KPT+

ហេតុផលមួយចំនួនដែលខែកុម្ភៈមានថ្ងៃទី២៩ ក្នុងពេល ៤ ឆ្នាំម្ដង

បានផុស

២ years មុន

នៅ

ថ្ងៃព្រហស្បតិ៍ ២៩ កុម្ភៈ ២០២៤

ដោយ

ច្បាស់ណាស់មនុស្សជាច្រើននឹងមានចម្ងល់អំពីខែកុម្ភៈដែលមានថ្ងៃលើសមួយថ្ងៃគឺថ្ងៃទី ២៩ នៅរៀងរាល់ ៤ ឆ្នាំម្ដង ។ ដូច្នេះដើម្បីស្រាយចម្ងល់ខាងលើនេះ សារព័ត៌មានអង់គ្លេស Telegraph ក៏បានបង្ហាញដូចខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុអ្វីបានជាមានឆ្នាំបង្គ្រប់?

ឆ្នាំបង្គ្រប់ ឬ Leap Year ដែលវាជាថ្ងៃបន្ថែមនៃចុងខែកុម្ភៈរៀងរាល់ ៤ ឆ្នាំម្ដងនោះ គឺផ្អែកលើប្រតិទិននៃប្រព័ន្ធព្រះអាទិត្យ ពោលខុសប្លែកពីប្រតិទិននៃបែបគ្រិស្តសាសនា ឬហៅថាប្រតិទិនលោកខាងលិច ។

គន្លងនៃផែនដីវិល ១ ជុំពេញព្រះអាទិត្យ គឺប្រើពេលសរុបពិតប្រាកដ ៣៦៥.២៤២២ ថ្ងៃ ប៉ុន្តែសម្រាប់ប្រតិទិនលោកខាងលិច គឺប្រើពេលត្រឹម ៣៦៥ ថ្ងៃគត់ប៉ុណ្ណោះ ។ ដូចនេះឆ្នាំបង្គ្រប់ គឺជាការបន្ថែមដែលធ្វើឲ្យពេលវេលា ម៉ោង និងប្រតិទិនសព្វថ្ងៃ ស្របទៅជាមួយថេរវេលាគន្លងផែនដី និងរដូវកាលរបស់វា ។

ហេតុអ្វីថ្ងៃបន្ថែម ចំខែកុម្ភៈ?

រាល់ខែដទៃទៀតនៅក្នុងប្រតិទិនអធិរាជរ៉ូម៉ាំង Julius Caesar មាន ៣០ ឬ ៣១ ថ្ងៃ ប៉ុន្តែចំពោះខែកុម្ភៈគឺមិនមាននោះទេ ដោយសារតែការកាត់ចោលដោយអធិរាជរ៉ូម៉ាំង Caesar Augustus ។

ក្នុងសម័យអធិរាជ Julius Caesar ខែកុម្ភៈមាន ៣០ ថ្ងៃ និងមានខែមួយយកព្រះនាមតាមទ្រង់គឺ July ជាខែកក្កដា មាន ៣១ ថ្ងៃ ចំណែក August ខែសីហា មានតែ ២៩ ថ្ងៃ ។

ប៉ុន្តែនៅពេល Caesar Augustus ក្លាយជាអធិរាជ ទ្រង់បានបន្ថែម ២ ថ្ងៃក្នុងខែរបស់ទ្រង់ ធ្វើឲ្យខែសីហា និងខែ កក្កដាមានចំនួន ៣១ ថ្ងៃស្មើគ្នា ហើយដោយសារតែការដកចុះថែមឡើង និងជម្លោះបន្ថែមថ្ងៃក្នុងខែរបស់អធិរាជទាំងពីរអង្គនេះហើយទើបធ្វើឲ្យខែកុម្ភៈបាត់បង់ថ្ងៃទៅវិញ ។

ឆ្នាំបង្គ្រប់ គឺមិនមានរៀងរាល់ ៤ ឆ្នាំម្ដងរហូតទេ បើផ្អែកតាមបច្ចេកទេស

ឆ្នាំ ២០០០ គឺជាឆ្នាំបង្គ្រប់ ចំណែកឯឆ្នាំ ១៧០០ ១៨០០ និង ១៩០០ មិនមែនជាឆ្នាំបង្គ្រប់ទេ ។ ឆ្នាំបង្គ្រប់ ឬ Leap Year ក្នុងន័យបច្ចេកទេស មានជារៀងរាល់ឆ្នាំដែលអាចចែកដាច់នឹងលេខ ៤ លើកលែងតែឆ្នាំណាដែលអាចចែកបានទាំងលេខ ៤ និងលេខ ១០០ និងមិនអាចចែកនឹង ៤០០ ៕