ជាម្ចាស់ក្រុមហ៊ុនយក្ស Amazon នៅអាមេរិក មានទ្រព្យសម្បត្តិជាង ១២២ ពាន់លានដុល្លារ ។

៥. Bill Gates ៖ បើ​មិនស្គាល់ Bill Gate ដូចជាបិទភ្នែកប្រើកម្មវិធី Microsoft អញ្ចឹង ។ ប៉ុន្តែមហាសេដ្ឋីអាមេរិករូបនេះ ស្ថិតនៅលេខរៀងទី ៥ ប៉ុណ្ណោះ ដែលមានទ្រព្យសម្បត្តិ ១១៣ ពាន់លានដុល្លារ ។

៦. Warren Buffett ៖ ជាមហាសេដ្ឋីអាមេរិក ដែលចូលចិត្តដាក់ទុនវិនិយោគលើវិស័យផ្សេងៗ ។ លោកមានទ្រព្យសម្បតិ្តចំនួន ១០៩ ពាន់លានដុល្លារ និងជាប្រធានក្រុមហ៊ុន Berkshire Hathaway ។

៧. Larry Ellison ៖ លោកជាប្រធានផ្នែកបច្ចេកវិទ្យា និងជាសហស្ថាបនិកនៃក្រុមហ៊ុន Software យក្ស Oracle របស់អាមេរិក ដែលមានទ្រព្យសម្បតិ្តជាង ៩៣.៣ ពាន់លានដុល្លារ ។

៨. Mukesh Ambani ៖ ជាមហាសេដ្ឋីឥណ្ឌា ដែលមានជំនួញទាក់ទងនឹងវិស័យថាមពល និងមានទ្រព្យសម្បត្តិចំនួន ៩១ ពាន់លានដុល្លារ ។

៩. Larry Page ៖ ជាមហាសេដ្ឋីអាមេរិកស្ថិតនៅក្នុងវិស័យបច្ចេកវិទ្យា ហើយមានទ្រព្យសម្បត្តិចំនួន ៩១ ពាន់លានដុល្លារ ។

១០. Sergey Brin ៖ មិនខុសពី Elon Musk និង​ Jeff Bezos ឡើយ ជាមហាសេដ្ឋីខាងបច្ចេកវិទ្យា ប៉ុន្តែអ្វីដែលខុសនោះគឺទ្រព្យសម្បត្តិ ។ លោកស្ថិតនៅក្នុងចំណោមមហាសេដ្ឋីអាមេរិក ដែលមានទ្រព្យសម្បត្តិ ៨៧.១ ពាន់លានដុល្លារ ៕

ប្រែសម្រួលដោយ ៖ នាង រតនៈ

ប្រភព ៖ Bloomberg

ចុចអាន ៖ លោក បៃដិន ជំពប់ជើង ពេលឡើងជណ្ដើរក្នុងកិច្ចប្រជុំ G20 នៅកោះបាលី