KPT+
៩យ៉ាង បង្ហាញថាគេនោះជាមេដឹកនាំដាក់ខ្លួន តែទទួលបានការគោរពយូរអង្វែង
យើងធ្លាប់ឮច្រើនមកហើយ ពីចរិតចេះសម្ដែងរបស់មនុស្ស។ អ្នកខ្លះមិនល្អប៉ុន្តេសម្ដែងដូចជាត្រឹមត្រូវណាស់ រីឯអ្នកខ្លះជាមនុស្សល្អពីធម្មជាតិដោយមិនបាច់ប្រឹងសម្ដែងនោះទេ។
ទាំងនេះជាលក្ខណៈសម្គាល់នៃមនុស្សល្អពិតប្រាកដ ដែលចេះបន្ទាបខ្លួន ដោយមិនពិបាកដើរតួជាល្អនោះឡើយ៖
១. ពួកគេរក្សាទំនាក់ទំនងល្អ
យោងតាមការសិក្សាបានបង្ហាញថា មនុស្សដែលមានចិត្តបន្ទាបខ្លួនអាចជួយមនុស្សនៅជុំវិញជាងអ្នកដែលមានអំនួត។ ជាលទ្ធផលពួកគេរក្សាទំនាក់ទំនងផ្ទាល់ខ្លួនជាមួយអ្នកដទៃបានល្អ ក៏ដូចជាក្នុងវិជ្ជាជីវៈរបស់ខ្លួនកាន់តែរឹងមាំ។
ការសិក្សាលើមនុស្សជាង ១០០០ នាក់ដែលមានមុខតំណែងជាថ្នាក់ដឹកនាំបង្ហាញថា ក្រុមហ៊ុនដែលមានមេដឹកនាំជាមនុស្សចេះបន្ទាបខ្លួន អាចលើកទឹកចិត្តកម្លាំងពលកម្មឲ្យខំធ្វើការច្រើនទ្វេរដង។
២. ពួកគេគោរពតាមប្រយោជន៍រួម
ដោយសារមនុស្សប្រភេទនេះ រមែងដាក់តម្រូវការរបស់អ្នកដទៃជាមុន ដូច្នេះពេលដែលប្រឈមមុខនឹងការសម្រេចចិត្តដ៏លំបាក ពួកគេតែងគិតដល់ក្រមសីលធម៌ និងស្របតាមផលប្រយោជន៍រួមជាអទិភាព។
៣. ពួកគេដាក់អ្នកដទៃជាមុន
មនុស្សគេយល់ពីតម្លៃខ្លួនឯងជានិច្ច ហើយក៏មិនដែលបោះបង់ខ្លួនចោលដែរ។ ទោះជាយ៉ាងនេះក្ដី ពួកគេថាមិនតម្កើងខ្លួន និងតែងតែមានចិត្ដរាបទាប គិតគូរពីអ្នកនៅជុំវិញខ្លួនដោយឲ្យជម្រើសអ្នកដទៃមុនខ្លួនជានិច្ច។
៤. ពួកគេជាអ្នកស្ដាប់ដ៏ល្អ
មនុស្សយើងចូលចិត្តឲ្យគេស្ដាប់ខ្លួន ជាងយកខ្លួនទៅស្ដាប់គេ។ ផ្ទុយទៅវិញមនុស្សមានចិត្តសុភាពរមែងយល់កាលៈទេសៈ ដោយធ្វើខ្លួនជាអ្នកស្ដាប់ដ៏ល្អ ទោះបីជាមិនចូលចិត្តស្ដាប់ក៏ដោយ។ លើសពីនេះទៅទៀត គេមិនព្យាយាមកាត់ការសន្ទនាជាមួយអ្នកដទៃឡើយ។
៥. ពួកគេចង់ដឹងចង់ឃើញ
ជារឿយៗ ពួកគេស្វែងរកចំណេះថ្មីៗរហូត ពីព្រោះគេចូលចិត្តរៀនសូត្រប្រមូលចំណេះដឹងនិងបទពិសោធន៍របស់អ្នកដទៃមកជាយាន ហើយរមែងស្វែងរកឱកាសដើម្បីរៀនថែមជានិច្ច។
៦. ពួកគេមិនខ្លាចបញ្ចេញគំនិតរបស់ខ្លួន
ខណៈពេលដែលការស្តាប់ ជារឿងដ៏សំខាន់ មនុស្សដែលមានចិត្តបន្ទាបខ្លួន រមែងហ៊ាននិយាយគំនិតរបស់ខ្លួន ពីព្រោះការធ្វើខុសមិនមែនជាការភ័យខ្លាចដែលពួកគេមាននោះទេ។ ពួកគេដឹងថា ដើម្បីផ្សារភ្ជាប់គម្លាតរវាងគំនិតនិងគំនិត គឺត្រូវតែមានសកម្មភាពអ្វីមួយ ហើយនោះជាការនិយាយពីអ្វីដែលយើងយល់ឃើញ។
៧. ពួកគេតែងតែនិយាយ “ អរគុណ”
មនុស្សរាបសាពិតប្រាកដមិនចេះនឿយណាយនឹងពាក្យថា “អរគុណ” ជាមួយមនុស្សជុំវិញនោះទេ ទោះបីជារឿងតូចតាចក៏ដោយ។ សូម្បីពេលខ្លះដែលមិនបានជួបផ្ទាល់ជាមួយនរណាម្នាក់ដែលបានជួយខ្លួន គេតែងសរសេរសារអរគុណពីចម្ងាយ ព្រោះនេះទម្លាប់របស់មនុស្ស ចេះដឹងគុណ។
៨. ពួកគេទទួលយកមតិកែលំអ
មនុស្សប្រភេទនេះមិនត្រឹមតែទទួលយកការរិះគន់ក្នុងន័យស្ថាបនាប៉ុណ្ណោះទេ ប៉ុន្តែតែងស្វែងរកមតិកែលំអផ្សេងៗទៀត ពីព្រោះពួកគេដឹងថា មតិរិះគន់គឺជាមាគ៌ាឆ្ពោះទៅរកភាពប្រសើរឡើង។
៩. ពួកគេទទួលខុសត្រូវខ្ពស់
ជាជាងប្រកាន់ខ្ជាប់នូវការស្ដីបន្ទោសទៅលើអ្នកដទៃ ឬអ្វីបរិបទជុំវិញនៅពេលប្រព្រឹត្តកំហុស មនុស្សដែលបន្ទាបខ្លួនតែងទំនួលខុសត្រូវទាំងជោគជ័យនិងបរាជ័យ៕
ប្រែសម្រួល៖ សន្យា
ប្រភព៖ Forbes
ចុចអាន៖កំពូលកីឡាករបាល់ទាត់ដែលទម្លាប់យកដំណើរកម្សាន្តលំហែមុនការប្រកួតមកដល់
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ