KPT+
មនុស្សស្រី៥ប្រភេទដែលប្រុសៗឮហើយខ្លាចរអាក្នុងការរួមជីវិតជាមួយ
មនុស្សប្រុសម្នាក់ៗធម្មជាតិចារមក ឱ្យសង្វាតរឿងស្នេហាជាងមនុស្សស្រីក៏ពិតមែន ប៉ុន្តែចូលដល់រឿងគូជីវិត គេបែរជាប្រុងប្រយ័ត្នខ្ពស់ជាងភាគីនារី។
ប្រុងប្រយ័ត្នណាស់ ហើយគិតណាស់មុនពេលសម្រេចចិត្តរកម្តាយឱ្យកូនៗខ្លួន។ មនុស្សស្រី៥ប្រភេទនេះ គេតែងតែព្យាយាមជៀសវាងជានិច្ច មិនថាកាលៈទេសៈណាក្តី៖
១ មានលុយកាក់ច្រើន តែមិនគោរពគូជីវិត
មនុស្សស្រីកូនអ្នកមាន មិនប្រាកដថានាំមកនូវសុភមង្គលឡើយ។ បុរសជាច្រើនដឹងរឿងនេះ។ ប្រសិននាងមានកិរិយាល្អ ចេះគោរពគ្នាមានទៅអី តែប្រសិននាងទំនើង ហើយម៉ែឪកាន់ជើងទៀត រៀបការនៅមិនចុះសម្រុងគ្នា លែងវិញក៏មិនបានខ្លាចខូចមុខ ត្រូវបង្ខំឱ្យទ្រាំរស់ក្នុងកម្មលោកិយ៍ ជារឿងដែលប្រុសៗឮហើយកាលណា ព្រឺសម្បុរខ្លាចស្មាលា ខំប្រវាសជៀសឱ្យបាន។ មានតែប្រភេទបុរសបញ្ញើក្អែកដែលមិនមានជំនឿលើខ្លួនឯងថា មានសមត្ថភាពអាចរកបាយហូបទាល់តែសោះ ទើបអាចទ្រាំនឹងភរិយាកូនអ្នកមានដែលមិនគោរពប្តី មិនឱ្យតម្លៃញាតិប្តី មើលងាយប្រទេចផ្តាសាព្រឹកល្ងាច ព្រោះរស់ដោយសារលុយប្រពន្ធឬគ្រួសារខាងប្រពន្ធ។
២ មនុស្សស្រីស្រវឹង និងដើរហើរដាច់យប់
គ្មានការរើសអើងរឿងដើរហើរទេ រវាងភេទទំាង២ក្នុងសម័យកាលនេះ តែនិយាយពីភរិយានិងម្តាយដែលដើរចោលប្តីសី ឬនាំតែប្តីដើរលេងដូចយុវវ័យ ឬនាំគ្នាផ្តុំផឹកស៊ី ស្រវឹងដេកដួលរបូតសារ៉ុង ស្អុយខ្លួនតតាត់មិនស្គាល់ថ្ងៃណាជាថ្ងៃណី មិនចេះធ្វើការងារ មិនមានវិន័យ មិនគោរពខ្លួនឯង ជានរក៩ជាន់ដែលមនុស្សប្រុសគ្រប់គ្នាមហាខ្លាច និងប៉ងជៀសឱ្យខាងតែបាន មិនថានាងនោះស្អាតកម្រិតណា និងមានយ៉ាងណាក្តី។
៣ មនុសុ្សស្រីលេងល្បែង
ស្រីស្អាតជាស្តេចល្បែងជាច្រើនមកហើយ ដែលប្រុសៗគ្រវីក្បាលក្នុងការកែលម្អនាង។ ចុងក្រោយរស់នៅជាមួយនារីងប់ល្បែង ប្តីម្នាក់ៗបានត្រឹមអាប់យសឈ្លោះញាតិ ខូចអាជីព ព្រោះបំណុលដែលនាងសាង និងចរិតនាងដែលប៉ះពាល់ខ្លាំងលែងមានគេណាចង់រាប់អាន។
៤ មនុស្សស្រីពុតត្បុត
មនុស្សស្រីដែលស្គាល់តែញាតិខាងខ្លួន កំណាញ់ខាងប្តី នាំមកជារឿយៗនូវទំនាស់ក្នុងគ្រួសារ រហូតដល់ប្តីត្រូវវឹកវរ និងរស់មិនសុខព្រោះម្ខាងជាញាតិម្ខាងជាប្រពន្ធ។ ស្ត្រីដែលអាណិតស្រលាញ់ប្តីមិនដែលផ្ទុកអម្រែកនេះលើស្មាគេម្នាក់ឯងទេ នាងតែងតែជួយរែកពុនធ្ងន់ស្មាសងខាងនេះ ទើបជាមនុស្សស្រីដែលបុរសទំាងឡាយស្រវាចាប់យក។
៥ មនុស្សស្រីពូកែឈ្លោះ
មនុស្សខ្លះមានកំណើតពូកែជេរ និងរករឿងឈ្លោះផ្អើលភូមិនមិនដែលញញើតអ្នកណាឡើយ។ ហើយបើបានជាមានប្តីមានយសសក្តិទៀតកាន់តែឡើងចាងឈ្លោះកាងពេញវាល។ ប្រសិនបើមិនជឿពាក្យចាស់ថា ស្រលាញ់ប្រពន្ធឱ្យមើលម្តាយ ហើយទទួលយកស្រីស្អាតឡាំំយ៉ងមកក្បែរជីវិត មនុស្សប្រុសនោះ រួមទំាងកូនៗផងនឹងត្រូវរងកម្មលោកិយ៍គ្មានថ្ងៃភ្លឺស្វាងនឹងគេជាដរាប។
អញ្ចឹងមែនអត់ប្រុសៗ?
ប្រែសម្រួល៖ ស្រស់
ចុចអាន៖ ក្រោយក្លាយជាប្ដីប្រពន្ធនឹងគ្នា មានទម្លាប់ខ្លះគួរឈប់ធ្វើដើម្បីគ្រួសារមានសុភមង្គល
ចុចអាន៖ បុរសៗឆ្លាតវៃពេក អាចបង្កើតកំហុសជាមួយស្ត្រីដោយមិនដឹងខ្លួន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង