KPT+

បកស្រាយនិស្ស័យមនុស្សកើតខែមីនា

បានផុស

៣ years មុន

នៅ

ថ្ងៃចន្ទ ១៥ មីនា ២០២១

ដោយ

មនុស្សកើតខែមីនា ជាបុគ្គលដែលជួយអ្នកណាហើយ មិនរំពឹងការតបស្នងពីអ្នកនោះវិញឡើយ។ ជាមនុស្សដែលមានសមត្ថភាព មានគំនិតច្នៃប្រឌិត និងចូលចិត្តចុះជួយសង្គម ជាពិសេសបង្កើតកម្មវិធីសប្បុរសធម៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេក៏ជាមនុស្សមានការប្តេជ្ញាចិត្តខ្ពស់ មានសេចក្តីក្លាហានក្នុងការដឹកនាំ និងមានមហិច្ឆតាធំផងដែរ។

ជាប្រភេទមនុស្ស ស្អាត សង្ហារ គួរឱ្យទាក់ទាញ ហើយហាកបីដូចជាមានអាថ៌កំបាំងច្រើនបន្តិច។ ទោះជាយ៉ាងណាក្ដី គេមានភាពស្មោះត្រង់ណាស់ និងមានចិត្តសប្បុរស តាំងពីកំណើតមកម្ល៉េះ។ គេស្រឡាញ់សន្តិភាព ភាពស្ងប់ស្ងាត់ មិនចេះប្រកាន់ខ្លួនតូចឬធំអ្វីឡើយ។ គ្រប់ពេលគេជាមនុស្សចូលចិត្តយកអាសារអ្នកដទៃ គ្រាន់តែឆាប់ខឹងបន្តិច តែទោះយ៉ាងណា គេនៅតែជាប្រភេទមនុស្សដែលគួរឲ្យទុកចិត្ត ពឹងពាក់បាន។

ចំពោះគ្រួសារ បងប្អូន សាច់ញាតិវិញ គេជាមនុស្ស កតញ្ញូ និងគួរឲ្យរាប់អានបំផុត។ គេចូលចិត្តសង្កេត និងពូកែមើលចរិតអ្នកដទៃដូចគ្នា។

មួយវិញទៀត បើអ្នកណាធ្វើអាក្រក់ដាក់ គេអាចនឹងពូកែសងសឹកទៅវិញភ្លាម ប៉ុន្តែមនុស្សនេះមិនចេះគុំយូរទេ ។

កំណើតមនុស្សកើតខែមីនា មានទេពកោសល្យល្អពីធម្មជាតិច្រើនយ៉ាងរួមមាន ពូកែជ្រើសរើសដៃគូជីវិត ពូកែតន្ត្រី ពូកែច្នៃប្រឌិត និងពូកែធ្វើអ្វីដែលអ្នកផ្សេងពិបាកធ្វើបាន ។

បើនិយាយពីស្នេហាវិញ មនុស្សកើតខែនេះចង់បានស្នេហាមួយឋិតថេរយូរអង្វែង រហូតចាស់ អស់ជីវិត។ គេតែងរំពឹងទុកខ្ពស់ពីគូស្នេហ៍របស់ខ្លួន។ បើបុគ្គលណាបានគេជាគូគាប់ភ្ជាប់និស្ស័យនឹងអ្នកកើតខែមីនា ច្រើនតែជោគជ័យក្នុងជីវិតអាពាហ៍ពិពាហ៍៕