ការបំពុលបរិយាកាស អាចជាមូលហេតុនៃការធ្លាក់ចុះចំនួនសត្វល្អិតលើលោក

អ្នកស្រាវជ្រាវមកពីសាកលវិទ្យាល័យ Melbourne សាកលវិទ្យាល័យ Beijing Forestry និងសាកលវិទ្យាល័យ California Davis បានរាយការណ៍ថា សមត្ថភាពរបស់សត្វល្អិតក្នុងការស្វែងរកអាហារ និងបន្តពូជកំពុងអន់ថយ ព្រោះប្រមោយ របស់ពួកវាត្រូវបានបំពុលដោយភាគល្អិតពីឧស្សាហកម្ម ការដឹកជញ្ជូន ភ្លើងឆេះព្រៃ និងប្រភពខ្យល់ពុលផ្សេងទៀតជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធបញ្ហានេះ លោកសាស្ត្រាចារ្យ Mark Elgar បាននិយាយថា “ការសិក្សាកំពុងជូនដំណឹងដល់មនុស្សអំពីហានិភ័យដែលអាចកើតមានចំពោះសត្វល្អិត ។ ភាគល្អិតនៃជាតិពុលអាចប៉ះពាល់សុខភាពភាវរស់ បូករួមទាំងសត្វល្អិតផងដែរ” ។

លោក Elgar បញ្ជាក់ទៀតថា “ដោយសារតែសត្វល្អិតដើរតួយ៉ាងសំខាន់ក្នុងការក្រេបលម្អងរុក្ខជាតិ បំប្លែងសាកសពភាវរស់ និងកែច្នៃសារធាតុចិញ្ចឹមឡើងវិញ ដូច្នេះបើប្រមោយរបស់សត្វល្អិតត្រូវបានស្ទះដោយភាគល្អិតនៃការបំពុល វានឹងពិបាកហិតក្លិនអាហារ បន្តពូជ ឬរកកន្លែងដាក់ពង ដែលបណ្ដាលឲ្យចំនួនសត្វធ្លាក់ចុះ” ។

មិនតែប៉ុណ្ណោះប្រហែល ៤០ ភាគរយនៃផ្ទៃដីរបស់ផែនដីត្រូវបានគ្របដណ្ដប់ដោយជាតិពុលបរិយាកាស ហើយភាគល្អិតទាំងនោះអាចធ្វើដំណើរតាមចរន្តខ្យល់រាប់ពាន់គីឡូម៉ែត្រឯណោះ ទើបប៉ះពាល់យ៉ាងធ្ងន់ធ្ងរទៅលើសត្វល្អិតជាច្រើនប្រភេទបែបនេះ ៕

ប្រែសម្រួល៖ វារី

ប្រភព៖ sciencedaily

ចុចអាន៖ កម្រិតខ្យល់ពុលធ្ងន់ធ្ងរនៅ ឈៀងម៉ៃ បណ្តាលឲ្យមនុស្សជាង ១ម៉ឺននាក់ ត្រូវបញ្ជូនទៅមន្ទីរពេទ្យ