KPT+

តិចនិកតូចៗ អាចធ្វើឲ្យកាហ្វេកាន់តែឈ្ងុយឆ្ងាញ់លើសដើម

បានផុស

៦ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

Sonya

កាហ្វេរសជាតិខ្លាំងអាចជំនួយការបង្កើនកម្លាំង តែវាក៏អាចធ្វើឱ្យអារម្មណ៍ធ្លាក់ចុះ បើសិនលើសកម្រិតគ្រឿងផ្សំណាមួយ។ ប៉ុន្តែសម្រាប់អ្នកចូលចិត្តរសល្វីងនេះ កាហ្វេនឹងជួយជំរុញអារម្មណ៍ព្រមទាំងថាមពលភ្លាមៗ។

ដូច្នេះ ដើម្បីធ្វើឱ្យកាហ្វេរកាន់តែឈ្ងុយឆ្ងាញ់ ក្នុងអត្ថបទនេះយើងនឹងចែករំលែកគន្លឹះយខ្លះៗសម្រាប់ coffee lover ទាំងឡាយ៖

១. ស្ករ Caramel លាយកាហ្វេ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ករអំពៅមួយក្ដាប់ដៃយកមកដុតលើចចង្ក្រានរួមជាមួយកាហ្វេខ្លះៗ ទុកវាឲ្យក្ដៅ ហើយបន្ទាប់មកបន្ថែមទឹកបន្តិច។ ស្ករអំពៅបង្កើតបានជាស្ករ Caramel ផ្ដល់ឱ្យកាហ្វេនូវរសជាតិនិងក្លិនឈ្ងុយឆ្ងាញ់។

២.កាហ្វេគ្មានកករ

តើធ្លាប់ចាប់អារម្មណ៍ឬអត់ក្រោយពេលពិសាកាហ្វេ តែងមានកំណកកករកាហ្វេតូចៗនៅក្នុងពែង? ដូច្នេះដើម្បីឲ្យពែងគ្មានកំណកកករ យើងបន្ថែមទឹកត្រជាក់បន្តិចជាមួយកាហ្វេ ហើយរង់ចាំរយៈពេល ២ នាទី។ សំណល់កាហ្វេនឹងធ្លាក់ទៅបាតពែង ហើយយើងមិនចាំបាច់ច្រោះកាហ្វេឡើយ។

៣. ប្រើដុំកាហ្វេដែលកក

ប្រសិនបើអ្នកជាមនុស្សចូលចិត្តកាហ្វេត្រជាក់ នេះជាគន្លឹះល្អ។ ការបន្ថែមដុំទឹកកកត្រជាក់ចូលក្នុងកាហ្វេ អាចបំផ្លាញរសជាតិដើម ដូច្នេះការប្រើដុំកាហ្វេអាចបន្ថែមរសជាតិ ជាជាងត្រូវប្រើទឹកកកសុទ្ធមកដាក់ចូលកាហ្វេតែម្ដង។

៤. បន្ថែមគ្រឿងទេសចូលក្នុងកាហ្វេ

ដើម្បីធ្វើឱ្យកាហ្វេមួយពែងមានរសជាតិ អ្នកក៏អាចបន្ថែមគ្រឿងទេសមួយចំនួនទៅបង្កើតបានជារូបមន្តរបស់ខ្លួន។ បន្ថែមចំណិតឈើអែមនៅក្នុងកែវកាហ្វេបន្តិច ជាការស្រេច។ ធ្វើបែបនេះមិនត្រឹមតែធ្វើឱ្យកាហ្វេមានរសជាតិឈ្ងុយឆ្ងាញ់ប៉ុណ្ណោះទេ ប៉ុន្តែថែមទាំងផ្ដល់ឱ្យនូវក្លិនក្រអូបនិងរសជាតិប្លែកៗទៀតផង។

៥. បន្ថែមអំបិលក្នុងកាហ្វេ

បន្ថែមអំបិល ២ ឬ ៣ គ្រាប់នៅក្នុងកាហ្វេអាចផ្តល់ឱ្យវានូវក្លិនឈ្ងុយឆ្ងាញ់ ហើយថែមទាំងជួយបន្ទន់ភាពល្វីងចត់ទៀតផង។

៦. ប្រើប្រដាប់ឆុងកាហ្វេ

ប្រសិនបើអ្នកចូលចិត្តកាហ្វេខ្លាំងដែលមានទាំងរសជាតិនិងគ្រីម អាចធ្វើតាមល្បិចដ៏សាមញ្ញនេះ។ យកប្រដាប់ឆុងកាហ្វេចេញពីចង្ក្រានភ្លាមៗ នៅពេលកាហ្វេចាប់ផ្ដើមឆ្អិន រួចស្រង់ពពុះចេញ ហើយចាប់ផ្ដើមលាយវាឱ្យល្អ បន្ទាប់មកដាក់កម្ដៅវិញ។

៧. កាហ្វេការ៉េម

ក្រៅពីឆុងកាហ្វេបែបភេសជ្ជៈ អ្នកក៏អាចប្រើវាធ្វើជាការ៉េមកាហ្វេបានផងដែរ។ ការ៉េមកាហ្វេ ឬនំកាហ្វេពិតជាធ្វើឱ្យអារម្មណ៍ស្រស់ស្រាយមួយបែបទៀត។

៨.រសជាតិល្វីងតែទន់ភ្លន់

សម្រាប់អ្នកឆុងកាហ្វេខ្លួនឯងក្នុងបរិមាណច្រើន បន្ថែមអំបិលមួយស្លាបព្រាកាហ្វេពេលវាកំពុងពុះ ដើម្បីបានកាហ្វេដែលមានរសជាតិទន់ៗ។

៩.ដើមឈើអែម

ការបន្ថែមគ្រាប់ឈើអែមនៅក្នុងកាហ្វេមិនត្រឹមតែជួយបង្កើនរសជាតិនិងក្លិនក្រអូបប៉ុណ្ណោះទេ ប៉ុន្តែសារធាតុរបស់ឈើអែមមានប្រយោជន៍ជាច្រើនដល់សុខភាពផងដែរ។