រូងភ្នំស្អាតដូចឋានសួគ៌ ៧ កន្លែងជុំវិញពិភពលោក ឃើញហើយចំហមាត់

កម្ពុជាជាប្រទេសដែនដីសុវណ្ណភូមិសម្បូររ៉ែនិងរមណីយដ្ឋានធម្មជាតិជាច្រើនជាកន្លែង ទាក់ទាញភ្ញៀវទេសចរមកកម្សាន្តក្នុងប្រទេស។ អ្នកដឹងទេថា ក្រៅពីស្រុកយើងនៅប្រទេសដទៃៗទៀតក៏មានកន្លែងស្អាតៗប្លែកៗ ដែលអ្នកគួរទៅឲ្យបានម្ដងក្នុងមួយជីវិតដែរដូចជា៖

១. រូងភ្នំ Reed Flute ប្រទេសចិន

រូងភ្នំនេះមានប្រវែង ២៤០ម៉ែត្រ អ្នកបុរាណវិទូបានរកឃើញសិលាចារឹកចំនួន ៧០ លើជញ្ជាំងនៃរូងភ្នំនេះនិយាយអំពីការធ្វើដំណើរ និងកំណាព្យពីរាជវង្សថាង មានន័យថាវាគឺជាកន្លែងទាក់ទាញដ៏ពេញនិយមតាំងពីបុរាណកាលមក។ 

២. រូងភ្នំ Tham Lod ប្រទេសថៃ

អ្នកបុរាណវិទូរកឃើញគ្រឿងសូនពីដីឥដ្ឋ និងឧបករណ៍ផ្សេងទៀតក្នុងរូងភ្នំនេះ មិនតែប៉ុណ្ណោះគំនូរបុរាណក៏ត្រូវបានរកឃើញនៅតាមជញ្ជាំងនៃរូងភ្នំផងដែរ។ ចំណែកឯជម្រៅរូងភ្នំវិញមានប្រវែង ១,៦ គីឡូម៉ែត្រ ដែលអាចមើលឃើញសត្វស្លាបច្រើនប្រភេទគួរជាទីគយគន់។

៣. រូងភ្នំ Marble ប្រទេសប៉ាតាហ្គោនី

វា​គឺ​ជា​កន្លែង​មាន​ថ្ម​ម៉ាប​ធំ​បំផុត​មួយ​ក្នុង​ពិភពលោក សកម្មភាពនៃរលករយៈពេលជាង ៦ពាន់ឆ្នាំទើបបង្កើតបានជាល្អាងថ្មកែវដ៏អស្ចារ្យនេះ។ 

៤. រូងភ្នំ Batu ប្រទេសម៉ាឡេស៊ី

ភ្នំថ្មកំបោរនេះមានរូងភ្នំ និងប្រាសាទល្អាងជាច្រើន ហើយពីមុនមកមានកុលសម្ព័ន្ធបុរាណមួយឈ្មោះ Temuan នៅពាសពេញរូងភ្នំនឹង។

៥. រូងភ្នំអំពិលអំពែកប្រទេសញូវសេឡង់

នៅក្នុងរូងភ្នំនោះសំបូរទៅដោយអំពិលអំពែក ធ្វើឲ្យទេសភាពស្អាតប្លែកជាងរូងភ្នំដទៃ។

៦. រូងភ្នំ Vatnajokull Glacier ប្រទេសអ៊ីស្លង់

វាបង្កើតឡើងដោយការរលាយនិងការបង្ហាប់នៃទឹកកកចំណាយពេលអស់រាប់លានឆ្នាំទម្រាំបានប៉ុណ្ណឹង។ ពពុះខ្យល់ និងគ្រីស្តាល់ទឹកកកជាហេតុផលធ្វើឲ្យទឹកថ្លាមានពណ៌ខៀវគួរឱ្យទាក់ទាញក្នុងរូងភ្នំ។

៧. រណ្ដៅ Naica ប្រទេសម៉ិចស៉ិក

រូងភ្នំនេះមានគ្រីស្តាល់សេលេនីតពីធម្មជាតិដ៏ធំបំផុតមិនធ្លាប់មាននៅក្នុងពិភពលោក។ គុហាគ្រីស្តាល់ដ៏ធំបំផុតនេះត្រូវគេរកឃើញកំឡុងពេលដំណើរការជីកយករ៉ែក្នុងឆ្នាំ២០០០ មានជម្រៅប្រហែល ១០០០ហ្វីតទៅខាងក្រោម។ ដោយឡែក គ្រីស្តាល់យក្សនៅក្នុងរូងភ្នំនេះមានសភាពទន់ជាងក្រចកដៃរបស់មនុស្សទៅទៀត៕

ប្រែសម្រួលដោយ៖ វារី

ចុចអាន៖ កំពូលទីក្រុងដ៏គ្រោះថ្នាក់បំផុតទាំង ១០ នៅលើពិភពលោក  

ចុចអាន៖ ទិសដៅទេសចរណ៍ស្រស់ស្រាយ ៨ កន្លែង ក្នុងទីក្រុងតូក្យូ