KPT+

គន្លឹះ៤ យ៉ាងសម្រាប់យុវវ័យដែលចង់បានការងារដំបូង

បានផុស

៥ years មុន

នៅ

ថ្ងៃពុធ ២៤ កុម្ភៈ ២០២១

ដោយ

សាង ស្រីល័ក្ខ

ខាងក្រោមនេះគឺជាព័ត៌មានជំនួយ៤ យ៉ាង ដែលយើងគួរសិក្សាស្វែងយល់ពេលមានបំណងចង់បានការងារធ្វើពេលទើបចេញពីសាលាភ្លាម៖

១. ច្បាស់ពីអ្វីដែលខ្លួនពូកែនិងចង់ធ្វើ

មុនពេលស្វែងរកការងារលើអ៊ីនធឺណិត ដោយការចាប់ផ្ដើមដាក់ពាក្យសុំរាល់តួនាទីដែលយើងរក ដំបូង ត្រូវគិតពីអ្វីដែលយើងពិតជាចង់ធ្វើមែនសិន ហើយចាំស្វែងរកតួនាទីដែលពាក់ព័ន្ធ។

នេះជាប្រយោជន៍ នឹងធ្វើឲ្យយើងផ្ដោតសំខាន់ក្នុងការស្វែងរកការងាររបស់យើង នៅលើតំបន់ដែលបានកំណត់ច្បាស់ ឬទាក់ទងយ៉ាងជិតស្និទ្ធទៅនឹងសំណុំជំនាញបទពិសោធន៍និងចំណាប់អារម្មណ៍របស់យើង។

២. អានបទបរិយាយការងារច្បាស់សិន សឹមសម្រេចចិត្តដាក់ពាក្យ

ជារឿយៗបេក្ខជននឹងដាក់ពាក្យទោះបីជាបួនបរិយាយទាំងនោះ ពួកគេមិនធ្លាប់ធ្វើពីមុនក៏ដោយ ឬដោយសារពួកគេគិតថាមិនខាតបង់អ្វី។ នេះជាការបំបាក់ទឹកចិត្តខ្លួនឯងពេលយើងមិនជាប់ ។ ត្រូវអានអានបទបរិយាយការងារជាក់លាក់សិន ប្រសិនយើងមានពាក់កណ្ដាលនៃតម្រូវការសឹមសម្រេចចិត្តដាក់ពាក្យ។

៣. តាមដាន ព័ត៌មាន

ត្រូវប្រាកដថា នៅពេលយើងបានដាក់ព័ត៌មានលំអិត នៅលើជីវប្រវត្តិ ត្រូវធានាថា គេអាចអាចទាក់ទងមកយើងបានគ្រប់ពេល។ ត្រូវពិនិត្យអ៊ីមែលទៀងទាត់ លេខទូរស័ព្ទក៏ត្រូវប្រាកដថាពិតជាអាចទទួលបាន។

បើសិនយើងមិនយកចិត្តទុកដាក់ ហើយខកខានទទួលការហៅ ត្រូវផ្ញើសារជាសំឡេងទៅវិញ។ ការខកខានក្នុងការហៅ ធ្វើឲ្យយើងមើលទៅដូចជាមនុស្សដែលគ្មានទំនួលខុសត្រូវ ឬមិនបានយកចិត្តទុកដាក់ក្នុងការងារនេះទាល់តែសោះ ហើយអាចរារាំងតួនាទីផងដែរ។

៤. អត់ធ្មត់

រឿងសំខាន់ដែលត្រូវចងចាំ គឺត្រូវមានទាំងភាពប្រាកដនិយមនិងអត់ធ្មត់ ទោះជំហានដំបូងនេះមិនដំណើរការល្អក៏ដោយ។ គ្រប់យ៉ាងត្រូវធ្វើដោយមានវិន័យនិងធ្វើដោយល្អនឹងក្លាយជាទម្លាប់សំខាន់ក្នុងជីវិតការងារយើង៕

ប្រែសម្រួល៖ សាង ស្រីល័ក្ខ

ចុចអាន៖ចំណុចធំៗក្នុងបទទូន្មានរបស់នាយកប្រតិបត្តិក្រុមហ៊ុន Heavy Sound Labs

ចុចអាន៖រីករាយថ្ងៃបុណ្យក្តីស្រលាញ់ មកអានជីវិតស្នេហាមហាសេដ្ឋី Jeff Bezos