KPT+
បុគ្គលល្បីល្បាញ ៧ រូប បិទគណនីពី Twitter ក្រោយ Elon Musk ក្លាយជាមេធំ
តារាល្បីៗជាច្រើនកំពុងចាកចេញពីបណ្ដាញសង្គម Twitter បន្ទាប់ពី Elon Musk កាន់កាប់ និងប្រកាសតាំងពីកិច្ចព្រមព្រៀង ៤៤ ពាន់លានដុល្លារ ដើម្បីទិញវេទិកាប្រព័ន្ធផ្សព្វផ្សាយសង្គមមួយនេះ។
ក្នុងនោះមានឥស្សរជនសាធារណៈមួយចំនួន បានសម្តែងការព្រួយបារម្ភអំពីអ្វីដែលមហាសេដ្ឋីនឹងធ្វើជាមួយវេទិកានេះ រហូតឈានជើងចាកចេញពី Twitter ព្រមៗគ្នា។
១ Gigi Hadid
តារាបង្ហាញម៉ូដរូបនេះបានចូល Instagram ដើម្បីថ្កោលទោសចំពោះការណែនាំដែលនាងឃើញ Twitter ក្រោមការដឹកនាំរបស់ Elon Musk ដោយប្រកាសថា នាងនឹងបិទគណនីរបស់នាង។ Gigi Hadid បានសរសេរនៅក្នុង Instagram Story ថា “ខ្ញុំបានបិទគណនី Twitter របស់ខ្ញុំនៅថ្ងៃនេះ។ ជាពិសេសជាមួយនឹងភាពជាអ្នកដឹកនាំថ្មី វាកាន់តែមានការកើនឡើងនៃភាពស្អប់ខ្ពើម ហើយវាមិនមែនជាកន្លែងដែលខ្ញុំចង់ក្លាយជាផ្នែកមួយនោះទេ” ។
២ Amber Heard
ទោះបីជាតារាស្រីរូបនេះ មិនបានបង្ហាញពីហេតុផល ឬធ្វើការប្រកាសអំពីការចាកចេញពី Twitter ក៏ដោយ ក៏អ្នកប្រើប្រាស់បានកត់សម្គាល់ឃើញថាគណនីរបស់នាងត្រូវបានបិទដំណើរការកាលពីថ្ងៃទី០១ ខែវិច្ឆិកា។ វាមិនច្បាស់ទេថាហេតុអ្វីបានជា Heard សម្រេចចិត្តចាកចេញពី Twitter ។ នាងបានណាត់ជួបជាមួយ “Chief Twit” Musk ប្រហែលមួយឆ្នាំមុន ពេលទំនាក់ទំនងបានបញ្ចប់នៅឆ្នាំ ២០១៨។
៣ Erik Larsen
យោងតាមសារព័ត៌មាន NBC News លោក Larson ដែលជាអ្នកបង្កើតសៀវភៅរឿងកំប្លែងដែលល្បីបំផុតសម្រាប់រឿង The Amazing Spider-Man បានសរសេរនៅលើ Twitter កាលពីខែមេសាថា គាត់មិនមានគម្រោងនឹងនៅបន្តឡើយ ប្រសិនបើ Musk ទិញ Twitter នោះ។ គណនីរបស់លោក ត្រូវបានបិទដំណើរការនៅថ្ងៃទី ៣១ខែតុលា ហើយក្រោយមកបានបញ្ជាក់ពីការចាកចេញរបស់គា ត់នៅក្នុងអ៊ីមែលទៅកាន់ NBC News ។
៤ Mick Foley
នៅក្នុងការបង្ហោះទៅកាន់គណនី Facebook ផ្លូវការរបស់គាត់ អតីតអ្នកចំបាប់គាំទ្របានប្រកាសឈប់ពី Twitter។
Foley បានបន្តការបង្ហោះដោយប្រាប់អ្នកគាំទ្រដឹងថាគាត់នៅតែសកម្មនៅលើ Instagram និង Facebook ហើយលើកទឹកចិត្តពួកគេជានិច្ច។
៥ Jenny Slate
តួសម្តែង និងកំប្លែងដែលគេស្គាល់ថាជាអ្នកសំដែង Marcel The Shell With Shoes On និងសម្រាប់ខ្សែភាពយន្តដូចជា Obvious Child បានប្រកាសថានាងបានបិទគណនី Twitter របស់នាង និងបង្ហោះ លើ Instagram ដែលបានចែករំលែកកាលពីថ្ងៃទី ១២ ខែវិច្ឆិកាកន្លងទៅ។
៦ Brian Koppelman
Koppelman ដែលជាម្ចាស់កម្មវិធី Billions ក៏បានសម្រេចចិត្តបោះបង់វេទិកានេះផងដែរ។ គាត់បានប្រាប់អ្នកតាមដាន Twitter របស់គាត់ឲ្យតាមដានគាត់នៅលើ Instagram និង TikTok ជំនួសវិញ។
៧ Shonda Rhimes
The Grey’s Anatomy និងអ្នកបង្កើត Bridgerton បាននិយាយនៅថ្ងៃទី ២៩ ខែតុលាថា នាងកំពុងចាកចេញពីវេទិកានេះដូចគ្នា។ Rhimes បានសរសេរថា នាងមិនមានគម្រោងនៅបន្ត សម្រាប់អ្វីដែល Elon បានគ្រោងទុកឡើយ ខណៈនាងមានអ្នកតាមដានជិតពីរលាននាក់នៅលើវេទិកាដ៏ធំនេះដូចគ្នា៕
ប្រែសម្រួល៖ សាង ស្រីល័ក្ខ
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១៤ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន