KPT+
អត្ថប្រយោជន៍ដ៏គួរឱ្យភ្ញាក់ផ្អើល ៦ យ៉ាង នៃសាប៊ូដុំទឹកដោះពពែ
ការប្រើប្រាស់ទឹកដោះពពែក្នុងគ្រឿងសម្អាងមានអាយុកាលរាប់ពាន់ឆ្នាំមកហើយ សាប៊ូទឹកដោះពពែមានទាំងជាតិខ្លាញ់ឆ្អែតនិងខ្លាញ់មិនឆ្អែតធ្វើឲ្យវាមានលក្ខណៈស្រទន់សម្រាប់បំប៉នស្បែក ។ ខាងក្រោមនេះជាអត្ថប្រយោជន៍ ៦ យ៉ាងរបស់សាប៊ូទឹកដោះពពែ៖
១. លាងសម្អាតស្រាលៗ
សាប៊ូទឹកដោះពពែមានបរិមាណខ្លាញ់ច្រើន ជាពិសេសអាស៊ីត caprylic ដែលអនុញ្ញាតឱ្យសម្អាតភាពកខ្វក់ និងកម្ទេចកំទីថ្នមៗដោយមិនយកអាស៊ីដខ្លាញ់ធម្មជាតិចេញពីស្បែក ។
២. សម្បូរទៅដោយសារធាតុចិញ្ចឹម
ទឹកដោះពពែសម្បូរទៅដោយអាស៊ីដខ្លាញ់ និងកូលេស្តេរ៉ុលដែលបង្កើតបានជាផ្នែកធំនៃភ្នាសស្បែក។ លើសពីនេះវាជាប្រភពដ៏ល្អនៃវីតាមីន A ដែលជាវីតាមីនរលាយជាតិខ្លាញ់មានលក្ខណៈសម្បត្តិប្រឆាំងនឹងភាពចាស់ វាក៏ជាប្រភពនៃសារជាតិ សេលេញ៉ូម ដែលជាសារធាតុរ៉ែជួយដល់ភ្នាសស្បែកឲ្យមានសុខភាពល្អផងដែរ ។
៣. ជួយផ្ដល់សំណើម
ជាធម្មតារបាំងខ្លាញ់នៃស្បែករបស់អ្នកជួយទប់ជាតិសំណើម នោះជាមូលហេតុដែលកម្រិតជាតិខ្លាញ់ទាបអាចនាំឱ្យស្ងួត រលាក និងតឹង ។ កម្រិតកូលេស្តេរ៉ុល និងអាស៊ីដខ្លាញ់ខ្ពស់ក្នុងសាប៊ូទឹកដោះពពែ អាចជំនួសជាតិខ្លាញ់ដែលបាត់បង់ និងរក្សាជាតិទឹកបានល្អប្រសើរ ។
៤. ជម្រុះកោសិកាចាស់ៗបែបធម្មជាតិ
សាប៊ូទឹកដោះពពែមានអាស៊ីដ Alpha-hydroxy (AHAs) ត្រូវបានគេប្រើប្រាស់ដើម្បីព្យាបាលបញ្ហាស្បែកជាច្រើនប្រភេទដូចជា ស្លាកស្នាម និងស្នាមអុជខ្មៅ ដោយសារសមត្ថភាពធម្មជាតិរបស់វាក្នុងការជម្រុះកោសិកាចេញ ។
៥. ទ្រទ្រង់ microbiome ស្បែក
សាប៊ូនេះអាចលាងសម្អាតជាតិកខ្វក់ដោយស្រទន់ដោយមិនកម្ចាត់ជាតិខ្លាញ់ធម្មជាតិ ឬបាក់តេរីល្អពីស្បែកអ្នកឡើយ ហើយវាមានឥទ្ធិពលប្រឆាំងនឹងការរលាកស្បែកទៀតផង ។
៦. ការពារការឡើងមុន
អាស៊ីដឡាក់ទិកក្នុងសាប៊ូជម្រុះកោសិកាងាប់ដោយថ្នមៗ ជួយការពារការកើតមុនដោយជម្រះភាពកខ្វក់ ប្រេង និងខ្លាញ់លើសពីរន្ធញើស ។
សាប៊ូទឹកដោះពពែភាគច្រើនផលិតដោយដៃ ដោយសារតែការកើនឡើងនៃប្រជាប្រិយភាពរបស់វាយើងអាចរកបាននៅតាមហាងលក់តូចៗ និងតាមអ៊ីនធឺណិតជាដើម ៕
ប្រែសម្រួល ៖ វារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ