មកដឹងអំពីវិធីសាស្ត្រថែរក្សារាង ដោយញ៉ាំតេនញ៉ារបស់ស្ត្រីសម័យ វិចតូរៀ

សម័យវិចតូរៀពីឆ្នាំ១៨៣០ ដល់ឆ្នាំ១៩០០ គឺជាសម័យកាលមួយពោរពេញទៅដោយគំនិតចម្លែកៗក្នុងការថែរក្សាសម្រស់ ក្នុងនោះមានវិធីសាស្ត្រមួយដែលយើងលើកយកមកនិយាយគឺ “ប្រើប្រាស់តេនញ៉ាមករក្សារាង” ស្ដាប់ទៅគួរឲ្យញញើត មិនដូចវិធីសម្រករាងសម័យទំនើបនោះទេ។

ការប្រើប្រាស់តេនញ៉ាមកសម្រករាងគឺងាយស្រួលនិងមានប្រសិទ្ធិភាពពិតប្រាកដ ស្រីៗគ្រាន់តែលេបថ្នាំមួយគ្រាប់ដែលផ្ទុកពងតេនញ៉ាជាការស្រេច។ បន្ទាប់ពីនោះមកពួកគេអាចបរិភោគអាហារតាមចិត្តចង់ដោយមិនចាំបាច់ភ័យពីការឡើងទម្ងន់ឡើយ ព្រោះស្រីៗនៅជំនាន់នោះជឿថា “សម្រស់បានមកដោយលំបាក ជាពិសេសត្រូវថែរាងឲ្យស្អាតដើម្បីរកប្ដី”។ ជាក់ស្ដែងផលលំបាកមានជាហូរហែបណ្ដាលមកពីតេនញ៉ាដូចជា៖ អស់កម្លាំង ល្ហិតល្ហៃ ខ្វះជីវជាតិ ឈឺពោះ ចង់ក្អួត និងរាគជាដើម។ ក្រោយពីទទួលរាងស្អាតតាមបំណងហើយ ស្រីៗត្រូវយកតេនញ៉ាចេញពីរាងកាយដោយប្រើថ្នាំបញ្ចុះ ឬឧបករណ៍ពិសេសៗក្នុងចំណោមវិធីសាស្ត្រទាំងនោះមានវិធីសាស្ត្រមួយជារបស់លោកគ្រូពេទ្យ Meyers គឺទាក់ទាញតេនញ៉ាតាមមាត់ ប៉ុន្តែអ្នកជំងឺមិនតិចទេដែលខក់រហូតដល់ស្លាប់។

ដោយសារការព្រួយបារម្ភពីសុខភាពសាធារណៈ រដ្ឋបាលចំណីអាហារនិងឱសថបានដាក់បម្រាមហាមប្រើប្រាស់ទៅលើថ្នាំពងតេនញ៉ាជាផ្លូវការហើយ។ យ៉ាងណាមិញ វិធីសាស្ត្រដ៏គគ្រិចនេះនៅតែមានអ្នកប្រើប្រាស់មកទល់បច្ចុប្បន្នជាសម្ងាត់៕

ប្រែសម្រួលដោយ៖ វារី

ចុចអាន៖ កំពូលសត្វល្អិតបង្កគ្រោះថ្នាក់ដល់ជីវិតមនុស្សទាំង ១០ គួរប្រុងប្រយ័ត្ន

ចុចអាន៖ ទោះពពួកសត្វល្អិតសំបូរទៅដោយប្រូតេអ៉ីន តែក្រុមអ្នកជំងឺទាំងនេះត្រូវប្រុងប្រយ័ត្នក្នុងការហូប