KPT+
ធ្វើបែបណាទើបអាចជម្នះរាល់ភាពលំបាកក្នុងជីវិតបាន?
មនុស្សម្នាក់ៗសុទ្ធតែធ្លាប់ប្រឈមនឹងភាពលំបាកក្នុងជីវិតគ្រប់គ្នា ឬពេលនេះកំពុងតែប្រឈមនឹងស្ថានភាពស្មុគស្មាញផងក៏មិនដឹង។ អ្នកអាចប្រឈមនឹងជម្លោះក្នុងផ្ទះ សម្ពាធនៅកន្លែងធ្វើការ ជីវិតដៃគូ បញ្ហាហិរញ្ញវត្ថុ ឈឺថ្កាត់ ឬសុខភាពផ្លូវចិត្តនានា។ ទោះបីវាជាបញ្ហាខុសគ្នា ដោយសារស្ថានភាពផ្សេងគ្នាក៏ដោយ តែមិនអាចគេចវេសបានឡើយ។ គ្រប់គ្នាត្រូវដោះស្រាយ! ប៉ុន្តែជួនកាលវាហាក់ធ្ងន់ធ្ងរហួស ដូច្នេះធ្វើយ៉ាងណាទើបអាចជម្នះបាន?
១. ធ្វើរឿងដែលខ្លួនចូលចិត្ត
បើសិនតឹងតែងខ្លាំង អ្វីដែលអាចធ្វើបាន មានតែអង្គុយចុះ ហើយគិតធ្វើអ្វីដែលខ្លួនចូលចិត្ត ធ្វើយ៉ាងណាឲ្យតែថ្ងៃដ៏តប់ប្រមល់នេះកន្លងទៅសិន ព្រោះបើអង្គុយខ្វល់ ក៏គិតអីមិនចេញដដែលជាដដែល។ ងូតទឹកក្ដៅឲ្យស្រឡះខ្លួន ស្វែងរកញ៉ាំអាហារដែលយើងចូលចិត្ត អានសៀវភៅ ស្ដាប់តន្រ្តី បិតម៉ាសថែរក្សាសម្រស់។ល។ ទោះមិនភ្លេចទុក្ខកង្វល់ទាំងស្រុង ក៏បានធូរស្បើយមួយគ្រា ប្រសើរជាងដេកដើរឈរអង្គុយ បៀមជាប់តែបញ្ហាដែរ។
បញ្ហាមិនថាតិចតួច ឬគរជើងគ្នាក្ដី អាចធ្វើឲ្យយើងក្រពុលមុខបានគ្រប់ពេល តែបើសិនមិនរើសផ្លូវដើម្បីសម្រាកខ្លះ វានឹងក្លាយទៅជាធំ រឹតតែពិបាកដោះស្រាយ។
២. និយាយជាមួយមនុស្សទុកចិត្ត
ការលាក់ទុកបញ្ហាតែឯង អាចធ្វើឲ្យយើងស្ទះដង្ហើមបាន។ គួរនិយាយជាមួយនរណាម្នាក់ដែលយើងអាចជឿទុកចិត្តមិនថាជា មិត្តភក្តិ ឪពុកម្តាយ ឬបងប្អូនជាដើម។ ពួកគេជាអ្នកស្ដាប់ដ៏ល្អ អាចជួយបន្ធូរភាពតានតឹងរបស់យើង ជួនកាលអាចផ្ដល់យោបល់ដោះស្រាយល្អៗផងក៏មិនដឹង។ ដូច្នេះជាការល្អ បើអាចរកនរណាម្នាក់ មកជួយរំលែកវិបត្តិជាមួយយើង ក៏គួរធ្វើចុះ។
៣. ថយក្រោយមួយជំហាន
កុំគិតថា ការដកថយ ជាការចាញ់លើសង្វៀនបញ្ហា ឬជាបរាជ័យ ដែលនាំឲ្យអាម៉ាស់។ នៅលើលោកនេះពុំមាននរណា អាចរ៉ាប់រងរឿងគ្រប់យ៉ាងបានទាំងអស់នោះទេ។ ដូច្នេះជាការសាមញ្ញបំផុត ថយក្រោយមួយជំហានសិន ដើម្បីរកវិធីដោះស្រាយថ្មី។ ការគេចចេញពីបណ្តាញសង្គម ឬស្ថានភាពកំពុងប្រឈម ក៏ជាដំណោះស្រាយមួយ ជួយឲ្យខួរក្បាលបានធូរពីសម្ពាធខ្លះ ។
ពេលខ្លះ គួរទុកបញ្ហាមួយឡែក ហើយទៅដើរលេង ស្រូបខ្យល់ ជិះកង់ ឬចូលព្រៃផ្សងព្រេងមួយរយៈសិន ចាំត្រឡប់មកវិញ ចាំគិតម្ដងទៀត។
៤. ទម្លាប់គិតវិជ្ជមាន
ស្តាប់ទៅដូចស្រួល ប៉ុន្តែពិបាកធ្វើ។ គ្មាននណាសប្បាយចិត្តកើត បើបញ្ហាមកជុំទិស។ ប៉ុន្តែការគិតបណ្ដោយឲ្យបញ្ហាមកចោមព័ទ្ធ ក៏កាន់តែមិនសប្បាយចិត្ត។ ក្នុងជីវិតនេះ ពុំនរណាជួបតែភាពអវិជ្ជមានរហូតទេ! ដូច្នេះទើបបានជាត្រូវព្យាយាមសំឡឹងមើលទៅរករឿងល្អៗឱ្យបានច្រើន ជាជាងទម្លាប់ផ្ដេកផ្ដួល។
គេថា ជីវិតមនុស្សនឹងធ្វើដំណើរទៅតាមចិត្តដែលគិតនោះ។ យើងចង់កើតទុក្ខ រីករាយ ឬខឹង ជាកម្មសិទ្ធិយើងទាំងស្រុង។ គំនិតអវិជ្ជមាននឹងទាញឲ្យធ្លាក់ទឹកចិត្ត ជីវិតទន់ខ្សោយទៅតាមថាមពលរបស់វា។ ដូច្នេះគួរបង្កើតភាពរីករាយសម្រាប់ខ្លួនឯង គឺធ្វើឲ្យខ្លួនឯងរីករាយ គិតតែលទ្ធផលល្អៗ នោះអ្វីៗដែលលំបាកៗ ក៏អាចដោះស្រាយទៅបាន នៅពេលក្រោយ៕
ប្រែសម្រួល៖ សន្យា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ