និយមបន្ទោសខ្លួនឯងក្រោយធ្វើខុស សាកបញ្ឈប់កង្វល់ដោយវិធីនេះ
Connect with us
Helistar Cambodia - Helicopter Charter Services

KPT+

និយមបន្ទោសខ្លួនឯងក្រោយធ្វើខុស សាកបញ្ឈប់កង្វល់ដោយវិធីនេះ

Published

on

ជឿថាគ្រប់គ្នា ប្រាកដជាធ្លាប់ប៉ះទង្គិចផ្លូវចិត្ត ទោះបីជាយើងមកពីត្រកូលក្រខ្សត់ ឬអ្នកមានទ្រព្យស្ដុកស្ដម្ភក្ដី។ ក្ដីទោមនស្សអាចកើតពីមជ្ឈដ្ឋានជុំវិញ ឬខ្លួនឯងផ្ទាល់ ព្រោះជីវិតពិតស្មុគស្មាញ យើងកើតមករមែងមានសប្បាយលាយឡំទុក្ខសោក ជាធម្មជាតិ ចៀសពុំរួច។

ត្បិតតែមនុស្សតែងប្រព្រឹត្តកំហុសទាំងចំពោះខ្លួនឯង និងអ្នកដទៃ ប៉ុន្តែគ្រប់គ្នាមិនមែនសុទ្ធតែចង់បង្កើតវានោះទេ។ យ៉ាងណាមិញ ប្រសិនបានធ្វើអ្វីខុសឆ្គង ឬធ្វើអ្វីមិនបានសម្រេចតាមបំណង យើងគួរសាកល្បងធ្វើរឿងទាំងពីរនេះ ក្រែងបានធូរស្រាលចិត្តខ្លះ។

អត់ឱនទោសឱ្យខ្លួនឯង

ការអត់ឱនទោស ជាកម្លាំងចិត្តម្យ៉ាងដែលកែប្រែស្ថានភាពខុសមកជាប្រសើរ និងប្រែក្លាយអ្នកធ្លាប់ធ្វើអាក្រក់ទៅជាល្អវិញបាន។

មនុស្សមិនតិចទេនិយមបន្ទោសខ្លួនឯងក្រោយធ្វើខុស ឬបង្ខំខ្លួនឯងឱ្យបំភ្លេចនូវរឿងដែលខុសទាំងនោះចោល ប៉ុន្តែបែរជាចងចាំលើសដើម។ អ្នកខ្លះខំយកស្រាផឹកបំភ្លេចកំហុស ព្រមទាំងដាក់ទោសខ្លួនដោយផឹកឲ្យស្រវឹងដើម្បីបន្លប់ទុក្ខ ក៏នៅតែមិនអាចបំភ្លេចបាន ព្រោះស្វាងសុរា ការចងចាំកើតឡើងវិញដដែល។

ក្រោយពីប្រព្រឹត្តិកំហុស ឬធ្វើរឿងមួយមិនបានដូចបំណង សូមកុំបញ្ឈឺខ្លួនឯងបន្ថែមអី! គួរលើកលែងឱ្យខ្លួនឯង! រឿងបរាជ័យអាចមិនមែនមកពីយើងខ្វះការតាំងចិត្ត គ្មានការតស៊ូ ឬអសមត្ថភាពនោះទេ។ វាអាចមកពីបរិយាកាសខាងក្រៅមួយចំនួន ឬឱកាសមិនទាន់មកដល់ប៉ុណ្ណោះ។

អាចថា មានចំណុចខ្លះដែលយើងមិនចង់អត់ទោសឱ្យខ្លួនឯង ប្រហែលមកពីបទពិសោធន៍ដដែលៗដែលធ្លាប់ជួប ប៉ុន្តែរឿងដែលកន្លងហួសទៅជាមួយពេលវេលាហើយមិនអាចត្រឡប់មកដូចដើមវិញបានទេ។

និយាយវិជ្ជមានជាមួយខ្លួនឯង

កម្លាំងចិត្តមាននៅក្នុងខ្លួន មួយភាគធំផ្តើមចេញពីការនិយាយវិជ្ជមាន។

តាមទ្រឹស្ដីចិត្តវិទ្យា ជាធម្មតាមនុស្សនិយាយជាមួយខ្លួនឯង ច្រើនជាងជាមួយអ្នកដទៃ។ មូលហេតុដោយសារតែមនុស្សមានវិចារណញ្ញាណ និងមានខួរក្បាលសម្រាប់គិតបែងចែកខុសនិងត្រូវ បន្ទាប់មកទើបឈានទៅដល់ការសម្រេចចិត្ត និងការអនុវត្តន៍ជាក់ស្ដែង។

បន្ថែមពីលើនេះទៀត នៅពេលដែលពិបាកចិត្ត មនុស្សនឹងនិយាយជាមួយខ្លួនឯងកាន់តែខ្លាំង ដើម្បីពិសោធន៍មើលថា គំនិតដែលគេបាននិយាយចេញមក ឬការងារដែលគេបានធ្វើនោះពិតជាត្រឹមត្រូវ ឬពិតជាខុសមែន។

ផ្អែកតាមទ្រឹស្ដីចិត្តវិទ្យា មនុស្សក៏អាចនិយាយឱ្យខ្លួនឯងមានកម្លាំងចិត្តខ្លាំងក្លា ឬក៏ខ្សោយបានដែរ។ ហេតុនេះយើងត្រូវប្រុងប្រយ័ត្នចំពោះការនិយាយជាមួយខ្លួនឯងនៅពេលអ្នកមានអារម្មណ៍មិនល្អ និងបង្កាការបន្ថែមទុក្ខព្រួយឲ្យខ្លួនឯងកាន់តែធ្ងន់។ ចូររៀននិយាយវិជ្ជមានទាំងជាមួយខ្លួនឯងនិងមនុស្សជុំវិញខ្លួន ទើបរឿងវិជ្ជមានកើតឡើងមកដែរ៕

ប្រែសម្រួល៖ សន្យា

ប្រភព៖ Healthline

ចុចអាន៖ ភាព​ខុសគ្នាដាច់ស្រលះរវាង​ចំណង់ចំណូលចិត្ត​និង​គោលបំណង

ចុចអាន៖ ចំណុច​ធំៗ​ក្នុងបទទូន្មាន​របស់​នាយក​ប្រតិបត្តិ​ក្រុមហ៊ុន Heavy Sound Labs

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ8 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ8 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ9 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ10 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ11 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services