គ.ជ.ប សម្រេចលើកពេលបោះឆ្នោតសាកល្បងជ្រើស រើសក្រុមប្រឹក្សាឃុំសង្កាត់ ឆ្នាំ២០២១

គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានសម្រេចលើកពេលអនុវត្តដំណើរកការបោះឆ្នោត សាក​​ល្បងសម្រាប់ជ្រើសរើសក្រុមប្រឹក្សាឃុំសង្កាត់ឆ្នាំ២០២១ ដែលគ្រោងនឹងអនុវត្តនៅថ្ងៃទី២៣ ខែឧសភា ឆ្នាំ២០២១ នៅក្នុងឃុំ សង្កាត់ គោលដៅចំនួន២៥ នៃរាជធានី ខេត្ត ទាំងអស់ទូទាំងប្រទេស។ 

ចំណែកឯកិច្ចប្រជុំពិគ្រោះយោបល់ជាមួយភាគីពាក់ព័ន្ធតាមអនឡាញ ដែលគ្រោងនឹងប្រព្រឹត្តទៅនៅថ្ងៃទី២១ ខែមេសា ឆ្នាំ២០២១ ក៏ត្រូវបានលើកពេលផងដែរ។

សេចក្តីប្រកាសព័ត៌មានរបស់ គ.ជ.ប ចេញផ្សាយនៅថ្ងៃទី ២០ ខែមេសានេះបានឱ្យដឹងថា ការសម្រេចលើកពេលនេះ ដោយសារតែ ស្ថានភាពបនៃការឆ្លងរីករាលដាលជំងឺកូវីដ១៩ ក្នុងព្រះរាជាណាចក្រកម្ពុជាបច្ចុប្បន្ន កាន់តែធ្ងន់ធ្ងរឡើងៗ ។

កាលបរិច្ឆេទនៃការអនុវត្តការបោះឆ្នោតសាកល្បង ជ្រើសរើសក្រុមប្រឹក្សាឃុំ  សង្កាត់ ឆ្នាំ២០២១ នឹងត្រូវកំណត់ជាថ្មី តាមលទ្ធភាពដែល គ.ជ.ប អាចធ្វើបាន បន្ទាប់ពីស្ថានភាព នៃការឆ្លងជំងឺកូវីដ-១៩ ត្រូវបានគ្រប់គ្រងទាំងស្រុងដោយរាជរដ្ឋាភិបាល៕

អត្ថបទ៖កោះកែវ