Connect with us

KPT+

កំពូលទីក្រុងដ៏គ្រោះថ្នាក់បំផុតទាំង ១០ នៅលើពិភពលោក  

បានផុស

នៅ

យោងតាមរបាយការណ៍របស់ក្រុមប្រឹក្សាប្រជាពលរដ្ឋសម្រាប់សន្តិសុខសាធារណៈនិងយុត្តិធម៌ព្រហ្មទណ្ឌ ខាងក្រោមនេះគឺជាបញ្ជីនៃទីក្រុងដែលមានអត្រាមនុស្សឃាតខ្ពស់បំផុតទូទាំងពិភពលោក៖

១. Tijuana ប្រទេសម៉ិចស៉ិក 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជនប្រមាណ ២,០៤៩,៤១៣ នាក់ 

អត្រាឃាតកម្ម៖ ១៣៨ នាក់ក្នុងចំណោមប្រជាជន ១០០,០០០ នាក់

មានមនុស្សប្រហែល៧នាក់ត្រូវគេសម្លាប់ជារៀងរាល់ថ្ងៃ។ ទីក្រុង​នេះ​ល្បីល្បាញ​ខាង​ភាពក្រីក្រនិង​ឧក្រិដ្ឋកម្ម​ហិង្សា​ដូចជា​ការ​រំលោភ​សេពសន្ថវៈ ឃាតកម្ម និង​ការ​ចាប់ជំរិត​ជាដើម។ ចំណែកឯមូលហេតុនៅពីក្រោយរឿងរ៉ាវទាំងអស់ភាគច្រើនបណ្ដាលមកពី ការជួញដូរមនុស្ស និងការចរាចរណ៍គ្រឿងញៀន។

២. Acapulco ប្រទេសម៉ិចស៉ិក

ប្រជាជនប្រមាណ ៧៧៩,៥៦៦ នាក់

អត្រាឃាតកម្ម៖ ១១១ នាក់ក្នុងចំណោមប្រជាជន ១០០,០០០ នាក់

ទីក្រុងធ្លាប់តែជាកន្លែងសម្រាប់ថតរឿងហូលីវូដ បែរជាផ្លាស់ប្ដូរដោយសារតែសង្គ្រាមគ្រឿងញៀននៅតាមផ្លូវ។ សង្កាត់​តាម​ចង្កេះ​ភ្នំ​របស់​វា​ជា​បន្ទាយ​ដ៏​រឹងមាំ​នៃ​ក្រុម​ក្មេង​ទំនើង​រួម​មាន​អ្នក​ចាប់​ជំរិត អ្នក​ធ្វើ​ឃាត អ្នក​ជំរិត​ទារ​ប្រាក់ ចោរ​លួចឡាននិង​ឃាតករ។ អំពើហឹង្សាដែលពិបាកគ្រប់គ្រងនេះបានបំផ្លិចបំផ្លាញឧស្សាហកម្មទេសចរណ៍មួយទំហឹង បើចង់ទៅលេងទីក្រុងនេះកុំភ្លេចពាក់អាវក្រោះផង។

៣. Caracas ប្រទេសវ៉េណេស៊ុយអេឡា

ប្រជាជនប្រមាណ ២,៦៨២,៨០១ នាក់

អត្រាឃាតកម្ម៖ ១០០ នាក់ក្នុងចំណោមប្រជាជន ១០០,០០០ នាក់

Caracas ត្រូវបានគេដាក់ឈ្មោះថាជាទីក្រុងដែលមានគ្រោះថ្នាក់បំផុតនៅលើពិភពលោកក្នុងឆ្នាំ២០១៧ វានៅតែស្ថិតក្នុងបញ្ជីនៃកន្លែងគ្រោះថ្នាក់បំផុតទាំងបីនៅលើពិភពលោក។ អំពើ​ហិង្សា​កំពុង​កើត​ឡើង​ដោយ​សារ​ភាព​ក្រីក្រ ​ច្បាប់ធូររលុង និង​សណ្ដាប់ធ្នាប់​មិន​ល្អ។

៤. Ciudad Victoria ប្រទេសម៉ិចស៉ិក

ប្រជាជនប្រមាណ ៣៤៩,៦៨៨ នាក់

អត្រាឃាតកម្ម៖ ៨៦ នាក់ក្នុងចំណោមប្រជាជន ១០០,០០០ នាក់

ឃាតកម្មទាំងនេះ គឺជាលទ្ធផលនៃការបាញ់ប្រហារគ្នារវាងក្រុមឧក្រិដ្ឋជននិងប៉ូលីសឬយោធានៅក្នុងទីក្រុង។ វាក៏កើតឡើងដោយសារតែការបាញ់ប្រហារគ្នារវាងក្រុមជួញដូរគ្រឿងញៀនដែលជាគូប្រជែង និងអំពើហិង្សានៅក្នុងពន្ធនាគារផងដែរ។

៥. Cuidad Juarez ប្រទេសម៉ិចស៉ិក 

ប្រជាជនប្រមាណ ១,៥១២,៤៥០ នាក់

អត្រាឃាតកម្ម៖ ៨៦ នាក់ក្នុងចំណោមប្រជាជន ១០០,០០០ នាក់

Cuidad Juarez ពោរពេញដោយការកម្សាន្តតន្ត្រីខ្លាំងៗ និងក្លឹបរាត្រី។ ទោះជាយ៉ាងណាក្តី វិស័យទេសចរណ៍របស់វាត្រូវបានបាត់បង់ទាំងស្រុងដោយសារអត្រាឧក្រិដ្ឋកម្មខ្ពស់។ វាជាទីក្រុងដ៏គ្រោះថ្នាក់បំផុតសម្រាប់មនុស្សស្រី អ្នកធ្វើដំណើរត្រូវមានការប្រុងប្រយ័ត្នខ្ពស់ក្នុងករណីមានចោរលួច ឆក់ ប្លន់ ចោរកម្ម និងឃាតកម្ម។ 

៦. Irapuato ប្រទេសម៉ិចស៉ិក

ប្រជាជនប្រមាណ ៨៦៦,៣៧០ នាក់

អត្រាឃាតកម្ម៖ ៨១ នាក់ក្នុងចំណោមប្រជាជន ១០០,០០០ នាក់

អំពើហឹង្សានេះកំពុងកើតឡើងដោយសារតែសង្គ្រាមវាលស្មៅរវាង Santa Rosa de Lima Cartel និង Jalisco Cartelជំនាន់ថ្មី។ មានវីដេអូជាច្រើនបង្ហាញពីរូបភាពនៃការបាញ់ប្រហារដ៏ធំនៅក្នុងគុក និងមនុស្សមានកាំភ្លើងនៅក្នុងដៃ ។ ប៉ូលីសក្នុងតំបន់បានទុកបញ្ហានេះចោលក្នុងដៃរបស់រដ្ឋាភិបាលសហព័ន្ធ ប៉ុន្តែ​រដ្ឋាភិបាល​សហព័ន្ធ​នៅ​តែ​មិន​​ដោះស្រាយរហូត​មក​ដល់​ពេល​នេះ។

៧. Ciudad Guayana ប្រទេសវ៉េណេស៊ុយអេឡា

SONY DSC

ប្រជាជនប្រមាណ ៧៥៨,៤៩០ នាក់

អត្រាឃាតកម្ម៖ ៧៨ នាក់ក្នុងចំណោមប្រជាជន ១០០,០០០ នាក់

ឃាតកម្មនិងឧក្រិដ្ឋកម្មហឹង្សាផ្សេងទៀតគឺជាកង្វល់ចម្បងមួយក្នុងប្រទេសវេណេហ្ស៊ុយអេឡា។ អ្នកទេសចរគួរតែប្រុងប្រយ័ត្នខ្ពស់នៅពេលដើរកម្សាន្តក្នុងទីក្រុង ព្រោះឧក្រិដ្ឋកម្មដូចជាការរំលោភ ឃាតកម្ម និងការបៀតបៀនផ្លូវភេទគឺសម្បូរណាស់។ 

៨. Natal ប្រទេសប្រេស៊ីល

ប្រជាជនប្រមាណ ១,៣៥៣,៧១៣ នាក់

អត្រាឃាតកម្ម៖ ៧៥ នាក់ក្នុងចំណោមប្រជាជន ១០០,០០០ នាក់

Natal គឺជាទីក្រុងកំពូលសម្រាប់ឧក្រិដ្ឋកម្មទាំងអស់មានការរំលោភលើរាងកាយផ្លូវភេទ ចោរកម្ម និងការលួចរថយន្តជាដើម។ ភាពក្រីក្រ និងអំពើហឹង្សារវាងក្រុមក្មេងទំនើង និងអ្នកទោស គឺជាមូលហេតុចម្បងនៅពីក្រោយអត្រាឧក្រិដ្ឋកម្មខ្ពស់នេះ។

៩. Fortaleza ប្រទេសប្រេស៊ីល

ប្រជាជនប្រមាណ ៣,៩៩៩,៩៣០ នាក់

អត្រាឃាតកម្ម៖ ៦៩ នាក់ក្នុងចំណោមប្រជាជន ១០០,០០០ នាក់

នៅក្បែរនោះគឺជាកន្លែងទាក់ទាញទេសចរណ៍ដ៏ពេញនិយមដូចជាឧទ្យានជាតិ Lencois Maranhenses និងឆ្នេរ Jericoacoara ។ ជាអកុសល ឧក្រិដ្ឋកម្មហឹង្សាធ្វើការគ្របដណ្ដប់លើភាពស្រស់ស្អាតរបស់វាជិតអស់ទៅហើយ។

១០. Ciudad Bolivar ប្រទេសវ៉េណេស៊ុយអេឡា

ប្រជាជនប្រមាណ ៣៧០,៦២៧ នាក់

អត្រាឃាតកម្ម៖ ៦៩ នាក់ក្នុងចំណោមប្រជាជន ១០០,០០០ នាក់

វា​ជា​តំបន់​អនាធិបតេយ្យ​ដ៏​ធំ​បំផុត​មួយ​ក្នុងពិភពលោក។ មូលហេតុចម្បងនៃអំពើហិង្សាគឺក្រុមក្មេងទំនើងសកម្ម ស្ថានភាពច្បាប់ និងសណ្តាប់ធ្នាប់មិនល្អ ក៏ដូចជាប្រព័ន្ធតុលាការក្រីក្រ។

មិនថានៅទីណានោះទេ អំពើល្អនិងអំពើអាក្រក់តែងរស់នៅជាមួយគ្នាគ្រប់ទីកន្លែងមានន័យថាប្រទេសខាងលើមិនមែនមិនល្អទាំងស្រុង ឬប្រទេសដទៃមានសុវត្ថិភាព១០០ភាគរយឡើង ដូច្នេះយើងគួរចេះប្រយ័ត្នប្រយែងដោយខ្លួនឯងគ្រប់ទីកន្លែងគ្រប់ពេលវេលា៕

ប្រែសម្រួលដោយ៖ វារី

ចុចអាន៖ កីឡា ១០ ប្រភេទ ល្បីថាគ្រោះថ្នាក់បំផុតលើពិភពលោក

ចុចអាន៖ កន្លែងទេសចរណ៍ ១០ កន្លែងលើពិភពលោក ល្បីព្រឺព្រួច និងរន្ធត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៤ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៥២ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ១ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ១ ម៉ោង មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ២ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម