Connect with us

ព័ត៌មានជាតិ

ជួបជុំផឹកស៊ីល្មេីសបម្រាមគោចរ​ត្រូវសមត្ថកិច្ចឃាត់ខ្លួន១៣នាក់

បានផុស

នៅ

កម្លាំងគណៈបញ្ជាការឯកភាពខណ្ឌពោធិ៍សែនជ័យចុះបង្ក្រាបឃាត់ខ្លួនប្រុសស្រី១៣នាក់ដែលនាំគ្នាប្រមូលផ្តុំគ្នាផឹកស៊ីបំពានបម្រាមគោចរ។

ការបង្ក្រាបឃាត់ខ្លួននេះបានធ្វេីឡេីងកាលពីវេលាម៉ោង១០យប់ ថ្ងៃទី៤ ខែសីហា ឆ្នាំ២០២១ នៅចំណុចហាងយីហោ នីសា កែវព្រិល នៅតាមបណ្តោយមហាវិថីទំនប់កប់ស្រូវ ក្នុងភូមិត្រពាំងទា សង្កាត់ត្រពាំង ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុទីតាំងខាងលេីបានបង្កេីតកម្មវិធី​ខួប​កំណេីត និងជួបជុំផឹកស៊ីតាំងពីក្បាលព្រលប់រហូតដល់ម៉ោងបម្រាមគោចរនៅតែបន្តមិនឈប់ទៀត រហូតមកដល់វេលាកេីតហេតុកម្លាំងសមត្ថកិច្ចបានចុះល្បាតក្នុងមូលដ្ឋានក៏ប្រទះឃេីញនិងចុះធ្វេីការបង្ក្រាបឃាត់ខ្លួនមនុស្សចំនួន១៣នាក់ក្នុងនោះមានប្រុសម្នាក់។

ក្រោយពីការបង្ក្រាបអាជ្ញាធរបានទាក់ទងទៅក្រុមគ្រូពេទ្យដេីម្បីចុះយកសំណាកនាក់ទាំងអស់គ្នា ឃេីញថាអវិជ្ជមានទាំងអស់ ក្នុងនោះផងដែរសមត្ថកិច្ចបាននាំខ្លួនបុរសម្នាក់ជាថៅកែហាងយកទៅសួរនាំបន្តដោយ​ឡែកមនុស្សចំនួន១២នាក់ទៀតគ្រាន់តែធ្វេីការអប់រំ៕

ដោយៈ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម