វិធី ៦ យ៉ាងដេញជីងចក់នៅក្នុងផ្ទះដោយមិនបាច់ហត់

ជីងចក់ជាសត្វមិនបង្កគ្រោះថ្នាក់ទេ ប៉ុន្តែវាបង្កសម្លេងរំខាន និងបញ្ចេញលាមកធ្វើឲ្យប្រឡាក់ផ្ទះដ៏ស្រស់ស្អាតរបស់យើង ។ យ៉ាងក្ដីអ្នកមិនគួរសម្លាប់ជីងចក់ទេ យើងអាចងាកមកបណ្ដេញជីងចក់តាមវិធីទាំង ៦ ខាងក្រោមនេះវិញ ៖

១. ដាក់ខ្ទឹមបារាំង ឬ ខ្ទឹមសនៅតាមកន្លែងវាពួន

ក្លិនរបស់ខ្ទឹមជួយបណ្ដេញជីងចក់ និងសត្វមួយចំនួនចេញពីផ្ទះរបស់អ្នកដោយសុវត្ថិភាព ។ បើអ្នកប្រើថ្នាំពុល ក្លិនសាកសពសត្វនឹងរំខានអ្នកមួយតង់ទៀត ។

២. សម្ងួតកន្លែងសើម

ជូតសម្អាតតាមកន្លែងដក់ទឹកដូចជា ចង្ក្រានបាយ បន្ទប់ទឹក កន្លែងបោកខោអាវ និងកន្លៀតចង្អៀតផ្សេងៗ ។ ទឹកក្នុងបន្ទប់ទឹកគួរមានគម្របផងដែរដើម្បីលុបបំបាត់ប្រភពទឹកសម្រាប់ជីងចក់ ។

៣. ប្រើគ្រាប់ថ្នាំបណ្ដេញសត្វល្អិត

សម្រាប់សត្វល្អិតអាចធ្វើឲ្យស្លាប់ ប៉ុន្តែជីងចក់ធម្មតាគ្រាន់តែរត់ចេញប៉ុណ្ណោះ។ គ្មានសត្វណាអាចទ្រាំទ្រនឹងក្លិនដែលចេញពីគ្រាប់ថ្នាំនេះបានទេ ។ 

៤. ប្រើសំបកស៊ុត

ជីងចក់ស្អប់បំផុតក្លិនដែលភាយចេញពីសំបកស៊ុត ណាមួយសំបកស៊ុតមិនប៉ះពាល់សុខភាពមនុស្សសត្វក្នុងផ្ទះទេ ។ ជាពិសេសងាយស្រួលរកទៀតផង មានក្នុងផ្ទះស្រាប់ ។

៥. ស្ព្រៃយ៍ម្រេច

អ្នកអាចធ្វើទឹកបាញ់ម្រេចនៅផ្ទះបានដោយគ្រាន់តែកិនម្រេចឲ្យទៅជាម្សៅ រួមដាក់លាយជាមួយទឹកទុកបាញ់ជាការស្រេច ។ ទឹកម្រេចមិនសម្លាប់ជីងចក់ទេ តែបង្កឲ្យជីងចក់ក្រហាយខ្លួនហើយរត់ចេញពីទីនោះជារៀងរហូត ។

៦. កុំទុកអាហារនៅសល់ក្នុងផ្ទះ

ក្លិនអាហារទាក់ទាញសត្វល្អិត កណ្ដុរ និងជីងចក់ណាស់។ កាកសំណល់អាហារជា ជំនួយសម្រាប់ជីងចក់បន្តពូជបង្កើតកូនចៅនៅក្នុងផ្ទះជាបន្តបន្ទាប់មិនឈប់ឈរ ៕

ប្រែសម្រួលដោយ ៖ វារី

ចុចអាន ៖ ពូជ​ជីងចក់ ៣ ប្រភេទ ត្រូវ​បាន​ដាក់​បញ្ចូល​ក្នុង​​ប្រភេទ​សត្វព្រៃ​មាន​ដោយ​បង្គួរ

ចុចអាន ៖ យល់សុបិនឃើញ ជីងចក់ តាមជំនឿ គឺទាក់ទងនឹងការងារបច្ចុប្បន្ននេះ