Connect with us

KPT+

ចរិតលក្ខណៈដែលបង្ហាញថា យើងឈប់ជាកូនក្មេងទៀតហើយ

បានផុស

នៅ

មនុស្សយើងមានការវិវត្តន៍ផ្នែករូបរាងកាយ និងចិត្តគំនិតជារៀងរាល់ថ្ងៃ។ ការវិវត្តន៍ខាងចិត្ត ត្រូវបានគេហៅថា ជាមនុស្សពេញវ័យឬជាមនុស្សចាស់ទុំ។ តើមនុស្សដែលចាស់ទុំ​ឬពេញវ័យមានលក្ខណៈសម្បត្តិយ៉ាងណា? ខាងក្រោមនេះជាចរិតលក្ខណៈដែលបង្ហាញថា នរណាម្នាក់លែងជាកូនក្មេងទៀតហើយ៖

ចេះគិតគូរពីអ្នកដទៃ

រូបតំណាង
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចិត្តអាណិតអាសូរជាផ្នែកមួយនៃមនុស្សចាស់ទុំ។ អ្នកចាស់ទុំពិតនឹងគិតពីអ្នកដទៃ ជំនួសឱ្យការគិតតែពីអារម្មណ៍របស់ខ្លួនឯង ឬយកតែចិត្តខ្លួនជាធំ។ គេតែងតែលះបង់សម្រាប់អ្នកដទៃជានិច្ច គឺមុនពេលដែលគេចង់ធ្វើតាមបំណងប្រាថ្នាផ្ទាល់ខ្លួន។ នៅពេលអ្នកផ្សេងទទួលបានជោគជ័យគេនឹងអបអរសាទរជាជាងច្រណែននឹងអ្នកដទៃ។

ចេះបន្ទាបខ្លួន និងធ្វើជាគំរូ

ប្រសិនបើនរណាជាមនុស្សដែលចាស់ចិត្តចាស់គំនិត គេនឹងមិនបណ្តោយឱ្យអំនួយណាមួយមកគ្របលើគេបានឡើយ។ មនុស្សចាស់ទុំនឹងប្រព្រឹត្ដចំពោះអ្នកដទៃដោយស្មើភាព និងដោយការគោរពមិនថាមានបញ្ហាអ្វីក៏ដោយ ហើយគេក៏នឹងមិនមានអារម្មណ៍ថា ចង់លើកតម្កើងខ្លួនឲ្យខ្ពស់ជាងអ្នកណាទាំងអស់។

ចេះបត់បែនតាមកាលៈទេសៈ

រូបតំណាង

អ្វីៗមិនតែងតែដូចអ្វីដែលបានគ្រោងទុក។ នៅពេលនរណាម្នាក់ក្លាយជាមនុស្សចាស់ចិត្តគំនិត នោះគេតែងមានសមត្ថភាពសម្របខ្លួនទៅនឹងស្ថានភាព។ ចរិតរឹងរូស មានៈ និងចង្អុលនេះចង្អុលនោះតាមតែចិត្ត គឺជាទង្វើដែលមនុស្សមិនទាន់គ្រប់អាយុធ្វើ។ ចំណែកអ្នកចាស់ទុំ គេមិនធ្វើរឿងទាំងនោះទេ ព្រោះគេជាមនុស្សដែលស្គាល់កាលៈទេសៈច្បាស់លាស់ ថាអ្វីគួរ ឬមិនគួរ។

មានចិត្តទូលាយ និងមិនចេះតែវិនិច្ឆ័យអ្នកដទៃ

ជាមនុស្សចាស់ម្នាក់តែងតែបើកចំហរចិត្តប៉ុនមេឃ ដោយមើលអ្វីៗក្នុងផ្លូវវិជ្ជមានជានិច្ច។ ល្អជាងការដើរចង្អុលមនុស្សដែលខុសពីខ្លួនថាបែបនេះ ឬបែបនោះ មនុស្សចាស់ទុំតែងមានឆន្ទៈចង់ភ្ជាប់គម្លាតរវាងគេនិងអ្នកដទៃឲ្យកាន់តែជិតស្និទ្ធ ដោយការកែលម្អគ្នា។

ចេះកែលម្អខ្លួន និងដឹងពីវិធីធ្វើឲ្យខ្លួនរីនចម្រើន

រូបតំណាង

ភាពចាស់ទុំមានន័យថា គេនឹងមិនចេះស្កប់ស្កល់ចិត្ត ហើយគិតថាខ្លួនមានភាពល្អឥតខ្ចោះ ឬចាស់ពេកឡើយ។ គេជឿថា គ្រប់យ៉ាងតែងតែមានកន្លែងខុសឆ្គងសម្រាប់ការកែលម្អជានិច្ច។ ជីវិតគឺជាការរៀនសូត្រ ហើយគេតែងតែព្យាយាមធ្វើខ្លួនឱ្យកាន់តែប្រសើរឡើងឥតឈប់៕

ប្រែសម្រួល៖ សន្យា

ចុចអាន៖ ​ស្វែងយល់រោគ​សញ្ញាជំងឺ Bipolar ដើម្បី​រក​ជំនួយ​​ព្យាបាលទាន់​ពេលវេលា

ចុចអាន៖ អ្នកមាន​ជំងឺ​ផ្លូវ​ចិត្ត មានស្នេហា​ដូច​មនុស្ស​ទូទៅ​ដែរ​ទេ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៦ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៣ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម