ខ្លា Lynx នៅបារាំង នឹងដាច់ពូជក្នុងរយៈពេល ៣០ ឆ្នាំ បើនៅតែមិនចាត់វិធានការអភិរក្ស

ប្រទេសបារាំងជាផ្ទះនៃសត្វខ្លា Lynx ប្រហែល ១២០ ទៅ ១៥០ ក្បាល ដោយសារភាពចម្រុះហ្សែនរបស់ខ្លាទាប ដូច្នេះពួកវានឹងផុតពូជក្នុងរយៈពេល ៣០ ឆ្នាំបើនៅតែគ្មានការចាត់វិធានការ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រវត្តិសាស្ត្រ ខ្លា Lynx ត្រូវគេរកឃើញនៅពាសពេញអឺរ៉ាស៊ី ប៉ុន្តែការបាត់បង់ទីជម្រក ការបរបាញ់ ការបង្កាត់ពូជ និងគ្រោះថ្នាក់ចរាចរណ៍ ធ្វើឲ្យវារងការគំរាមកំហែងយ៉ាងធ្ងន់ធ្ងរនៅគ្រប់ទីកន្លែង ។

កាលពីសតវត្សទី ១៨ ខ្លា Lynx ធ្លាប់ដាច់ពូជពីប្រទេសបារាំងម្ដងហើយ ក្រោយមកសត្វខ្លា Lynx អឺរ៉ាស៊ីមួយចំនួនបានឆ្លងកាត់ព្រំដែនចូលទៅនៅលើភ្នំ Jura ដែនដីប្រទេសបារាំងម្ដងទៀតដោយសារគម្រោងការឆ្នាំ ១៩៧០ យ៉ាងណាមិញ ចំនួនខ្លានៅតែគ្មានស្ថិរភាពដដែល ។

យោងតាមអង្គការ WWF បានឲ្យដឹងថា ការបរបាញ់និងការបាត់បង់ទីជម្រកគឺជាគ្រោះថ្នាក់ចម្បងពីរកំពុងគំរាមកំហែងយ៉ាងធ្ងន់ធ្ងរ ទោះបីជាមានការហាមឃាត់យ៉ាងណាក៏ដោយ ចំណែកឯភាពចម្រុះហ្សែនទាបខ្លាំងក៏គ្រោះថ្នាក់ដូចគ្នាព្រោះការបង្កាត់ពូជជាមួយសាច់ញាតិរបស់វាកាន់តែច្រើនធ្វើឲ្យសុខភាពសត្វខ្សោយ សម្បូរជំងឺ និងពិបាកសម្របខ្លួនរស់នៅបរិស្ថានខុសប្លែក ៕

ប្រែសម្រួល ៖ វារី

ចុចអាន ៖ សត្វ ៥ ប្រភេទ ផុតពូជពីផែនដីគ្មានសល់