ព័ត៌មានជាតិ
អ្នកលក់ផ្លែម្នាស់ពិនិត្យឃើញវិជ្ជមានកូវីដ១៩ ត្រូវអាជ្ញាធរនាំសាច់ញាតិ៧នាក់ទៅពិនិត្យសំណាក
បាត់ដំបង ៖ បុរសម្នាក់ដែលជាអ្នករកស៊ីដឹកផ្លែម្នាស់ពីស្រុករុក្ខគិរីទៅលក់នៅទីក្រុងភ្នំពេញ ត្រូវបានពិនិត្យឃើញថា មានវិជ្ជមានកូវីដ១៩ ដែលតម្រូវឲ្យអាជ្ញាធរនាំយកទាំងសាច់ញាតិចំនួន៧នាក់ ទៅពិនិត្យសំណាក។
អាជ្ញាធរស្រុករុក្ខគីរីបានឲ្យដឹងថា នៅថ្ងៃទី២១ខែមេសានេះ មន្ត្រីសុខាភិបាលខេត្តបាត់ដំបងបាន មកដឹកសាច់ញាតិចំនួន៧នាក់ ដែលមានប្រពន្ធនិងកូនពីរនាក់ ឪពុកម្តាយបង្កើតនិងម្តាយក្មេក របស់បុរសម្នាក់ដែលរកស៊ីដឹកម្នាស់ទៅលក់នៅភ្នំពេញក្រោយពីពិនិត្យឃើញថា មានវិជ្ជមានកូវីដ១៩។
លោក ស្រី ប៊ិន ប៉ូឡែន អភិបាលស្រុករុក្ខគីរី ខេត្តបាត់ដំបង បានឲ្យដឹងថា បុរសឈ្មោះ យ៉ាន គឹមយ៉ា អាយុ២៨ឆ្នាំ រស់នៅស្រុករុក្ខគីរី ដែលជាអ្នករកស៊ីដឹកម្នាស់ពីស្រុករុក្ខគីរី ទៅលក់នៅទីក្រុងភ្នំពេញ ត្រូវបានមន្ត្រីសុខាភិបាល ពិនិត្យឃើញថា មានវិជ្ជមានកូវីដ១៩ កាលពីថ្ងៃទី២០ខែមេសា។
លោកស្រីបញ្ជាក់ថា ហេតុដូច្នេះទើបសាច់ញាតិទាំង៧នាក់ ត្រូវយកទៅពិនិត្យសំណាក ចំណែកអ្នកពាក់ព័ន្ធផ្សេងទៀតត្រូវ បានតម្រូវឲ្យធ្វើចត្តាឡីស័កនៅផ្ទះរបស់ខ្លួន ដោយមានការត្រួតពិនិត្យយ៉ាងម៉ត់ចត់។
លោក វេជ្ជបណ្ឌិត វឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបងបានបញ្ជាក់ថា បុរស ខាង លើពិតជាបានរកឃើញវិជ្ជមានកូវីដ១៩ពិតប្រាកដមែន។
នៅល្ងាចថ្ងៃទី ២១ខែមេសានេះដែរ មន្ទីរសុខាភិបាលខេត្តបាត់ដំបងបានប្រកាសរកអ្នកដែលបានប៉ះពាល់ដោយផ្ទាល់ ឬដោយប្រយោលជាមួយអ្នកដែលមានវិជ្ជមានកូវីដ-១៩ ឬអ្នកដែលធ្លាប់បានចេញចូលរកស៊ីនៅផ្សារនាគមាស រាជធានីភ្នំពេញ ក្នុងអំឡុងពេលមានរកឃើញអ្នកមានវិជ្ជមានកូវីដ-១៩ កន្លងមកនេះ ហើយបានធ្វើដំណើរមកខេត្តបាត់ដំបង សូមអញ្ជើញចូលខ្លួនទៅពិនិត្យសំណាក ឬទំនាក់ទំនងមកក្រុមឆ្លើយតបបន្ទាន់ តាមរយៈទូរសព្ទលេខ៖ 012 416 247 និង 017 646 966 ដើម្បីប្រឹក្សាសុខភាព និងយកសំណាកមកពិនិត្យ៕
ដោយ ៖ សោ និយមរដ្ឋ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ