ពិចារណា៖ ពេលដឹងថា ប្ដីឬប្រពន្ធមិនស្មោះត្រង់ គួរទ្រាំ​នៅបន្តទៀតដែរ?

អ្វីខ្លះទៅរាប់ថា ជា​ភាពមិនស្មោះត្រង់?

ការសង្ស័យអំពីភក្តីភាពគឺជា​អពមង្គល តែ​ដឹងថាគ្មាន​ភក្តីភាព​ហើយ​នៅបង្ខំ​ទាញគេនៅជាមួយយើង គឺជានរក។អសន្តិសុខភាពផ្លូវចិត្ត ថប់បារម្ភ ការភ័យខ្លាចការលែងលះ ការគេងមិនលក់ ការធ្លាក់ទឹកចិត្តមើលងាយខ្លួនឯង លែងស្រស់ស្រាយសាទរនឹងជីវិត ឬបំផ្លាញខ្លួនឯង​ចំអកព្រហ្មលិខិត គឺអាចចូលទៅកាន់កាប់គំនិតយើងគ្រប់ពេលបាន កែប្រែយើង​ពីមុនក្លាយមកជាអ្នកផ្សេង ប្រសិន​យើងមិនរួសរាន់ដោះស្រាយ។

ពេលមាន​បញ្ហា​ភ្លាម​អ្នក​ចាប់ផ្តើមប៉ាន់ស្មាន តើខ្ញុំបានធ្វើអ្វីខុស​បានជា​គេទៅ​? តើខ្ញុំស្រឡាញ់គេមិនគ្រប់គ្រាន់ទេ? តើខ្ញុំមិនបានញញឹមធ្វើល្អដាក់គេទេ? តើខ្ញុំនឹងអាចទុកចិត្តគេម្តងទៀតដែរទេ? តើទំនាក់ទំនងរបស់យើងអាច​នឹងនៅដដែលទេ? តើមនុស្សម្នាក់ទៀតមានអ្វីលើសខ្ញុំទៅ?

រស់ជាមួយ​សំណួរទំាង​នេះសុខភាពកាយចិត្ត​របស់អ្នកអាចរងទុក្ខ ហើយការបំពេញការងារអាជីព​នឹងថយក្រោយ។ ប៉ុន្តែ​មុននឹង​ធ្វើការ​សម្រេចចិត្ត​អ្វី​មួយ​សូមប្រាកដ​ថាអ្នកនឹងមិនស្តាយក្រោយ។

១ សញ្ញានៃប្តីឬ​ប្រពន្ធដែលកំពុង​ផិតក្បត់

ដៃគូ ឬប្តី / ប្រពន្ធរបស់អ្នកនៅឆ្ងាយពីការចាប់អារម្មណ៍ចំពោះ​គ្រួសារ ដែល​ពិបាក​នឹង​អាចពន្យល់បាន។

គេអាច​បង្ហាញ ការ​ធុញទ្រាន់ឬខ្វះចំណាប់អារម្មណ៍ក្នុងទំនាក់ទំនងភេទ ឬមកក្លិនផ្ទះជាមួយ​ក្លិនក្រអូបដែលមិនធ្លាប់ស្គាល់ តុបតែង​ជាងពីមុន។ល។

គេ​ចាប់ផ្តើមចេះ​និយាយខ្លាំងឡើងៗ ចំពោះអ្នកឬនិយាយមិនសមរម្យមិនយោគយល់។ ពេលខ្លះនេះគ្រាន់តែជាលេសឈ្លោះ ដើម្បីបានខឹងគ្នា​នឹងអាល​ចេញពីផ្ទះ។ គេផ្តោតអារម្មណ៍លើការសម្រកទម្ងន់ឬយកចិត្តទុកដាក់ចំពោះសម្រស់ខ្លាំង

លែងចាប់អារម្មណ៍នឹងការរួមភេទទៀត ដោយធ្វើលេសឈឺ ស្ត្រេស។ល។ ក៏អាចសម្គាល់មើល សកម្មភាពផ្លូវភេទខុសប្រក្រតីផ្សេងទៀតដែលមិនធ្លាប់ធ្វើពីមុនមក (ដែលពួកគេប្រហែលជាបានរៀនពីអ្នកថ្មី)។

ពេលខ្លះ គេ​ហាក់ដូចជាស្ទាក់ស្ទើរក្នុងការថើបអ្នកឬបង្ហាញសេចក្តីស្រឡាញ់ចំពោះអ្នកនៅមុខមនុស្សម្នា។

គេរិះគន់មិនពេញចិត្ត​រាល់ពេល​ដែលអ្នកបង្ហាញការយកចិត្តទុកដាក់ស្និទ្ធស្នាលម្តងៗ​។

មិនតែប៉ុណ្ណោះ គេ​ធ្វើការច្រើនម៉ោង ញឹកញាប់ជាងមុន…និងរារាំងអ្នកមិនឱ្យសួរនាំ​មិនថា ប្រាក់ឈ្នួល / បៀវត្សរ៍ឈាន​ដល់មិនតបសារឬទូរសព្ទ នៅពេលអ្នកព្យាយាមហៅគាត់នៅកន្លែងធ្វើការ។

ចំណាយពេលធ្វើដំណើរកាន់តែច្រើនសម្រាប់ហេតុផលអាជីវកម្ម ហើយបដិសេធមិនអនុញ្ញាតឱ្យអ្នកទៅជាមួយ។ល។

ទោះបីថាទំាងនេះជាសញ្ញ​នៃអំពើផិតក្បត់តែ អ្នកអាចសម្រេចចិត្ត​បានតែល្គឹកណាដែលអ្នកតាម​គេទាន់ជាក់ស្តែង​នឹងភ្នែក​តែប៉ុណ្ណោះ។

សញ្ញានេះនាំទៅដល់ការ​តា​មសម្រេចចិត្តថា​តើគួរតាមដានដែរឬអត់់?ហើយ​ធ្វើយ៉ាងណាពេលឃើញ​ការពិត​នឹងភ្នែក?

ចម្លើយ៖ ចូរ​ក្លាហាន​រៀន​ធ្វើការសម្រេចចិត្តដោយផ្អែកលើការពិត ប្រសិនបើប្តីឬប្រពន្ធរបស់អ្នកពិតជាកំពុងបោកប្រាស់អ្នក ការសម្រេចចិត្តសំខាន់ៗមួយចំនួនអំពីអនាគតរបស់អ្នកងអនាគតកូនៗរបស់អ្នកត្រូវគូសវាសដោយភ្លឺស្វាង។ ដូច្នេះជំហានដំបូងគឺកំណត់ភាពមិនលម្អៀងនិងសេចក្តីពិតជាឧបករណ៍ចាំបាច់ដើម្បីទទួលបានភ័ស្តុតាងដែលអ្នកនឹងត្រូវការក្នុងករណីចង់ឈ្នះក្តី​នៅតុលាការ៕

ប្រែសម្រួល៖ ស្រស់

ចុចអាន៖ មកស្គាល់ចំណុច​អវិជ្ជមាននៅផ្ទះ​ ​ដែលនាំឱ្យ​ប្តីឬប្រពន្ធ​ងាកទៅ​រកក្រៅ

ចុចអាន៖ ប្រសិនអ្នកកំពុង​លួចស្រលាញ់នារីណាម្នាក់ អានកុំខាន!