ព័ត៌មានជាតិ

កម្ពុជា-ថៃ យល់ព្រមដកអាវុធធុនធ្ងន់ចេញពីព្រំដែនក្រោយកិច្ចព្រមព្រៀងសន្តិភាពត្រូវបានចុះហត្ថលេខា

បានផុស

៨ ខែ មុន

នៅ

ថ្ងៃសៅរ៍ ១៨ តុលា ២០២៥

ដោយ

ឧបនាយករដ្ឋមន្ត្រីការបរទេសលោក ប្រាក់ សុខន បានបញ្ជាក់ថាកម្ពុជានិងថៃបានយល់ព្រមក្នុងការដកអាវុធធុនធ្ងន់ចេញពីព្រំដែនទាំងអស់ត្រលប់ចូលមូលដ្ឋានវិញ ក្រោយពេលដែលកិច្ចព្រមព្រៀងសន្តិភាពត្រូវបានចុះហត្ថលេខា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់ទូរទស្សន៍ជាតិកម្ពុជានៅថ្ងៃទី១៨ ខែតុលា ឆ្នាំ២០២៥នេះ លោក ប្រាក់ សុខុន បានឱ្យដឹងថា៖ «សំខាន់មួយគឺថាការដកអាវុធធុនធ្ងន់ទាំងឡាយពីព្រំដែនបញ្ជូនទៅកាន់មូលដ្ឋានទ័ពរៀងៗខ្លួនវិញដើម្បីកាត់បន្ថយនូវភាពតានតឹងតាមព្រំដែនដែននេះ»។

នេះគឺជាចំណុចមួយក្នុងចំណោម១០ចំណុចផ្សេងដែលកម្ពុជានិងថៃបានព្រមព្រៀងក្នុងកិច្ចប្រជុំចតុភាគី កម្ពុជា ថៃ ម៉ាឡេស៊ី អាមេរិក នៅទីក្រុងគួរឡាឡាំពួរប្រទេសម៉ាឡេស៊ីកាលពីថ្ងៃទី១៧ ខែតុលា ម្សិលមិញនេះ។

លោកឧបនាយករដ្ឋមន្ត្រីថាការចរចានោះគឺតឹងតែងដែរតែដោយសារមានឆន្ទៈរួមនោះទើបប្រទេសទាំងពីរសម្រេចបាននូវលទ្ធផលបានដូច្នេះ។ លោកឧបនាយករដ្ឋមន្ត្រីក៏បានឆ្លៀតថ្លែងអំណរគុណដល់ប្រទេសអាមេរិកចំពោះការចូលរួមនេះផងដែរ។

តាមគម្រោងកម្ពុជានិងថៃនឹងចុះហត្ថលេខាលើកិច្ចព្រមព្រៀងសន្តិភាពនេះនៅចុងខែតុលានេះ៕

អត្ថបទដោយ ហ៊ុន សិរីវឌ្ឍន៍