ក្នុងឱកាសរំលឹកខួបថ្ងៃ៧មករា ពន្ធនាគារខេត្តបន្ទាយមានជ័យ បានបន្ធូរបន្ថយទោសដល់ទណ្ឌិត ១២នាក់

ក្នុងឱរំលឹកខួបលើរបបប្រល័យពូជសាសន៍ប៉ុលពត ៧មករា ១៩៧៩ ៧មករា ២០២៦ ខាងមុខ ពន្ធនាគារខេត្តបន្ទាយមានជ័យ បានសម្រេចធ្វើការបន្ធូរបន្ថយទោសដល់ទណ្ឌិតចំនួន១២នាក់ ដោយក្នុងម្នាក់ត្រូវបានបន្ថយទោយបានចំនួន៣ខែ។ ការសម្រេចបន្ថយទោសដល់ទណ្ឌិតទាំង១២នាក់នេះ គឺទៅតាមព្រះរាជក្រឹត្យលេខ ២៧.០៤ ១៥.០០មរ ចុះថ្ងៃទី២៦ ខែឧសភា ឆ្នាំ២០២៣ នស/រកត/៩១៨ របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាខ្សត្រ នៃព្រះរាជាណាចក្រកម្ពុជា។

សូមជម្រាបថា បើតាមលោក អ៊ុង សុីផាន ប្រធានពន្ធនាគារខេត្តបន្ទាយមានជ័យបានឲ្យដឹងថា មកដល់បច្ចុប្បន្នពន្ធនាការខេត្តបន្ទាយមានជ័យមានជនជាប់ឃុំសរុបមានប្រហែល ចំនួន ២.៩៥៣ នាក់។ ជនជាប់ឃុំត្រូវបានអនុវត្តនូវតួនាទីភារកិច្ចរបស់ខ្លួនដូចជា ការអប់រំកែប្រែស្ដានិតិសម្បទា ការបណ្ដុះបណ្ដាលវិជ្ជាជីវៈ ការរក្សាសន្តិសុខសណ្ដាប់ធ្នាប់នៅក្នុងពន្ធនាគារ ការងារកសិកម្មសិប្បកម្ម ការអភិវឌ្ឍន៍ធនធានមនុស្ស និងការអភិវឌ្ឍន៍ហេដ្ឋារចនាសម្ព័ន្ធនានា ប្រកបដោយភាពទទួលខុសត្រូវខ្ពស់។

ប្រធានពន្ធនាគារខេត្តបន្ទាយមានជ័យ បានមានប្រសាសន៍ឲ្យដឹងបន្តទៀតថា អង្គភាពបានយកចិត្តទុកដាក់លើគោលនយោបាយកំណែទម្រង់ពន្ធនាគារ គឺការអប់រំកែប្រែ និងស្ដានីតិសម្បទាដល់ជនជាប់ឃុំ ដែលមានអប់រំផ្លូវចិត្តរៀនអក្សរខ្មែរ គ្រប់ចំណេះដឹង ចំណុចនេះអង្គភាពបានយកចិត្តទុកដាក់ធ្វើការបែងចែកចំណាច់ថ្នាក់សន្តិសុខដែលជាមូលដ្ឋានសម្រាប់ស្មើសុំបន្ធូរបន្ថយ និងលើកលេងទោសដល់ទណ្ឌិតស្របតាមនីតិវិធីច្បាប់ផងដែរ។

បើតាមប្រធានពន្ធនាគារ ជនជាប់ឃុំត្រូវបានបន្ធូបន្ថយទោសលើកលែងទោសក្នុង១ឆ្នាំមានចំនួន៣លើក មាន ៣ខែ.៦ខែ.និង៩ខែទៀតផង៕

អត្ថបទ៖ វ៉ាន់ ណាង