ព័ត៌មានជាតិ
ផឹកស៊ីស្រែកឡូឡារាល់យប់រំខានអ្នកជិតខាង ត្រូវសមត្ថកិច្ចចុះព្រមានដល់ផ្ទះ
លោក កុក កុយ និង ប្រពន្ធឈ្មោះ ហុង ម៉េង ទីលំនៅភូមិស្វាយតាមេឃ ឃុំកោះធំ(ខ) ស្រុកកោះធំ ខេត្តកណ្ដាល ដែលតែងផឹកស៊ីឡូឡាបង្កការរំខានដល់អ្នកជិតខាងនោះ ត្រូវកម្លាំងនគរបាលប៉ុស្តិ៍កោះធំ កាលពីព្រឹកថ្ងៃទី ១៤ ខែមេសា ឆ្នាំ ២០២១ ចុះព្រមានដល់ផ្ទះតែម្ដង។
នៅពេលសមត្ថកិច្ចចុះដល់ផ្ទះ ឈ្មោះ កុក កុយ បានទទួលស្គាល់កំហុសដែលខ្លួនតែងតែផឹកស៊ី ឡូឡា និយាយសំឡេងឮៗ បង្កការរំខានដល់អ្នកជិតខាង។ បន្ទាប់មក សមត្ថកិច្ចនគរបាលប៉ុស្តិ៍ ក៏បានធ្វើកិច្ចសន្យាអប់រំណែនាំដល់ ឈ្មោះ កុក កុយ និង ប្រពន្ធ ឲ្យបានយល់ដឹងពីផ្លូវច្បាប់ និងណែនាំកុំឲ្យមានការប្រមូលផ្ដុំជួបជុំគ្នាដើម្បីចូលរួមទប់ស្កាត់ការរីករាលដាលជំងឺកូវីដ-១៩។
ការចុះដល់លំនៅដ្ឋាន ឈ្មោះ កុក កុយ នេះ បន្ទាប់ពីក្រុមការងារព័ត៌មាន និង ប្រតិកម្មរហ័ស នៃស្នងការដ្ឋាននគរបាលខេត្តកណ្តាលទទួលបានការរាយការណ៍ពីគណនីហ្វេសប៊ុកសុំមិនបញ្ចេញឈ្មោះ ក្នុងប្រអប់សារផេកស្នងការដ្ឋាននគរបាលខេត្តកណ្ដាល មានខ្លឹមសារថា ៖ នៅក្នុងភូមិស្វាយតាមេឃនេះមានការជួបជុំផឹកស៊ីស្រែកឡូឡាជារៀងរាល់យប់ ផឹកនៅផ្ទះ លោក កុក កុយ និង ប្រពន្ធឈ្មោះ ហុង ម៉េង។ សូមលោកពូ ជួយមកធ្វើអន្តរាគមន៍ផង ព្រោះគ្រួសារនេះមិនខ្លាចញញើតនឹងប៉ូលិសឡើយ។
បន្ថែមពីនោះ លោកពូប៉ូលិសហ៊ង មេប៉ុស្តិ៍សំប៉ាន ក៏ឧស្សាហ៍មកស៊ីផឹកនៅផ្ទះ លោក កុក កុយ ដែរ ។ មុននេះបន្ដិច ប៉ូលិស ហ៊ង ជិះម៉ូតូមកឃើញកំពុងតែជួបជុំស៊ីផឹកក៏មិនបានថាអីឲ្យគ្រួសារហ្នឹងដែរ ព្រោះប៉ូលិសហ៊ង ទទួលប្រយោជន៍ពីគ្រួសារហ្នឹងច្រើនណាស់(លុយ)។
ពាក់ព័ន្ធបញ្ហារឿងលុយកាក់នេះ ឈ្មោះ កុក កុយ បានបដិសេធ ហើយអះអាងថា ខ្លួនពុំដែលបានផ្ដល់ប្រយោជន៍អ្វីដល់ប៉ូលិស ឈ្មោះ ហ៊ង ទេ គឺគ្រាន់ជាអ្នកស្គាល់រាប់អានគ្នាធ្លាប់ចេញចូលលេងផ្ទះប៉ុណ្ណោះ៕
អត្ថបទ ៖ សំអឿន
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា