ក្នុងរយៈពេលមួយសប្ដាហ៍ សៀវភៅព្រះអង្គម្ចាស់ Harry លក់ចេញជាង ៣ លានក្បាល 

សៀវភៅ “Spare” សរសេរពីជីវិតរបស់ព្រះអង្គម្ចាស់ Harry លក់ដាច់ជាង ៣.២លានក្បាល ក្នុងរយៈពេលត្រឹមតែមួយសប្ដាហ៍ប៉ុណ្ណោះ ទំនងជាសៀវភៅជីវិតលក់ដាច់ជាងគេទៀតផង ។

ក្រុមហ៊ុន Penguin Random House ធ្វើការប្រកាសកាលនៅថ្ងៃព្រហស្បតិ៍នេះថា សៀវភៅព្រះអង្គម្ចាស់ Harry គ្រាន់តែគិតក្នុងទីផ្សារសហរដ្ឋអាមេរិកលក់ដាច់ ១.៦លានក្បាលទៅហើយ ។ ចំណែកឯនៅចក្រភពអង់គ្លេសវិញលក់ដាច់ខ្ទង់ ៤សែនក្បាលឯណោះក្នុងថ្ងៃដំបូងនៃការដាក់លក់។

ខណៈសៀវភៅ “Spare” បានចេញលក់ជា ១៥ភាសា គេរំពឹងដែរថានឹងចេញថែម ១០ភាសាទៀតដើម្បីបំពេញតម្រូវការពិភពលោក ។ ទោះបីជា Spare អាចជាប់កំណត់ត្រាពីការសរសេររឿងពិតមិនប្រឌិតទាំងស្រុងយ៉ាងណា នៅតែមិនអាចយកឈ្នះសៀវភៅ Harry Potter វគ្គបញ្ចប់ ដែលលក់ដាក់ជាង ១០លានក្បាលក្នុងរយៈពេល ២៤ម៉ោង កាលពីឆ្នាំ២០០៧ ឡើយ ។

ព្រះអង្គម្ចាស់ Harry បានធ្វើការលើសៀវភៅរបស់ទ្រង់ជាមួយនឹងអ្នកនិពន្ធប្រលោមលោកជនជាតិអាមេរិកលោក J.R. Moehringer ដែលមានបទពិសោធន៍ជួយសរសេររឿង “Open” ដ៏ល្បីល្បាញរបស់ Andre Agassi និងជាអ្នកនិពន្ធរឿង “The Tender Bar” ផងដែរទើបល្អឥតខ្ចោះដូចនេះ៕

ប្រែសម្រួលដោយ ៖ វារី

ចុចអាន ៖ វិន័យ ៥ យ៉ាង តម្រូវឲ្យព្រះអង្គម្ចាស់ William ធ្វើតាម ប៉ុន្តែព្រះអនុជ Harry មិនធ្វើក៏បាន

ចុចអាន ៖ ទើបតែដឹងថាព្រះអង្គម្ចាស់ Harry ហិតទឹកអប់ព្រះមាតា ដើម្បីបំបាត់ចិត្តនឹករលឹក