KPT+

៤យ៉ាង កម្រមានអ្នកដឹង ពីអតីតប្រធានាធិបតីលោក NGUYEN PHU TRONG

បានផុស

២ years មុន

នៅ

ថ្ងៃពុធ ២៣ មីនា ២០២២

ដោយ

កាលពីខែមេសាឆ្នាំ ២០១៨ រដ្ឋសភាជាតិរបស់ប្រទេសវៀតណាមបានជ្រើសរើសលោក Nguyen Phu Trong ឲ្យកាន់តំណែងជាអគ្គលេខាធិការគណបក្សសហគមន៍វៀតណាមនិងបានតែងតាំងលោកជាប្រធានាធិបតីរដ្ឋ។ ត្បិតថា លោកបានឈប់កាន់តំណែងជាប្រធានាធិបតី កាលពីឆ្នាំ២០២១ ពិតមែន ប៉ុន្តែបុរសរូបនេះរឿងរ៉ាវគួរឱ្យចាប់អារម្មណ៍ ៤ យ៉ាង មុននិងអំឡុងពេលកាន់តំណែង។

១. តួនាទីប្រធានការិយាល័យនយោបាយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nguyen Phu Trong កើតនៅរដ្ឋធានីហាណូយ ឆ្នាំ ១៩៤៤ ក្នុងគ្រួសារកសិករ។ បន្ទាប់ពីបញ្ចប់ការសិក្សានៅសាកលវិទ្យាល័យ លោកបានធ្វើការឲ្យកាសែតកុម្មុយនិស្តដែលជាកាសែតនយោបាយអស់រយៈពេលជាច្រើនឆ្នាំ។ នៅដើមទសវត្សឆ្នាំ ១៩៩០ លោកឡើងតួនាទីជានិពន្ធនាយកនៃកាសែតបក្សកុម្មុយនិស្តវៀតណាមមួយនេះ។

ទោះបីឋានៈនេះហាក់ប្រសើរជាងមុនខ្លាំងក៏ដោយ តែបុរសរូបនេះ បានបន្តអភិវឌ្ឍខ្លួននិងរៀនសូត្រក្នុងនាមជាអ្នកសារព័ត៌មាននយោបាយវៀតណាម។

នៅឆ្នាំ ១៩៩៩ Nguyen Phu Trong ក្លាយជាសមាជិកការិយាល័យនយោបាយនៃបក្សកុម្មុយនិស្តវៀតណាម។ លោកធ្លាប់បម្រើការជាលេខាគណបក្សហាណូយមុនពេលដឹកនាំរដ្ឋសភារយៈពេល ២ អាណត្តិ។ នៅឆ្នាំ ២០១១ លោកត្រូវបានគេបោះឆ្នោតជ្រើសរើសជាអគ្គលេខាធិការនៃគណៈកម្មាធិការកណ្ដាលនៃគណបក្ស ហើយបានឈ្នះការបោះឆ្នោតម្ដងទៀតនៅឆ្នាំ ២០១៦ ។

ក្រោយក្លាយជាលេខាធិការរបស់គណបក្សនៃគណៈកម្មាធិការយោធាមជ្ឈិម និងជាប្រធានការិយាល័យនយោបាយ Nguyen Phu Trong ក្លាយជាបុរសមានឥទ្ធិពលបំផុតនៅប្រទេសវៀតណាម ក្នុងតំណែងពីរស្របពេលតែមួយ។

២. ឈ្នះតំណែងប្រធានាធិបតី ៩៩,៧៩% សំឡេង

ដោយសារ Nguyen Phu Trong ឈរជាស្ថាបត្យករដែលបង្ក្រាបអំពើពុករលួយនៅប្រទេសវៀតណាម លោកបានឈ្នះឆ្នោតជាប្រធានាធិបតីយ៉ាងភ្ល្លូកទឹកភ្លូកដី។ អគ្គលេខាធិការបក្សកុម្មុយនិស្តវៀតណាមរូបនេះ បានឈ្នះឆ្នោតដោយមានសំឡេងជំទាស់តែមួយប៉ុណ្ណោះ។

អ្នកកាសែតនៅហាណូយបានប្រៀបប្រដូចប្រធានាធិបតីថ្មីនេះ ទៅនឹងស្ថាបនិកបក្សកុម្មុយនិស្តវៀតណាមលោកហូជីមិញដែលបានទទួលមរណភាពក្នុងឆ្នាំ ១៩៦៩។ Nguyen Phu Trong មិនត្រឹមតែជាមេដឹកនាំកំពូលរបស់វៀតណាមប៉ុណ្ណោះទេ ប៉ុន្តែក៏ជាប្រមុខរដ្ឋ ព្រមទាំងជាអ្នកបង្រួបបង្រួមអំណាចនយោបាយផងដែរ។

៣. ប្រភពផ្លូវការថា លោកមានជំងឺដាច់សរសៃឈាមខួរក្បាល

នៅអំឡុងខែមេសា ឆ្នាំ ២០១៩ លោក Nguyen Phu Trong ឈប់បង្ហាញខ្លួនជាសាធារណៈ ធ្វើឲ្យប្រជាជនវៀតណាមមានការភិតភ័យគ្រប់គ្នា។ អាថ៌កំបាំងនៃការបាត់ខ្លួន ត្រូវបានបណ្តាញសង្គមសន្និដ្ឋានថា លោកអាចមានជំងឺធ្ងន់ធ្ងរ។

ប្រភពផ្លូវការបានលើកឡើងថា លោកមានជំងឺដាច់សរសៃឈាមខួរក្បាល។ ប៉ុន្តែក្រោយមកព័ត៌មានក្នុងស្រុកបានឲ្យដឹងថា ប្រធានាធិបតីរូបនេះបានជាសះស្បើយ ប៉ុន្តែលោកត្រូវពិការផ្នែកខ្លះ។ ខណៈនោះប្រព័ន្ធផ្សព្វផ្សាយសង្គមវៀតណាមបានផ្ទុះឡើងនូវការលើកទឹកចិត្តជាវិជ្ជមានសម្រាប់កំពូលមេដឹកនាំរបស់ខ្លួន។

៤. ជំរុញសហគ្រាសសេរី ដើម្បីធ្វើឲ្យសេដ្ឋកិច្ចវៀតណាមហក់ឡើង

ទោះបីជាប្រទេសវៀតណាមជាប្រទេសកុម្មុយនិស្តក៏ដោយ ក៏ប្រទេសនេះបានអនុវត្តគោលនយោបាយលើកទឹកចិត្តដល់ការរីកចម្រើនអាជីវកម្មឯកជនផងដែរ។ ក្រោមការដឹកនាំរបស់លោក Nguyen Phu Trong ប្រទេសវៀតណាមចង់សម្រេចគោលដៅមួយដែលមានអាជីវកម្មឯកជនចំនួន ១ លានអាជីវកម្ម ខណៈក្នុងឆ្នាំ ២០១៨ រដ្ឋនេះមានអាជីវកម្មឯកជនតែ ៥០ ម៉ឺនប៉ុណ្ណោះ ។

ដំណោះស្រាយមួយដែលត្រូវបានស្នើឡើងដោយសភាពាណិជ្ជកម្មនិងឧស្សាហកម្មវៀតណាមគឺលុបបំបាត់ឧបសគ្គលើវិស័យសេដ្ឋកិច្ចក្រៅផ្លូវការ ដើម្បីឲ្យម្ចាស់អាជីវកម្មបានទទួលហិរញ្ញប្បទាន និងអាចបំពេញតម្រូវការជាមូលដ្ឋានរបស់ពួកគេ។

គោលនយោបាយថ្មីនេះបានលើកទឹកចិត្តដល់ការរីកចម្រើននៃការចាប់ផ្ដើមអាជីវកម្មរបស់និស្សិតបញ្ចប់ការសិក្សានៅមហាវិទ្យាល័យវ័យក្មេងដែលទើបចេញពីសាកលវិទ្យាល័យផងដែរ៕

ប្រែសម្រួល៖ សន្យា

ប្រភព៖ TREASURY VAULT

ចុចអាន៖ ខ្សែជីវិតដំបូង លោក Yoon Suk-yeol មុនក្លាយជាប្រធានាធិបតីជាប់ឆ្នោត របស់កូរ៉េខាងត្បូង