ចំនុចសំខាន់ៗ របស់យានជ្រមុជទឹកល្បីថា បាត់ខ្លួនពេលចុះទៅទស្សនាកប៉ាល់ខ្មោច Titanic

យានជ្រមុជទឹកខ្នាតតូចរបស់ក្រុមហ៊ុន OceanGate បានបាត់បង់ការទាក់ទងជាមួយឆ្មាំសមុទ្រអាមេរិក ប្រហែល ១ ម៉ោង និង ៤៥នាទី បន្ទាប់ពីវាចេញទៅធ្វើដំណើរកម្សាន្តទស្សនាកប៉ាល់ខ្មោច Titanic ។

ឆ្មាំសមុទ្រអាមេរិកបានប្រាប់ BBC ថា ប្រតិបត្តិការស្វែងរក និងជួយសង្គ្រោះកំពុងធ្វើឡើងនៅមហាសមុទ្រអាត្លង់ទិកខាងជើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះគឺជាព័ត៌មានលម្អិតអំពីយានជ្រមុជទឹកដែលបាត់ខ្លួន៖

_ ឈ្មោះ: Titan

_ ម្ចាស់ឈ្មោះ: Stockton Rush ជាអ្នកបង្កើតក្រុមហ៊ុន OceanGate

_ អាចមុជទឹកបានជម្រៅ ៤,០០០ ម៉ែត្រ

_ មានប្រព័ន្ធផ្គត់ផ្គង់អុកស៊ីសែនបាន ៩៦ ម៉ោង ស្មើនឹង ៤ ថ្ងៃ

_ អាចផ្ទុកមនុស្សបាន ៥ នាក់ គឺអ្នកបើកម្នាក់ និងភ្ញៀវ ៤ នាក់

_ ទម្ងន់ ១០,៤៣២ គីឡូក្រាម

_ ទំហំ: បណ្ដោយ ៦.៧ ម៉ែត្រ ទទឹង ២.៨ ម៉ែត្រ និងកម្ពស់ ២.៥ ម៉ែត្រ

_ ល្បឿន: ៥.៥ គីឡូម៉ែត្រក្នុងមួយម៉ោង

_ បំពាក់កាមេរ៉ាកម្រិត 4k Rayfin

_ បំពាក់ឧបករណ៍ស្កេនឡាស៊ែរ 2G

គួរបញ្ជាក់ថា ក្រុមហ៊ុន OceanGate មានយានជ្រមុជទឹក ៣ គ្រឿង ប៉ុន្តែមានតែ Titan ប៉ុណ្ណោះទើបអាចមុជទឹកបានជ្រៅទៅដល់តំបន់ខ្មោចកប៉ាល់ Titanic ខណៈដែលអ្នកចង់ធ្វើដំណើរកម្សាន្តត្រូវទិញសំបុត្រតម្លៃ ២៥០,០០០ ដុល្លារជាមុនសិន ៕

ប្រែសម្រួល៖ វារី

ប្រភព​៖ OceanGate

ចុចអាន៖ មកស្គាល់ មនុស្សទាំង៥នាក់ ដែលជាប់ក្នុងនាវាមុជទឹក មានទាំងមហាសេដ្ឋីនិង នាយកប្រតិបត្តិក្រុមហ៊ុន