អ្នកវិទ្យាសាស្ត្រ រកឃើញមូលហេតុនៃការប្រែសក់ស្កូវទាំងវ័យក្មេង – Kampuchea Thmey Daily
Connect with us
Helistar Cambodia - Helicopter Charter Services

KPT+

អ្នកវិទ្យាសាស្ត្រ រកឃើញមូលហេតុនៃការប្រែសក់ស្កូវទាំងវ័យក្មេង

Published

on

មនុស្សយើងនៅពេលមានវ័យកាន់តែជ្រេ ការប្រែប្រួលរូបរាងកាយលើផ្នែកផ្សេងៗជារឿងធម្មតា។ ចំណែកពណ៌សក់ក៏ដូចគ្នា វានឹងប្រែប្រួលទៅតាមនោះដែរ។ ជាទូទៅនៅពេលបុរសនិងស្ត្រីមានវ័យចាប់ពី៣០ ឆ្នាំឡើងទៅ ពណ៌សក់ចាប់ផ្ដើមមានពណ៌ប្រផេះតិចៗ និងវិវត្តន៍ទៅជាស្កូវបន្តិចម្ដងៗទៅតាមវ័យជរា។

ប៉ុន្តែមានមនុស្សមួយចំនួន មានសក់ពណ៌ប្រផេះឬស្កូវ ខណៈដែលខ្លួនគេមិនទាន់ចាស់នៅឡើយ។ តើមានមានមូលហេតុអ្វីនៅពីក្រោយរឿងនេះ។

តាមការសិក្សាស្រាវជ្រាវនិងពិសោធន៍ថ្មីៗនេះ អ្នកស្រាវជ្រាវអាមេរិកនិងប្រេស៊ីលមកពី សាកលវិទ្យាល័យពី Sao Paulo និងសាកលវិទ្យាល័យ Harvard បាននិយាយថា មនុស្សដែលប្រែសក់ពណ៌ប្រផេះនៅចន្លោះអាយុ ៣០ ឆ្នាំ មូលហេតុអាចបណ្ដាលមកពីហ្សែនរបស់ឪពុកម្ដាយ និងដោយសារបញ្ហាជំងឺស្ត្រេស។

អ្នកស្រាវជ្រាវបានធ្វើពិសោធន៍លើសត្វកណ្ដុរដែលមានរោមពណ៌ខ្មៅមួយចំនួន។  ករណីសិក្សាបានរកឃើញថា រោមកណ្ដុរប្រែជាពណ៌ប្រផេះ បន្ទាប់ពួកវាស្រ្តេសខ្លាំងក្នុងរយៈពេលតែប៉ុន្មានសប្ដាហ៍ប៉ុណ្ណោះ។

តាមការពិសោធន៍បាននិយាយថា សរសៃ pain នៅក្នុងសត្វកណ្តុរបង្កឱ្យមានការបញ្ចេញសារធាតុ adrenaline និង cortisol ដែលធ្វើឱ្យបេះដូងលោតញាប់និងសម្ពាធឈាមឡើងខ្ពស់។ វាប៉ះពាល់ដល់ប្រព័ន្ធសរសៃប្រសាទ និងបណ្តាលឱ្យស្ត្រេសកើនឡើងកាន់តែខ្លាំង។ ក្នុងនោះអ្នកស្រាវជ្រាវជឿថា ស្រ្តេសប៉ះពាល់ទៅនឹងកោសិកា melanocyte ដែលជាកោសិកាផលិតមេឡានីន ដែលជាកោសិកាទទួលខុសត្រូវចំពោះពណ៌សក់និងពណ៌ស្បែក។

លោកសាស្រ្តាចារ្យ Ya-Cieh Hsu អ្នកនិពន្ធស្រាវជ្រាវមកពីសាកលវិទ្យាល័យ Harvard មានប្រសាសន៍ថា ភាពតានតឹងនឹងធ្វើឲ្យថយចុះនៃកោសិកាមេឡានីននៅក្នុងឬសសក់។ លោកនិយាយថា សារធាតុមេឡានីននឹងត្រូវបាត់បង់ប៉ុន្មានថ្ងៃក្រោយ បន្ទាប់ពីស្ត្រេស  ហើយការបាត់បង់នេះនឹងមិនកើតឡើងវិញទេ ដែលនេះជាមូលហេតុធ្វើឲ្យសក់ប្រែពណ៌ជាប្រផេះនិងស្កូវមុនអាយុ។

សាស្ត្រាចារ្យ Hsu បានប្រាប់ BBC ថា ការរកឃើញពីការពិសោធន៍សត្វកណ្ដុរ នៅពុំទាន់ជាការព្យាបាលចំពោះអ្នកមានសក់ស្កូវទេ វាគ្រាន់តែជាការចាប់ផ្ដើមដើម្បីស្វែករកវិធីសាស្ត្រដោះស្រាយលើបញ្ហានេះប៉ុណ្ណោះ។  លោកបន្ថែមដូច្នេះ ការស្រាវជ្រាវបានរកឃើញថា បញ្ហាស្ត្រេសអាចជះឥទ្ធិពលដល់ផ្នែកជាច្រើននៃរាងកាយ ក៏ដូចជាសរសៃសក់ផងដែរ៕

ប្រែសម្រួល៖ សន្យា

ចុចអាន៖ វ៉ាក់សាំងមហារីកមាត់ស្បូន ក្មេងស្រីអាយុប៉ុន្មានអាចចាក់បាន? ចាក់ប៉ុន្មានដង?

ចុចអាន៖ ទទួលទានខ្ទឹមសរាល់ថ្ងៃ ​ដឹងពី​មហាអត្ថប្រយោជន៍ទំាងនេះ​ដែរ?

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ4 mins ago

លោក​អភិបាលខណ្ឌ​ច្បារអំពៅ​ដឹកនាំ​កម្លាំង​ចុះ​លាង​សំអាត​ស្ពាន​ទាំងយប់​

ព័ត៌មានជាតិ28 mins ago

អង្គការ IOM​ស្នើ​កម្ពុជា​ដាក់​បេក្ខភាព​ប្រកួត​យក​ជ័យលាភី​ទាក់ទង​នឹង​ការប្រយុទ្ធប្រឆាំង​ការជួញដូរ​

ព័ត៌មានជាតិ35 mins ago

បង្ក្រាប​ទីតាំង​ភ្នាល់​បាល់​ដ៏​ធំ​មួយ​នៅ សង្កាត់​ផ្សារ​ដើម​គរ ឃាត់ខ្លួន​មនុស្ស​៦​នាក់​

ព័ត៌មានជាតិ2 hours ago

មន្ត្រី​នគរបាល​ជាតិ​៧៤​នាក់​ ទើប​មកពី​វៀតណាម​ត្រូវធ្វើ​ច​ត្តា​ឡី​ស័ក​១៤​ថ្ងៃ ​នៅ​ខេត្តស្វាយរៀង

ព័ត៌មានជាតិ2 hours ago

ជនជាតិ​ថៃ​១៥​នាក់ ត្រូវសមត្ថកិច្ច​ឃាត់ខ្លួន ​ក្រោយពួក​គេ​ប្រាប់​ថា​​ វង្វេងផ្លូវ​មិន​មានបំណងចូលទឹកដីខ្មែរ​ទេ

Sokha Hotels

ព័ត៌មានពេញនិយម

Helistar Cambodia - Helicopter Charter Services