Connect with us

KPT+

តានតឹងនិងការថប់បារម្ភយូរពេកអាចបំផ្លាញអនាគតទំាងស្រុង! ការពារដោយវិធីនេះ

បានផុស

នៅ

ភាពតានតឹងនិងការថប់បារម្ភ មិនមែនជារឿងប្លែកទេសម្រាប់មនុស្សបច្ចប្បន្ន។ ម​នុស្សភាគច្រើនសុទ្ធតែធ្លាប់ឆ្លងកាត់នូវបទពិសោធន៍ទាំងនេះ គ្រាន់តែអ្នកខ្លះចេះគ្រប់គ្រងវាហើយធ្វើឲ្យវាបាត់ទៅវិញ។ ប៉ុន្តែអ្នកខ្លះទៀត បណ្ដែតបណ្ដោយឲ្យបញ្ហាតានតឹងមកគ្រប់គ្រងខ្លួនវិញ រហូតក្លាយទៅជាជំងឺផ្លូវចិត្តធ្ងន់ធ្ងរក៏មាន។

ប្រសិនបើអ្នកកំពុងតានតឹងផ្លូវអារម្មណ៍ ​មានភាពស្មុគស្មាញ និងថប់បារម្ភ សូមកុំទុកវាឲ្យមកគ្របដណ្ដប់អ្នកបានឲ្យសោះ ហើយត្រូវដោះស្រាយវាតាមវិធីដ៏មានប្រសិទ្ធិភាពខាងក្រោមនេះ៖

១. ធ្វើលំហាត់ប្រាណ

Anaerobic Exercises You Should Try Today
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការហាត់ប្រាណគឺជារឿងមួយដែលសំខាន់បំផុតដែលអ្នកអាចធ្វើដើម្បីប្រឆាំងនឹងភាពតានតឹង។ ការធ្វើលំហាត់ប្រាណមិនត្រឹមតែអាចបំបាត់ភាពតានតឹងផ្លូវចិត្តប៉ុណ្ណោះទេ ប៉ុន្តែវាក៏មានអត្ថប្រយោជន៍ផ្សេងទៀតដោយកាត់បន្ថយអរម៉ូនស្ត្រេសឈ្មោះ cortisol បានក្នុងរយៈ ពេលវែង និងជួយបញ្ចេញអរម៉ូន endorphins ដែលជាសារធាតុគីមីធ្វើឲ្យអារម្មណ៍ប្រសើរ ព្រមទាំងដើរតួជាថ្នាំបំបាត់ការឈឺចាប់តាមបែបធម្មជាតិផងដែរ។ មិនត្រឹមតែប៉ុណ្ណោះ ការហាត់ប្រាណក៏អាចជួយបង្កើនគុណភាពដំណេកដែលអាចជះឥទ្ធិពលជាវិជ្ជមានលើភាពតានតឹងនិងការថប់បារម្ភបានថែមទៀត។

២. ប្រើថ្នាំបែបធម្មជាតិ

12 Science-Backed Benefits of Peppermint Tea and Extracts

ដើម្បីកាត់បន្ថយភាពតានតឹង និងការថប់បារម្ភយើងក៏អាចប្រើថ្នាំផងដែរ ប៉ុន្តែវាជាថ្នាំបែបធម្មជាតិ។

ជីអង្កាមត្រូវបានគេសិក្សារកឃើញថា មានឥទ្ធិពលប្រឆាំងនឹងការថប់បារម្ភបានយ៉ាងមានប្រសិទ្ធភាព។  បន្ថែមពីលើនេះ ការសិក្សាបានឲ្យដឹងថា អ្នកទទួលទាន អាស៊ីតខ្លាញ់អូមេហ្គា៣ ដែលមាននៅក្នុងគ្រាប់ធញ្ញជាតិនិងត្រីសាច់ អាចជួយឲ្យថយចុះការថប់បារម្ភ ២០% បើប្រៀបធៀបជាមួយនឹងអ្នកមិនញ៉ាំវា។ ចំណែកឯតែបៃតងមានផ្ទុកសារធាតុប្រឆាំងអុកស៊ីតកម្មប៉ូលីហ្វេណុលជាច្រើនដែលផ្តល់អត្ថប្រយោជន៍ដល់សុខភាព។ វាអាចបន្ថយស្ត្រេសនិងការថប់បារម្ភដោយការបង្កើនកម្រិត Serotonin ក្នុងរាងកាយ។

ក្រៅពីនោះ អ្នកក៏អាចដាំរុក្ខជាតិតូចៗផ្សេងទៀតនៅមុខផ្ទះ ក្នុងផ្ទះ ឬ ក្នុងបន្ទប់ដើម្បីជួយស្រូបខ្យល់កខ្វក់ ជួយបញ្ចេញអុកស៊ីហ្សែន និងជួយបន្ធូរអារម្មណ៍ឲ្យស្រស់ថ្លា។

៣. ដុតទៀន

Top 5 Recommended Spas in Siem Reap for Relaxing – Asia Travel Blog

ការប្រើប្រាស់ប្រេងឬដុតទៀនដែលមានក្លិនក្រអូបអាចជួយកាត់បន្ថយអារម្មណ៍តានតឹងនិងថប់បារម្ភបានដូចគ្នា។ ការសិក្សាជាច្រើនបានបង្ហាញថា ការព្យាបាលអារម្មណ៍ដោយប្រើប្រេងក្រអូបអាចជួយកាត់បន្ថយការថប់បារម្ភ ធ្វើឲ្យអារម្មណ៍ស្ងប់ និងគេងលក់ស្រួល។ ក្នុងនោះអ្នកអាចជ្រើសរើសប្រើប្រេងឬទៀនក្រអូបតាមក្លិននីមួយៗរបស់វារួមមាន ក្លិនឡាវែនឌ័រ ក្លិនវ៉ាន់នីឡា ក្លិនម្លិះ ក្លិនស្លឹកគ្រៃ ក្លិនដូងជាដើម។

៤. កាត់បន្ថយទទួលទានជាតិកាហ្វេអ៊ីន

International Coffee Day: Drinking two cups of coffee a day can help you  live longer, research suggests | The Independent | The Independent

ជាតិកាហ្វេអ៊ីនគឺជាភ្នាក់ងាររំញោចដែលមាននៅក្នុងកាហ្វេ តែ សូកូឡា និងភេសជ្ជៈប៉ូវកម្លាំងផ្សេងទៀត។ កម្រិតកាហ្វេអ៊ីនកាន់តែខ្ពស់អាចបង្កើនការថប់បារម្ភកាន់តែខ្លាំង។ ដូច្នេះបើចង់កុំឲ្យមានបញ្ហាផ្លូវអារម្មណ៍កាន់តែតឹងតែងទ្វេរដង អ្នកត្រូ​វកាត់បន្ថយការទទួលទានសារធាតុទាំងនេះ ហើយបើបញ្ឈប់បានតែម្ដង វារឹតតែល្អចំពោះសុខភាពរាងកាយនិងផ្លូវចិត្តផងដែរ។

៥. កត់ត្រាទុក

Dear Diary: 6 Ways To Make Journal Writing Less Boring - AmReading

វិធីមួយដើម្បីដោះស្រាយភាពតានតឹងគឺការសរសេររឿងក្នុងចិត្តនិងរឿងដែលជួបប្រឈមទុកក្នុងសៀវភៅ។ ដោយសារតែពេលស្មុគស្មាញខ្លាំង អ្នកប្រហែលពិបាកនឹងនិយាយប្រាប់នរណាម្នាក់ដោយផ្ទាល់ណាស់ ដូច្នេះមានតែការសរសេរទេដែលស្ដាប់រឿងរបស់អ្នកបានគ្រប់ពេល។ ក្នុងនោះដែរ ការសិក្សាជាច្រើនរកឃើញថា ខណៈពេលដែលមនុស្សកត់ត្រាអាចជួយបំបាត់ភាពតានតឹងនិងការថប់បារម្ភឲ្យបានធូរស្រាល ពិសេសប្រសិនពួកគេកត់ត្រាតែអ្វីដែលវិជ្ជមាន និងពីមនុស្សល្អៗ។

៦. ចំណាយពេលជាមួយមនុស្សជុំវិញខ្លួន

3,000+ Asian Friends Talking Pictures

កុំព្យាយាមផ្ដាច់ខ្លួននៅតែឯង តែត្រូវចំណាយពេលជាមួយមិត្តភក្តិ ក្រុមគ្រួសារឲ្យបានច្រើន។ មនុស្សទាំងនេះនឹងជួយអ្នកឲ្យឆ្លងផុតគ្រាតានតឹងដ៏លំបាកបាន ឲ្យតែអ្នកព្រមនៅជាមួយពួកគេ។ ញ៉ាំអាហារជាមួយគ្នា ដើរកម្សាន្តជាមួយគ្នា​ ស្ដាប់ភ្លេងជាមួយគ្នា និងសើចជាមួយគ្នាឲ្យច្រើនៗ សុទ្ធតែជាសុភមង្គលទាំងអស់។

៧. ចំណាយពេលជាមួយសត្វចិញ្ចឹម

8 Tips for a Happy Apartment Home Pet - Weidner Apartment Homes Blog

ការមានសត្វចិញ្ចឹមអាចជួយកាត់បន្ថយភាពតានតឹងនិងធ្វើអោយអារម្មណ៍ប្រសើរឡើង។អ្នកជំនាញនិយាយថា ការប្រាស្រ័យទាក់ទងជាមួយសត្វចិញ្ចឹមអាចជួយបញ្ចេញអុកស៊ីតូស៊ីនដែលជាសារធាតុគីមីខួរក្បាលជួយជំរុញឱ្យមានអារម្មណ៍វិជ្ជមាន។

៨. ធ្វើសមាធិ

ការធ្វើសមាធិកំពុងពេញនិយមនិងមានប្រសិទ្ធិភាពខ្លាំងមែនទែននាពេលបច្ចុប្បន្ននេះ។ ចំណាយពេលយ៉ាងហោច ១០ នាទីរៀរាល់ថ្ងៃនៅកន្លែងស្ងាត់ និងដកដង្ហើមចេញចូលឲ្យវែងៗ ដើម្បីសម្រាកខួរក្បាលក៏ដូចជាសម្រួលផ្លូវចិត្តឲ្យធូរស្រាលឡើង។ វិធីនេះជួយបានច្រើនយ៉ាងណាស់ទាំងផ្នែកបញ្ញាស្មារតី ចិត្តគំនិត និងរូបរាងកាយ។ វាជួយឲ្យអារម្មណ៍ស្ងប់ ជ្រះថ្លា និងបន្ថយសម្ពាធទៀតផង៕

ប្រែសម្រួល៖ សន្យា

ប្រភព៖ Healthline

ចុចអាន៖ ទាំងនេះជាប្រតិកម្មផ្លូវចិត្តកើតមានញឹកញាប់ បណ្តាលមកពីជំងឺកូវីដ

ចុចអាន៖ រៀនរស់នៅជាមួយនឹងបច្ចុប្បន្នភាព នាំឱ្យស្មារតីនឹងនរ ផ្លូវចិត្ត​រឹងមាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៦ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៧ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៨ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៨ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៦ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម